Overview

Mae'r modiwl hwn ar gyfer offerynwyr a chantorion sy'n dymuno ehangu a datblygu eu profiad o berfformio gyda'r bwriad o ddilyn gyrfa ym maes addysg gerddorol. Bydd y myfyrwyr yn cymryd rhan mewn amrywiol weithgareddau a fydd yn archwilio agweddau ar ddysgu hyfforddi a chyfarwyddo offerynnol/lleisiol. Byddant yn datblygu sgiliau cyfathrebu ac arwain, yn ogystal â datblygu eu gwybodaeth am arddulliau, genre a repertoire cerddorol. Yn ogystal, bydd y myfyrwyr hynny nad ydynt yn dilyn WMP-4112 Perfformance II yn cael gwersi ar eu hofferynnau eu hunain, neu yn achos chwaraewyr offerynnau nad ydynt yn rhai gorllewinol, ar offeryn cytras.

Assessment Strategy

Trothwy (50-59): Arddangos y canlynol: sgiliau offerynnol/lleisiol digonol; ac ymwybyddiaeth gadarn o faterion sy'n ymwneud ag addysgu, hyfforddi a chyfarwyddo perfformwyr; hyder wrth gyfathrebu ac arwain.

Da (60-69): Arddangos y canlynol: sgiliau offerynnol/lleisiol da; ymwybyddiaeth dda o faterion sy'n ymwneud ag addysgu, hyfforddi a chyfarwyddo perfformwyr; hyder wrth gyfathrebu ac arwain.

Rhagorol (70+): Arddangos y canlynol: sgiliau offerynnol/lleisiol rhagorol; gwybodaeth gadarn a gwreiddiol ar adegau o faterion sy'n ymwneud â hyfforddi a chyfarwyddo perfformiadau; sicrwydd proffesiynol ei naws wrth gyfathrebu ac arwain.

Learning Outcomes

• Ar ôl cwblhau’r modiwl yn llwyddiannus, bydd y myfyrwyr yn gallu arddangos gallu technegol a cherddorol datblygedig ar eu hofferyn neu fel canwr.

• Ar ôl cwblhau’r modiwl yn llwyddiannus, bydd y myfyrwyr yn gallu creu dull gwybodus academaidd o ddysgu perfformio cerddorol a mynegi hynny ar lafar / yn ysgrifenedig, fel bo'n briodol.

• Ar ôl cwblhau’r modiwl yn llwyddiannus, bydd y myfyrwyr yn gallu dangos gwerthfawrogiad beirniadol o wahanol ddulliau o ddysgu perfformio cerddoriaeth.

• Ar ôl cwblhau’r modiwl yn llwyddiannus, bydd y myfyrwyr yn gallu trwy arddangosiad, cyfleu cyfarwyddyd ac arweiniad mewn addysgeg.