Astudiaethau PHD y Ganolfan Astudiaethau Pentecostaidd a Charismataidd

Trwy waith yr ysgolheigion sy'n gysylltiedig â'r CPCS, mae Prifysgol Bangor yn cynnig PhD sy'n cynnwys meddwl am destun traethawd ymchwil PhD, ymchwilio iddo, ei ysgrifennu a'i amddiffyn, gyda'r traethawd ymchwil rhwng 80,000-100,000 o eiriau o hyd ac eithrio troednodiadau. Gellir dilyn y radd yn rhan amser dros bedair i chwe blynedd yn dibynnu ar baratoi academaidd blaenorol a chyfradd y cynnydd. Gellir dod o hyd i'r ffioedd cyfredol ar gyfer y cwrs astudio hwn yma [insert link to Bangor finances page here]. Er nad oes llawer o gymorth ariannol sefydliadol ar gael ar gyfer myfyrwyr PhD rhan amser rhyngwladol, efallai y bydd graddedigion yn gallu sicrhau benthyciadau myfyrwyr i dalu costau trwy'r ffyrdd arferol, gan fod gan Brifysgol Bangor rif cymorth myfyriwr sefydliadol.

Canolfan Diwinyddiaeth Bentecostaidd yn Cleveland

Mae'r PhD yn cynnwys mynd i'r seminarau a gynhelir ddwywaith y flwyddyn a chymryd rhan ynddynt (Mai a Thachwedd) a drefnir gan y Ganolfan Diwinyddiaeth Bentecostaidd yn Cleveland, TN . Yn ystod y seminarau, mae ymchwilwyr PhD yn clywed gan gynrychiolwyr gweinyddol o Brifysgol Bangor yn ogystal â chael cyfle i gyflwyno eu hymchwil eu hunain i'w cyd-ymchwilwyr ac aelodau staff yn y cyd-destun colegol hwn. Mae asgwrn cefn y rhaglen yn cynnwys goruchwyliaethau unigol rheolaidd gyda goruchwyliwr PhD y myfyriwr, sy'n cynnig arweiniad ac ymgysylltiad wrth i'r myfyriwr baratoi yn y pen draw i gyflwyno'r traethawd ymchwil i'w arholi'n ffurfiol gan arholwr allanol ac arholwr mewnol. Mae'r Viva, fel y mae'n hysbys, yn digwydd ym Mangor, ac mae'n debyg mai dyma'r unig dro y bydd yn rhaid i'r myfyriwr deithio i Fangor.

Aaron J Robinson - Myfyriwr PhD

Mynediad

Mae mynediad i'r cwrs astudio PhD yn dibynnu ar radd meistr berthnasol a chynnig traethawd ymchwil derbyniol. Gan fod y cynnig o'r fath bwysigrwydd strategol i fyfyriwr gael ei dderbyn, anogir y rhai sy'n ceisio cael eu derbyn i wneud PhD i fod mewn cysylltiad ag aelod o staff, yn y lle cyntaf, i benderfynu a oes gan aelod o staff ddiddordeb mewn goruchwylio pwnc y traethawd ymchwil. Mae gan Brifysgol Bangor bolisi derbyniadau treigl, felly mae'n bosibl y bydd ymgeisydd PhD fel rheol yn gallu cychwyn ar ei ymchwil ar sawl pwynt yn ystod y flwyddyn ar ôl derbyn y cynnig ffurfiol o le i astudio.