Trwydded Parcio Myfyrwyr
Gwneud cais am drwydded barcio i fyfyrwyr 2023/2024
Mae angen trwydded barcio ar unrhyw un sy'n dymuno parcio ym meysydd parcio'r brifysgol ym Mangor, Porthaethwy a Wrecsam.
Tra fod y Brifysgol yn gorffen ei hadolygiad o ffioedd parcio, nid oes cost am y trwyddedau ar hyn o bryd. Bydd rhybudd ymlaen llaw cyn i'r gost gael ei ailgyflwyno.
Gallwch wneud cais am un drwydded yn unig. Os ydych angen cymorth i benderfynu pa drwydded sydd orau i chi, cysylltwch â Desg Gymorth Gwasanaethau Campws neu ffoniwch 01248 382783.
Mae lleoedd parcio i fyfyrwyr ar gael ar draws yr ystad a chaiff trwyddedau parcio i fyfyrwyr eu dyrannu naill ai ar sail lle rydych chi’n byw neu lle rydych chi’n astudio. Sylwch nad oes modd i fyfyrwyr barcio ym mhob un o feysydd parcio’r brifysgol.
Os ydych yn ddeiliad bathodyn glas neu'n fyfyriwr ag anawsterau symud, anfonwch e-bost at Ymgynghorydd Gwasanaethau Anabledd yn yr adran Gwasanaethau Myfyrwyr gwasanaethanabledd@bangor.ac.uk i gael cyngor ar ba drwydded sydd ei hangen arnoch.
Caniatewch saith diwrnod gwaith i ni brosesu eich cais.
Gofynnwn i chi barcio mewn man parcio dynodedig bob amser, a pheidiwch â pharcio ar linellau melyn dwbl a mannau lle ceir llinellau croes.