Projectau

Mae’r Coleg yn dyrannu grantiau i’r Prifysgolion ar gyfer gwahanol brojectau sy’n ymwneud â chynnal a hyrwyddo addysg uwch cyfrwng Cymraeg. Mae Prifysgol Bangor wedi elwa llawer ar y buddsoddiadau hyn.

Grantiau bach

Mae’r grantiau bach werth hyd at £2,500 ac ar gyfer projectau sy’n para hyd at 12 mis. Dyma enghreifftiau o’r mathau o brojectau sydd wedi cael eu cyllido yn barod gan y gronfa grantiau bach:

• Cyflwyno ffrwyth prosiect ymchwil ar y we
• Cyfres o ddarlithiau gan awdur gwadd
• Ysgol undydd
• Mynychu cynhadledd ryngwladol
• Cyflogi Cynorthwyydd ymchwil i gywain data

Cronfa strategol - Prif Brojectau

Mae’r grantiau strategol ar gyfer projectau sy’n para hyd at dair blynedd. Mae cyfle i gyflwyno ceisiadau i'r gronfa hon unwaith y flwyddyn. Dyma enghreifftiau o’r mathau o brojectau sydd wedi eu cyllido gan y gronfa strategol:

• Datblygu modiwl newydd
• Creu swyddi preswyl i fyfyrwyr
• Datblygu cyfrol
• Creu safle gwe