Overview

Mae'r modiwl hwn yn gyflwyniad i gyfansoddi mewn nodiant ar gyfer offerynnau a lleisiau. Byddwch yn dysgu am gerddoriaeth amrywiaeth eang o gyfansoddwyr ac ymagweddau creadigol, gan dynnu allan dechnegau y gallwch eu defnyddio i'ch cyfansoddiadau eich hun. Byddwch yn meddu ar y mewnwelediadau technegol sydd eu hangen arnoch i weithio'n hyderus fel cyfansoddwr, gan gynnwys sgiliau gydag offerynnau, nodiant a phrosesau cyfansoddi. Cewch eich asesu trwy amrywiaeth o ymarferion cyfansoddi technegol, a thrwy gwblhau cyfansoddiadau byr.

Bydd y modiwl yn canolbwyntio ar amrywiaeth eang o ddulliau creadigol, technegol ac ymarferol penodol, megis:

Technegau cyfansoddi: - Harmoni, - Alaw a llinell - Rhythm - Ffurf

Astudiaethau arddull: - Argraffiadaeth - Neoglasuriaeth - Cyfresiaeth

Offerynnau: - Chwythbrennau - Telyn - Llinynnau - Piano

Nodiant a defnyddio meddalwedd Sibelius Ysgrifennu am eich cyfansoddiadau: Nodiadau Rhaglen

Assessment Strategy

-trothwy -(Gradd D- i D+) Yr elfen allweddol yma yw creu syniadau cerddorol. Dyma rai o'r ffactorau a allai gyfyngu'r marc i'r lefel yma: strwythur cyffredinol sy'n rhy syml neu'n or-gymhleth nad yw’n cynnal y deunydd sydd ynddo nac ychwaith yn cael ei gynnal ganddo; ymryson cerddorol ysbeidiol yn unig, gan brin gyffwrdd ar y deunyddiau; diffyg syniadau cerddorol, a’r rheiny o werth amheus; diffyg cydbwysedd o ran undod ac amrywiaeth, a hynny ar draul cynnal diddordeb (yn enwedig trwy ailadrodd deunydd verbatim yn ddi-glem); priodoldeb y defnydd o'r adnoddau offerynnol, lleisiol, sonig a/neu dechnolegol yn amrywio; y dechneg yn eithaf sylfaenol; rhai ymdrechion sylfaenol, er nad bob amser yn llwyddiannus, i greu siâp cerddorol a rheoli cymalau, ystumiau, cyflymder, tempo, dynameg, seinlawnder ac ansoddau; cyflwyniad digonol ar y cyfan, er gyda rhai llithriadau arwyddocaol, a deunyddiau y byddai'n rhaid eu diwygio i fod o ddefnydd ymarferol mewn perfformiad.

-lefel arall-(Gradd C- i C+) Y prif gryfder sy’n teilyngu marc yn y categori hwn yw creu syniadau cerddorol a’u cyflawni’n dechnegol er mwyn cael canlyniad effeithiol drwodd a thro. Mae ffactorau a allai gyfyngu'r marc i'r lefel yma yn cynnwys: strwythur cyffredinol nad yw’n llwyr gynnal y deunydd sydd ynddo nac ychwaith yn cael ei lwyr gynnal ganddo; llithriadau ysbeidiol yn effeithiolrwydd yr ymryson cerddorol, rhai agweddau ar y syniadau cerddorol heb eu cyffwrdd neu heb eu datblygu'n ddigonol; mae yma ddyfeisgarwch ond mae'n gyfyngedig; llwyddiant cymysg o ran cyfosodiad a pherthynas effeithiol rhwng y syniadau a'r deunyddiau; peth anghydbwysedd o ran undod ac amrywiaeth (yn enwedig o ran gorddefnyddio deunydd sydd heb ei ddatblygu); defnydd amhriodol, yn achlysurol, ar adnoddau offerynnol, lleisiol, sonig a/neu dechnolegol; y dechneg yn gadarn, ond heb fod yn hyderus nac yn huawdl bob amser; siapio a rheolaeth gerddorol ysbeidiol a chyfyngedig ar gymalau, ystumiau, cyflymder, tempo, deinameg, seinlawnder ac ansoddau; ychydig o lithriadau o ran y cyflwyno, a rhai cyfyngiadau o ran ymarferoldeb y deunyddiau mewn perfformiad.

-da -(Graddau B- i B+) Y prif gryfder yw creu, cyflawni’n dechnegol a threfnu syniadau cerddorol i greu canlyniad cyffredinol sy’n argyhoeddiadol yn esthetig. Mae'r cyfansoddiad yn dangos y rhan fwyaf o'r canlynol: strwythur cyffredinol y mae iddo fynegiant da ac effeithiol; ymryson cerddorol clir ac amlwg, sydd wedi ei lunio drwy archwilio a datblygu syniadau a deunyddiau cerddorol; syniadau cerddorol a grëwyd yn llawn dychymyg ac sydd yn glir eu mynegiant; cydbwysedd da rhwng undod ac amrywiaeth, sy'n peri bod y cyfansoddiad yn ddiddorol ac yn gydlynol; mae defnydd priodol ac effeithiol o'r adnoddau offerynnol, lleisiol, sonig ac/neu dechnolegol yn cyfrannu at y dibenion creadigol; defnydd hyderus o ddulliau technegol priodol; rhoi ystyriaeth dda i siapio cymalau, ystumiau, cyflymder, tempo, deinameg, seinlawnder ac ansoddau, gan ddangos dealltwriaeth o effaith gyffredinol y rheiny ar y canlyniad cerddorol; y cyflwyniad yn dda, ac yn roi sylw da i fanylion a pheth ystyriaeth amlwg o ymarferoldeb y deunyddiau i'w perfformio.

-rhagorol -(Graddau A- ac uwch) Y prif gryfder yw creu canlyniad cyffredinol grymus, deniadol a boddhaus yn esthetig drwy ddychymyg cerddorol cyson a gafael dechnegol. Mae’r cyfansoddiad yn dangos y rhan fwyaf o’r canlynol: adeiledd cydlynol wedi’i weu’n dynn; ymresymiad cerddorol cydlynol, argyhoeddiadol a pharhaus, wedi’i greu wrth archwilio a datblygu posibiliadau llawn y syniadau a’r deunyddiau cerddorol; syniadau cerddorol wedi’u creu a’u hynganu gyda dawn a dychymyg amlwg, a chyda rhywfaint o wreiddioldeb; cydbwysedd llwyr briodol (ond nid o anghenraid yn gyfartal) rhwng undod ac amrywiaeth, fel y cynhelir diddordeb a chydlyniad trwy gydol y darn, defnydd nodedig, creadigol ac idiomatig ar adnoddau offerynnol, lleisiol, sonig a/neu dechnolegol; defnydd hyderus, huawdl a doeth ar ddulliau technegol priodol; tystiolaeth o sensitifrwydd craff tuag at effeithiolrwydd brawddegau ac arwyddion, cyflymder, tempo, deinameg, seinla craff tuag at effeithiolrwydd brawddegau ac arwyddion, cyflymder, tempo, deinameg, seinlawnder a gweadau, a chyfuniad, cyfosodiad a chydgysylltiad syniadau, a rheolaeth sicr drostynt; cyflwyniad trawiadol, gan roi sylw ardderchog i fanylion ac ystyriaeth lawn i ymarferoldeb deunyddiau perfformio (p’un a fyddo hynny ar gyfer perfformiad byw, ynteu’n realeiddiad o gyflwyniad electroacwstig);

Gweler Atodiad A am fanylion yr asesiad.

Learning Outcomes

• Ail-greu mewn cyd-destunau newydd dechnegau cyfansoddi sefydledig o genres cerddoriaeth gelfyddydol mewn nodiant.

• Cymhwyso dealltwriaeth sylfaenol o offeryniaeth i greu cerddoriaeth.

• Cynhyrchu canlyniadau creadigol cydlynol trwy ddatblygu syniadau a deunyddiau cerddorol.

• Dangos cymhwysedd yn y defnydd o adnoddau offerynnol/lleisiol.