Pa gwrs LLM yw’r un iawn i chi?
O fewn Ysgol y Gyfraith ym Mhrifysgol Bangor mae gennym gyfres o raglenni LLM y gall myfyrwyr ddewis ohonynt. Mae ein cyrsiau LLM yn seiliedig ar ein ymchwil academaidd ac maent yn feysydd y mae gennym arbenigedd penodol ynddynt. Dyma drosolwg cryno o'r rhaglenni LLM rydym yn eu cynnig.
Mae ein cwrs blaenllaw, LLM y Gyfraith, yn cynnig amrywiaeth eang o fodiwlau dewisol i fyfyrwyr er mwyn cadw eu harbenigedd yn eang. Mae dulliau ymchwil cyfreithiol yn greiddiol i’r cwrs, a bydd myfyrwyr yn cael cyfle i ganolbwyntio ar faes ymchwil penodol yn y traethawd hir
Mewn cydweithrediad â'r Adran Droseddeg, mae ein cwrs LLM y Gyfraith a Throseddeg yn cynnig cyfle i fyfyrwyr ddatblygu eu harbenigedd troseddegol ar yr un pryd â’i gymhwyso mewn enghreifftiau cyfreithiol, gyda thraethawd hir sy'n canolbwyntio ar y gyfraith.
Gradd ar y cyd rhwng Ysgol Busnes Bangor ac Ysgol y Gyfraith Bangor yw’r radd Y Gyfraith a Rheolaeth. Mae wedi’i hachredu gan y Sefydliad Rheolaeth Siartredig, ac yn darparu cymhwyster deuol o radd Meistr Prifysgol Bangor a chymhwyster Lefel 7 mewn Rheolaeth Strategol ac Arweinyddiaeth.
Beth yw Gradd LLM a Meistr yn y Gyfraith?
Rhaglen ôl-radd yn y gyfraith yw Meistr yn y Gyfraith y byddech yn ei hastudio fel arfer ar ôl cwblhau gradd israddedig yn y gyfraith. Mae rhaglenni ôl-radd o'r fath yn aml yn canolbwyntio ar feysydd penodol o astudiaethau cyfreithiol ac yn eich galluogi i fod yn arbenigol iawn mewn maes penodol o'r gyfraith. Bydd astudio gradd Meistr yn y Gyfraith yn cynnig amrywiaeth o gyfleoedd proffesiynol.
Pam astudio gradd LLM neu radd Meistr yn y Gyfraith?
Er nad yw cael gradd ôl-radd yn hanfodol i ddilyn gyrfa yn y gyfraith, gall gynnig nifer o fanteision. Bydd astudio Gradd Meistr yn y Gyfraith yn:
- rhoi mantais gystadleuol i chi yn y farchnad swyddi;
- mireinio eich sgiliau a'ch gwybodaeth gyfreithiol ymhellach;
- eich helpu i benderfynu ym mha faes cyfreithiol yr hoffech arbenigo;
- rhoi cyfle i chi ddatblygu maes ymchwil cyfreithiol er mwyn parhau i wneud astudiaethau doethurol.
VAN ANH LE
Ar ôl graddio o Brifysgol Bangor, bûm yn gweithio fel Cymrawd Addysgu yn y maes Cyfraith Eiddo Deallusol yn Ysgol y Gyfraith Durham ac Ysgol y Gyfraith Warwick. Cefais fy enwebu am un o Wobrau Warwick am Ragoriaeth mewn Addysgu. Rydw i'n ddyledus iawn i'm cyn-oruchwyliwr PhD, a wnaeth fy annog i wneud cais am ysgoloriaeth ymchwil yn ystod fy PhD a cefnogi’n llwyr wrth i mi chwilio am waith.
Unrhyw gwestiynau? Sgwrsiwch gyda myfyrwyr a staff
A oes gennych unrhyw gwestiynnau am fywyd myfyriwr ym Mangor? Mae ein llysgenhadon yn barod i’ch helpu gael yr ateb.
Gall ein myfyrwyr ddweud mwy wrthoch am y profiad o astudio yma, am y Clybiau a Chymdeithasau gwych sydd yma, a sut bu iddynt hwy wneud ffrindiau ac ymgartrefu yn y Brifysgol fel myfyriwr Gyfraith .
Os oes gennych unrhyw gwestiynau am y cwrs, mae ein darlithwyr wrth law i helpu. Dyma rai cwestiynau a ofynnir yn aml. Oes gennych chi unrhyw gwestiwn arall i'n darlithwyr?
- Pa rinweddau sydd gan fyfyrwyr Gyfraith llwyddiannus ym Mangor?
- Beth allai wneud i baratoi at astudioGyfraith ym Mangor?
- Sut ydw i yn gwybod mai Gyfraith ym Mangor yw’r dewis iawn i mi?
Lleoliad Bangor
Efallai y bydd gennych ddiddordeb yn y meysydd pwnc yma hefyd.
Efallai y bydd gennych ddiddordeb yn y meysydd pwnc yma hefyd.
