Ymchwil yr Adran Ysgrifennu Creadigol, Llenyddiaeth Saesneg, Ffilm, Newyddiaduraeth a’r Cyfryngau

Mae gennym hanes hir a nodedig o waith ymchwil ers sefydlu Prifysgol Bangor ym 1884. Roedd Llenyddiaeth Saesneg yn un o ddisgyblaethau sylfaenol y sefydliad o’r dechrau ac ers hynny rydym wedi ehangu ein diddordebau ymchwil i gelfyddydau creadigol eraill.

Mae gennym ddiwylliant ymchwil ffyniannus a chyfeillgar sy'n rhyngddisgyblaethol, yn gydweithredol, yn greadigol ac yn feirniadol. Ein prif gryfderau yw gwaith ein staff yn y meysydd canlynol:

• Ffilm Americanaidd;
• Diwylliant Digidol;
• Y cyfryngau a chyfathrebu perswadiol
• Theori ac ymarfer creadigol (ymarfer fel ymchwil)
• ⁠Testunau materol a diwylliant
• Llenyddiaethau Cymru
• Llenyddiaeth Pedair Gwlad;
• Astudiaethau Arthuraidd;
• Llenyddiaeth y Byd;
• Addasu, Arbrofi a Chyfieithu
• Ysgrifennu Creadigol

⁠Mae ein cyfres o seminarau ymchwil wythnosol yn cynnwys cydweithwyr o Fangor, myfyrwyr ôl-radd, ac ymchwilwyr ac ymarferwyr o bob rhan o'r Deyrnas Unedig a thu hwnt, mewn awyrgylch cefnogol, os beirniadol.