Mae gennym enw da yn rhyngwladol o ran ymyriadau plentyndod cynnar, gan gynnwys rhai sy'n targedu ymyriadau bwyta'n iach a llythrennedd corfforol fel y Dynamic Dudes; datblygiad plant yn fyd-eang, ymddygiad ac iechyd meddwl, trwy waith y Ganolfan Ymyrraeth Gynnar ar Sail Tystiolaeth; a thrais yn erbyn plant, megis y Blwch Offer Irie sydd wedi cael ei gyflwyno'n genedlaethol yn Jamaica.
Mae ein hymchwil ar wneud penderfyniadau sy'n ymwneud ag iechyd wedi edrych ar y ffactorau sy'n arwain at lai o dderbyn brechlynnau Covid-19 yn rhanbarthau'r meysydd glo; ar gymhellion gofalwyr anffurfiol; ac ar y ffactorau sydd y tu ôl i broblemau gamblo.
Mae Prifysgol Bangor hefyd yn gartref i’r Ganolfan Ymchwil ac Ymarfer Meddylgarwch lle mae ymchwil wedi helpu i sicrhau bod ymyriadau ymwybyddiaeth ofalgar yn cael eu cyflwyno’n gywir mewn nifer o leoliadau amrywiol a chynyddol.