Crynodeb
Mae ymchwil Bangor, a ariannwyd gan yr Adran Datblygu Rhyngwladol, wedi dangos bod defnyddio strategaeth groesi well, lle mae bridwyr reis yn cymryd mwy o ofal wrth ddewis llinachau cyn eu croesi, yn gwella effeithlonrwydd wrth fridio reis.
Mae wedi arwain at well math o reis (Sunaulo-Sugandha), sy'n darparu diogelwch bwyd ac incwm i ffermwyr bach Nepal gwerth dros £1 miliwn y flwyddyn. Mae llwyddiant ymchwil Bangor hefyd wedi arwain at newid paradeim yn yr International Rice Research Institute, a roddodd strategaeth croesi Bangor ar waith yn 2014 mewn project allweddol 'Transforming Rice Breeding'.
Mae’r cynnydd yn effeithlonrwydd yr International Rice Research Institute wedi gwella sefyllfa ffermwyr reis ar draws y byd, gydag amcangyfrif o enillion o £36,770,000 y flwyddyn yn 2020.
Ymchwilwyr
- Yr Athro John Witcombe
- Dr Krishna Joshi
- Dr Daljit Virk