Modiwl HAC-1105:
Moeseg: Agweddau Crefyddol

Ffeithiau’r Modiwl

Rhedir gan School of History, Law and Social Sciences

20.000 Credyd neu 10.000 Credyd ECTS

Semester 1

Trefnydd: Dr Gareth Evans Jones

Amcanion cyffredinol

Bwriad y modiwl hwn yw cynnig trosolwg diddorol a chyffredinol o foeseg o safbwyntiau crefyddol. Bydd myfyrwyr yn dyfod i werthfawrogi yr hyn a olygir wrth ‘foeseg’ a’r modd y mae ei hanes yn un cyfoethog, hir a newidiol. Ystyrir detholiad o draddodiadau crefyddol o’r hen fyd i’r oes fodern a chyda hynny, sylwir ar y modd y mae moeseg yn weddol gyffredin rhwng y gwahanol grefyddau, ond gwerthfawrogir y gwahaniaethau nodedig hefyd. Erbyn diwedd y modiwl, bydd y myfyrwyr yn ymwybodol o’r gwahanol draddodiadau moesegol sy’n bodoli mewn perthynas â chrefydd fel cysyniad, ac efo crefyddau unigol, gan gynnwys Iddewiaeth, Cristnogaeth a Bwdhaeth.

Cynnwys cwrs

Bydd y modiwl yn dechrau drwy drafod yr hyn a olygir wrth foeseg a’i phwysigrwydd fel nodwedd cymdeithas. Gyda hynny, ystyrir y modd y mae crefydd yn medru effeithio ar foeseg a sut fedr moeseg ddylanwadu ar grefydd. Eir ymlaen i ystyried rhai traddodiadau crefyddol penodol o’r hen fyd hyd at yr oes fodern, a hynny er mwyn galluogi myfyrwyr i sylweddoli a gwerthfawrogi’r modd yr ailymddangosai rai syniadau, daliadau ac egwyddorion crefyddol. Gan hynny, trafodir cymdeithas, crefydd a moeseg dau wareiddiad yr hen fyd, sef Mesopotamia a’r Aifft. Symudir wedyn i ystyried crefydd Israel ynghyd ag Iddewiaeth – y grefydd a ddeilliodd o Israel. Trafodir arwyddocâd y Deg Gorchymyn a’u goblygiadau moesegol. Ystyrir Cristnogaeth a moeseg hefyd mewn perthynas â’r Deg Gorchymyn, ond hefyd mewn perthynas â phregeth enwocaf Iesu – Y Bregeth ar y Mynydd. Yn dilyn hynny, trafodir moeseg mewn perthynas â Siciaeth, gan fanylu’n arbennig ar y tair dyletswydd sy’n greiddiol i ymddygiad a bywyd Siciaid. Gorffennir y modiwl drwy drafod moeseg a Bwdhaeth gan ystyried dysgeidiaethau’r Bwdha a thrwy gwestiynu a oes angen credu mewn ‘duw’ er mwyn bod yn foesol dda.

Meini Prawf

ardderchog

Ardderchog A- i A*

Cyflwynwyd gwaith sydd o ansawdd ragorol ac sy’n ardderchog mewn un neu fwy o’r canlynol: • Cynnwys dehongliad gwreiddiol lle mae myfyrdod annibynnol y myfyriwr yn amlwg. • Darparu tystiolaeth eglur o astudiaeth annibynnol eang a phriodol. • Cyflwyno dadleuon yn eglur ac yn darparu’r darllenydd gyda thrafodaethau sy’n dilyn ei gilydd yn rhesymegol hyd at y casgliadau.

trothwy

Cyflwynwyd gwaith sydd yn ddigonol ac sydd yn dangos lefel dderbyniol o allu yn y meysydd canlynol: • Yn gywir ar y cyfan ond yn cynnwys diffyg gwybodaeth neu gamgymeriadau. • Gwneir honiadau heb wybodaeth gefnogol neu resymeg eglur. • Yn cynnwys strwythur ond yn aneglur ac felly’n dibynnu ar i’r darllenydd ddwyn cysylltiadau a thybiaethau. • Yn dibynnu ar nifer gyfyngedig o ddeunydd.

da

Da iawn B- i B+

Cyflwynwyd gwaith sydd yn dda drwyddi draw ac sy’n cynnwys arddull, dull a detholiad o ddeunyddiau cefnogol mewn modd deheuig. Mae’n dangos: • Strwythur dda iawn a dadleuon a ddatblygwyd yn rhesymegol. • Defnydd o ddeunydd sy’n tystio i ymchwil annibynnol, neu sydd mewn ffordd yn unigryw i’r myfyriwr. • Cefnogir honiadau gan dystiolaeth ac ymresymiad cadarn. • Gwaith sy’n gywir ac sy’n cynnwys arddull academaidd briodol.

C- i C+

Da C- i C+

Cyflwynwyd gwaith sydd yn dda drwyddi draw ac sy’n cynnwys, ar brydiau, arddull, dull a detholiad o ddeunyddiau cefnogol yn ddeheuig. Mae’n dangos: • Strwythur dda a dadleuon a ddatblygwyd yn rhesymegol. • Mewn mannau, defnydd beirniadol o ddeunydd sy’n tystio i ymchwil annibynnol, neu sydd mewn ffordd yn unigryw i’r myfyriwr. • Gwneir honiadau sydd, ar y cyfan, wedi eu cefnogi gan dystiolaeth ac ymresymiad cadarn. • Gwaith sy’n gywir ac sy’n cynnwys arddull academaidd briodol.

Canlyniad dysgu

  1. Dangos dealltwriaeth o’r modd y mae moeseg fel cysyniad yn perthyn i gyd-destunau cymdeithasol, diwylliannol a gwleidyddol ehangach.

  2. Gallu cywain gwybodaeth berthnasol am foeseg a chrefydd a llunio darn ysgrifenedig yn trafod y pwnc hwn.

  3. Gallu asesu’n feirniadol y modd y gall crefydd siapio moeseg a sut y gall moeseg ddylanwadu ar grefydd.

  4. Gallu ymdrin â syniadau moesegol amrywiol mewn modd beirniadol a goleuedig.

  5. Dangos dealltwriaeth o foeseg gwahanol grefyddau, ynghyd â dealltwriaeth o faterion moesegol sy’n wynebu crefyddau cyfoes.

Dulliau asesu

Math Enw Disgrifiad Pwysau
TRAETHAWD Traethawd 1,500 gair

Bydd disgwyl i fyfyrwyr lunio traethawd 1,500 gair am bwnc yn ymwneud â moeseg a chrefydd. Byddir yn rhoi dewis i fyfyrwyr o 4 cwestiwn a bydd eisiau i'r myfyrwyr ddewis un o'r rheiny i ateb.

 50.00
LLAFAR Cyflwyniad Llafar

Bydd disgwyl i fyfyrwyr gyflwyno cyflwyniad llafar ar agwedd berthnasol ar y modiwl. Byddir yn darparu myfyrwyr â rhestr o destunau, teitlau a chwestiynau y gall myfyrwyr ddewis o'u plith.

 50.00

Strategaeth addysgu a dysgu

Oriau
Private study

Bydd disgwyl i fyfyrwyr ymwneud â gwerth 178 awr o astudiaeth annibynnol. I'r perwyl hwn, darperir myfyrwyr â rhestr ddarllen y disgwylir iddynt ei dilyn drwy gydol y modiwl. Bydd y deunyddiau darllen hynny'n ategu at y profiad dysgu ac addysgu, ac yn cyfoethogi profiadau'r myfyrwyr.

 178
Lecture

Cynhelir dwy ddarlith awr yr un yr wythnos lle byddir yn trafod gwahanol agweddau ar foeseg grefyddol. Bydd y darlithoedd hyn yn rhai rhyngweithiol ac felly wedi eu hymrymo i fod o fudd ac o ddiddordeb arbennig myfyrwyr.

 22

Sgiliau Trosglwyddadwy

  • Llythrennedd - Medrusrwydd mewn darllen ac ysgrifennu drwy amrywiaeth o gyfryngau
  • Defnyddio cyfrifiaduron - Medrusrwydd wrth ddefnyddio ystod o feddalwedd cyfrifiadurol
  • Hunanreolaeth - Gallu gweithio mewn ffordd effeithlon, prydlon a threfnus. Gallu edrych ar ganlyniadau tasgau a digwyddiadau, a barnu lefelau o ansawdd a phwysigrwydd
  • Archwilio - Gallu ymchwilio ac ystyried dewisiadau eraill
  • Adalw gwybodaeth - Gallu mynd at wahanol ac amrywiol ffynonellau gwybodaeth
  • Sgiliau Rhyngbersonol - Gallu gofyn cwestiynau, gwrando'n astud ar atebion a'u harchwilio
  • Dadansoddi Beirniadol & Datrys Problem - Gallu dadelfennu a dadansoddi problemau neu sefyllfaoedd cymhleth. Gallu canfod atebion i broblemau drwy ddadansoddiadau ac archwilio posibiliadau
  • Cyflwyniad - Gallu cyflwyno gwybodaeth ac esboniadau yn glir i gynulleidfa. Trwy gyfryngau ysgrifenedig neu ar lafar yn glir a hyderus.

Cyrsiau sy’n cynnwys y modiwl hwn

Opsiynol mewn cyrsiau: