Modiwl SCL-2139:
Cyfraith Datganoli

Ffeithiau’r Modiwl

Rhedir gan School of History, Law and Social Sciences

20.000 Credyd neu 10.000 Credyd ECTS

Semester 1

Trefnydd: Miss Lois Nash

Amcanion cyffredinol

Nod y modiwl yw galluogi myfyrwyr i ddysgu a dangos gwybodaeth a dealltwriaeth gywir o ddatblygiad y gyfraith yng Nghymru ar ôl datganoli, ynghyd â throsolwg ar hanes datganoli yng Nghymru ac mewn rhannau eraill o Ewrop. Bydd yn galluogi myfyrwyr i asesu’r datblygiad a’r hanes hwnnw yn feirniadol a chymharu a gwrthgyferbynnu'r datblygiad a’r hanes hwnnw yn gywir ac yn berthnasol gyda systemau cyfreithiol eraill y mae’r myfyriwr yn gyfarwydd â hwy.

Cynnwys cwrs

Mae’r cwrs yn edrych ar gyfraith datganoli yng Nghymru ac mewn rhannau eraill o Ewrop. Caiff datblygiad hanesyddol datganoli yng Nghymru ei astudio; yn cynnwys effaith Statud Rhuddlan 1284, Deddfau Uno’r unfed ganrif ar bymtheg a’r broses raddol o ddatganoli grym i adrannau a swyddfeydd yng Nghymru yn yr ugeinfed ganrif. Ceir hefyd astudiaeth fanwl o Ddeddfau Llywodraeth Cymru a Mesur y Gymraeg (Cymru), ynghyd â’r modd y mae darpariaethau’r statudau hynny’n cael eu gweithredu yng Nghymru ar ôl y datganoli, a barn ysgolheigaidd yn ymwneud â hynny. O ganlyniad, rhoddir ystyriaeth i ddatblygiad cyfansoddiad Cymru ac ymddangosiad awdurdodaeth Cymru. Caiff datblygiadau cyfreithiol a ysgogwyd gan ddatganoli hefyd eu hystyried yng nghyd-destun y DU; gweinyddu cyfiawnder, yn benodol cyfraith weinyddol; a datblygiad cysylltiadau rhynglywodraethol yn y DU ac yn Ewrop. Drwy gydol y cwrs, bydd y datblygiadau cyfreithiol yn ymwneud â newidiadau gwleidyddol, economaidd, cymdeithasol a deallusol yng Nghymru, y Deyrnas Unedig, Ewrop a’r byd ehangach. Rhoddir sylw arbennig i’r setliad datganoli yn yr Alban, Gogledd Iwerddon, Cymunedau Ymreolaethol Sbaen; a Länder yr Almaen.

Meini Prawf

trothwy

D- hyd at D+ (40-49%) Trothwy: Bydd myfyrwyr (D- hyd at D+) yn dangos sgiliau ymchwil boddhaol mewn rhannau o leiaf o'r pwnc a ddewiswyd ganddynt, a byddant yn gwneud ymdrechion rhannol lwyddiannus o leiaf i archwilio a dadansoddi'r wybodaeth ac i ysgrifennu'r project mewn dull academaidd.

Ateb sy'n gywir gan fwyaf o ran cyflwyno deunydd, ond sy’n cynnwys lefel sylweddol o wallau, ac felly nid yw’n hollol ddibynadwy.

ardderchog

A- hyd at A (70%+) Rhagorol: Bydd myfyrwyr rhagorol (A- hyd at A*) yn cyflawni'n gyson gadarn ar draws y deilliannau dysgu, ac yn cyfuno hyn â gwreiddioldeb, gwybodaeth eang o'r pwnc yn ei gyd-destun ehangach ynghyd â dadleuon a dadansoddiad treiddgar a soffistigedig.

Ateb rhagorol, sy’n dangos meistrolaeth dros y pwnc dan sylw heb fawr ddim lle o gwbl i wella. Mae’r ateb yn cynnwys yr holl bwyntiau a dadleuon perthnasol, ynghyd â gwerthusiad llawn annibynnol ac aeddfed o’r testun, heb fawr ddim camgymeriadau neu gynnwys amherthnasol. Lle bo’n berthnasol, bydd yr ateb hefyd yn dangos tystiolaeth o werthusiad cymharol manwl o’r materion dan sylw. Bydd yr holl ddeunydd a chyfeiriadau (lle bo’n berthnasol) wedi’u cyflwyno bron yn berffaith yn yr ateb, a bydd yr ateb wedi’i lunio’n hynod dda ac yn rhagorol yn ramadegol yn Gymraeg/Saesneg.

da

B- hyd at B+ (60-69%) Da: Bydd myfyrwyr da (B- hyd at B+) yn llwyddo'n gadarn yn yr holl ddeilliannau dysgu a restrir.

Ateb cynhwysfawr, yn cynnwys yr holl neu bron y cyfan o’r deunydd sy’n berthnasol i’r cwestiwn a dim amherthnasedd, neu ychydig iawn; yr holl ddeunydd a’r cyfeiriadau yn gywir at ei gilydd, heb ddim anghywirdeb na gwallau, gan gyflwyno’r cyfan mewn dadl glir, resymegol a beirniadol, ond sydd â lle i wella ei adeiladwaith a’i gyflwyniad. Ateb sy’n dangos hyfedredd llwyr yn y pwnc.

C- i C+

C- i C+ (50-59%) Da/Boddhaol: Bydd myfyrwyr lefel C- i C+ yn llwyddo'n ddisgrifiadol yn yr holl ddeilliannau dysgu a restrir.

Ateb sydd, er ei fod bob amser yn gywir gan fwyaf, serch hynny yn methu â gwahaniaethu rhwng deunydd perthnasol ac amherthnasol, ac sydd â diffyg beirniadaeth. Ateb sy’n ddibynadwy o ran cywirdeb, ond nad yw’n gynhwysfawr neu nad yw’n hollol berthnasol.

Canlyniad dysgu

  1. Disgrifio’n gywir, dadansoddi a sylwebu ar ddatblygiad sefydliadau a meysydd y gyfraith yng Nghymru ar ôl datganoli trwy gyfeirio at ffynonellau gwreiddiol a ffynonellau eilaidd priodol, gan berthnasu’r datblygiad i’w achosion a’i effeithiau gwleidyddol, cymdeithasol, economaidd a deallusol.

  2. Disgrifio’n gywir, dadansoddi, cymharu a sylwebu ar ddatblygiad sefydliadau a meysydd y gyfraith yng nghenhedloedd a rhanbarthau datganoledig y DU ac Ewrop, gan eu perthnasu i’w hachosion a’u heffeithiau gwleidyddol, cymdeithasol, economaidd a deallusol.

  3. Bod yn ymwybodol o’r cyd-destun ehangach mewn yng nghyswllt gweithredu cyfraith datganoli yng Nghymru, e.e. y berthynas rhwng Llywodraeth Cymru â'r llywodraeth ganolog yn Whitehall.

  4. Cyflwyno dadl gyfreithiol resymegol yng nghyswllt cyfraith datganoli.

  5. Trosglwyddo gwybodaeth yn effeithiol yn ysgrifenedig mewn asesiadau ffurfiannol a chrynodol.

  6. Gwneud ymchwil cyfreithiol annibynnol, yn cynnwys anfod, nodi a defnyddio ffynhonellau disgrifiadau cyfreithiol perthnasol yng nghyswllt cyfraith datganoli yng Nghymru ac mewn rhannau eraill o Ewrop.

Dulliau asesu

Math Enw Disgrifiad Pwysau
Traethawd 40.00
Arholiad 60.00

Strategaeth addysgu a dysgu

Oriau
Lecture

2x 2 awr darlith yr wythnos a deg wythnos, unai yn fyw yn y dosbarth neu ar-lein

 40
Private study

Bydd disgwyl i fyfyrwyr baratoi'n annibynnol ar gyfer rhai dosbarthiadau ac wrth baratoi'r aseiniadau.

 160

Sgiliau Trosglwyddadwy

  • Llythrennedd - Medrusrwydd mewn darllen ac ysgrifennu drwy amrywiaeth o gyfryngau
  • Defnyddio cyfrifiaduron - Medrusrwydd wrth ddefnyddio ystod o feddalwedd cyfrifiadurol
  • Hunanreolaeth - Gallu gweithio mewn ffordd effeithlon, prydlon a threfnus. Gallu edrych ar ganlyniadau tasgau a digwyddiadau, a barnu lefelau o ansawdd a phwysigrwydd
  • Archwilio - Gallu ymchwilio ac ystyried dewisiadau eraill
  • Adalw gwybodaeth - Gallu mynd at wahanol ac amrywiol ffynonellau gwybodaeth
  • Sgiliau Rhyngbersonol - Gallu gofyn cwestiynau, gwrando'n astud ar atebion a'u harchwilio
  • Dadansoddi Beirniadol & Datrys Problem - Gallu dadelfennu a dadansoddi problemau neu sefyllfaoedd cymhleth. Gallu canfod atebion i broblemau drwy ddadansoddiadau ac archwilio posibiliadau
  • Cyflwyniad - Gallu cyflwyno gwybodaeth ac esboniadau yn glir i gynulleidfa. Trwy gyfryngau ysgrifenedig neu ar lafar yn glir a hyderus.
  • Dadl - Gallu cyflwyno, trafod a chyfiawnhau barn neu lwybr gweithredu, naill ai gydag unigolyn neu mewn grwˆp ehangach

Sgiliau pwnc penodol

  • Develop the ability to interpret legal rules and employ techniques of legal reasoning competently and efficiently in order to offer a range of solutions and conclusions to actual or hypothetical complex legal problems, all supported by relevant academic literature, jurisprudence and legislative research. Such solutions will be clearly communicated and presented
  • Develop the ability to analyse complex legal issues, set against the background of the political, social, economic or cultural contexts in which they may arise
  • Develop those skills which are necessary for scholarship and research in legal subjects, namely the ability to identify relevant primary and secondary legal sources and to retrieve accurate legal information using paper and electronic sources

Adnoddau

Goblygiadau o ran adnoddau ar gyfer myfyrwyr

Dim, oni bai bod myfyrwyr eisiau prynu deunyddiau eu hunain.

Rhestrau Darllen Bangor (Talis)

http://readinglists.bangor.ac.uk/modules/scl-2139.html

Rhestr ddarllen

Watkin, Wales: An Introduction to its Legal History (Gwasg Prifysgol Cymru, 2007) R. Gwynedd Parry Cymru’r Gyfraith (Gwasg Prifysgol Cymru, 2012) Rawlings, Delineating Wales (Gwasg Prifysgol Cymru, Caerdydd, 2003) Bogdanor, V. Devolution in the United Kingdom (OUP, 2001) Hazell, R. & Trench, A. (gol.) The State of the Nation, 2000-2008

Rhagofynion a Chydofynion

Cyrsiau sy’n cynnwys y modiwl hwn