Rhedir gan School of Arts, Culture and Language

40.000 Credyd neu 20.000 Credyd ECTS

Semester 1 a 2

Trefnydd: Dr Iwan Llewelyn Jones

• Adeiladu ar y sgiliau a ddatblygwyd ym modiwl Perfformio Unigol Blwyddyn 2.
• Ehangu a mireinio techneg offerynnol neu lleisiol y myfyriwr/wraig.
• Rhoi cyfle i'r myfyriwr/wraig ymdrin â materion megis arddull, cyd-destun, a thechnegau perfformio hanesyddol sy'n berthnasol i'w (h)offeryn neu ei (l)lais.

Bydd y rhai sy’n dilyn y modiwl yn paratoi a pherfformio datganiad cyhoeddus hyd at 40 munud, yn cynnwys repertoire unawdol mewn arddulliau amrywiol o gyfnodau gwahanol. Caiff myfyrwyr hyfforddiant offerynnol neu leisiol unigol ochr yn ochr â gweithdai, lle byddent yn trin a thrafod elfennau estynedig o berfformio fel dewisiadau repertoire, strategaethau ymarfer, arddulliau perfformio (yn cynnwys technegau perfformio hanesyddol), sgiliau cyflwyno a'r ddarpariaeth o nodiadau rhaglen.

ardderchog

Mae'r perfformiad yn ysgogol ac argyhoeddiadol, gan ddangos lefelau uwch o allu deongliadol, cerddoroldeb a thechneg, ynghyd a thystiolaeth o sylw gofalus i ofynion nodiannol ac arddull berthnasol. Mae'r cyflwyniad unigol/nodiadau rhaglen yn adlewyrchu dealltwriaeth drwyadl o'r pwnc, gyda thystiolaeth o astudiaeth ehangach, meddwl dyfnach, gwreiddioldeb a sgiliau ysgrifenedig rhagorol.

trothwy

Mae'r perfformiad yn adlewyrchu cerddoroldeb a thechneg sylfaenol; rhoddir sylw cyfyngedig i ofynion nodiannol ac arddulliadol, a gwerthoedd deongliadol. Mae'r cyflwyniad/nodiadau rhaglen yn dangos gwybodaeth elfennol o'r pwnc; prin yw'r gallu i feddwl yn gysyniadol, ynghyd â ymwybyddiaeth gyfyngedig o'r cyd-destun. Serch hyn, gwelir peth tystiolaeth o ddull deallusol cyffredinol o ymdrin a'r testun gyda mynegiant gweddol.

da

Mae'r perfformiad yn berswadiol, gan ddangos lefelau boddhaol o allu deongliadol, cerddoroldeb a thechneg. Rhoddir sylw priodol i ofynion nodiannol ac arddull perthnasol. Mae'r cyflwyniad unigol/nodiadau rhaglen yn adlewyrchu dealltwriaeth gadarn o'r pwnc, meddwl cysyniadol da, ymwybyddiaeth o'r prif faterion, gyda thystiolaeth o grafter deallusol a mynegiant da.

1. Ar ôl cwblhau'r modiwl, dylai myfyrwyr allu cyfiawnhau eu dewisiadau cerddorol o repertoire, ymarferion perfformio, a datrys problemau drwy gyfrwng cyflwyniad unigol a nodiadau rhaglen.

2. Ar ôl cwblhau'r modiwl, dylai myfyrwyr allu llunio rhaglen datganiad sy'n gytbwys ac yn adlewyrchu cysyniad neu thema gerddoregol mewn ffordd synhwyrol.

3. Ar ôl cwblhau’r modiwl yn llwyddiannus, bydd y myfyrwyr yn gallu mynd i'r afael ag ymarferion perfformio sy'n berthnasol i'w repertoire.

4. Ar ôl cwblhau'r modiwl, dylai myfyrwyr allu dalu sylw cyson a thrylwyr i gyffyrddiadau, cwmpawd deinamig a arwyddion mynegiadol.

Math	Enw	Disgrifiad	Pwysau
Written assignment, including essay	Nodiadau rhaglen	Nodiadau rhaglen (1,000 o eiriau) i gydfynd â'r Perfformiad Cyhoeddus. Mae hyn yn cyfrif am 10% o gyfanswm marciau'r modiwl ac yn rhoi prawf ar Ddeilliannau Dysgu 3. I'w cyflwyno yn ystod Wythnos 10 Semester 2.	10.00
ARDDANGOSIAD/YMARFER	Perfformiad Cyhoeddus	Datganiad cyhoeddus unawdol (llais neu offeryn), 35-40 munud. Mae hyn yn cyfrif am 80% o gyfanswm marciau'r modiwl ac yn rhoi prawf ar Ddeilliannau Dysgu 1-2. Fe'i cynhelir yn ystod Cyfnod Asesu Semester 2 (Mai 2022).	80.00
CYFLWYNIAD UNIGOL	Cyflwyniad ar Lafar	Cyflwyniad ar lafar yn trafod rhaglen y Perfformiad Cyhoeddus. Mae hyn yn cyfrif am 10% o gyfanswm marciau'r modiwl ac yn rhoi prawf ar Ddeilliannau Dysgu 3. Fe'i cynhelir yn ystod Cyfnod Asesu Semester 1 (Ionawr 2022) .	10.00

		Oriau
Tutorial	Gwersi unigol am gyfanswm o 24 awr. Lle bo'n addas, 2 awr o ymarfer gyda chyfeilydd piano proffesiynol.	24
Practical classes and workshops	Gweithdai perfformio wythnosol (2 awr yr un) yn Semesterau 1 a 2.	44
Private study	Cymryd yr adborth o'r gwersi offerynol/lleisiol a'r gweithdai a cymhwyso hyn i ymarfer dyddiol. Ymchwil cerddoregol/pedagogol er mwyn darparu'r cyflwyniad unigol a'r nodiadau rhaglen.	332

• Llythrennedd - Medrusrwydd mewn darllen ac ysgrifennu drwy amrywiaeth o gyfryngau
• Rhifedd - Medrusrwydd wrth ddefnyddio rhifau ar lefelau priodol o gywirdeb
• Defnyddio cyfrifiaduron - Medrusrwydd wrth ddefnyddio ystod o feddalwedd cyfrifiadurol
• Hunanreolaeth - Gallu gweithio mewn ffordd effeithlon, prydlon a threfnus. Gallu edrych ar ganlyniadau tasgau a digwyddiadau, a barnu lefelau o ansawdd a phwysigrwydd
• Archwilio - Gallu ymchwilio ac ystyried dewisiadau eraill
• Adalw gwybodaeth - Gallu mynd at wahanol ac amrywiol ffynonellau gwybodaeth
• Sgiliau Rhyngbersonol - Gallu gofyn cwestiynau, gwrando'n astud ar atebion a'u harchwilio
• Dadansoddi Beirniadol & Datrys Problem - Gallu dadelfennu a dadansoddi problemau neu sefyllfaoedd cymhleth. Gallu canfod atebion i broblemau drwy ddadansoddiadau ac archwilio posibiliadau
• Ymwybyddiaeth o ddiogelwch - Bod yn ymwybodol o'ch amgylchedd a hyder o ran cadw at reoliadau iechyd a diogelwch
• Cyflwyniad - Gallu cyflwyno gwybodaeth ac esboniadau yn glir i gynulleidfa. Trwy gyfryngau ysgrifenedig neu ar lafar yn glir a hyderus.
• Gwaith Tîm - Gallu cydweithio'n adeiladol ag eraill ar dasg gyffredin, ac/neu fod yn rhan o dîm gweithio o ddydd i ddydd
• Mentora - Gallu cefnogi, helpu, arwain, ysbrydoli ac/neu hyfforddi eraill
• Rheloaeth - Gallu defnyddio, cydlynu a rheoli adnoddau (dynol, ffisegol ac/neu ariannol)
• Dadl - Gallu cyflwyno, trafod a chyfiawnhau barn neu lwybr gweithredu, naill ai gydag unigolyn neu mewn grwˆp ehangach
• Hunanymwybyddiaeth & Ystyried - Bod yn ymwybodol o'ch cryfderau, gwendidau, nodau ac amcanion eich hun. Gallu adolygu ,cloriannu a myfyrio'n rheolaidd ar eich perfformiad eich hun ac eraill.
• Arweinyddiaeth - Gallu arwain a rheoli, datblygu cynlluniau gweithredu ac amcanion, cynnig arweiniad a chyfarwyddyd i eraill, ac ymdopi â'r pwysau sy'n gysylltiedig ag awdurdod o'r fath

Rhagofynion

• WXC-2241: Perfformio Unawdol Blwyddyn 2
• WXP-2241: Solo Performance Year 2

Gorfodol mewn cyrsiau:

• W3P3: BA Astudiaethau'r Cyfr & Cherdd year 3 (BA/ACC)
• VW23: BA Hanes Cymru a Cherddoriaeth year 3 (BA/HCAC)
• QW53: BA Cymraeg/Music year 3 (BA/WMU)