Overview

Mae'r modiwl hwn yn canolbwyntio ar y gwahanol fethodolegau a dulliau ymchwil sy'n berthnasol i blant a phobl ifanc. Mae'r modiwl wedi'i gynllunio'n benodol i'ch paratoi ar gyfer eich traethawd hir ym mlwyddyn 3. Mae'n ymwneud â dylunio, cynnal ac ysgrifennu eich prosiect ymchwil bach eich hun yn semester 1 yn ogystal â llunio cynnig ymchwil ar gyfer eich traethawd hir yn semester 2, dan arweiniad a goruchwyliwr prosiect. Byddwch yn gallu dewis y thema ar gyfer eich traethawd hir o blith amrywiaeth o bynciau ymchwil perthnasol a gynigir. Byddwch yn dysgu am y gwahanol ddulliau o gasglu data, yr ystyriaethau moesegol pwysig wrth gynnal ymchwil gyda phlant a phobl ifanc, a sut i ddylunio prosiect ymchwil i brofi eich damcaniaethau. Asesir y modiwl ar sail adroddiad prosiect bach yn semester 1 a’r cynnig ymchwil yn semester 2.

Mae’r modiwl yn canolbwyntio ar y canlynol: •damcaniaethau ymchwil, sgiliau ysgrifennu traethawd hir, a dewis y fethodoleg gywir ar gyfer maes ymchwil y myfyrwyr;
•prif ddulliau casglu data, gan gynnwys dogfennau, ffotograffau, cyfweliadau, astudiaethau achos, grwpiau ffocws, holiaduron a dulliau ethnograffig. •enghreifftiau o ymchwil y darlithydd ei hun ac o waith arall yn yr Ysgol gan gynnwys profiadau ymchwilwyr doethurol ac ôl-ddoethurol. •seiliau athronyddol ymchwil, trafod ac egluro natur traethawd hir a chanfod a dewis maes astudio; •y prif gysyniadau sydd dan sylw wrth lunio’r cwestiynau i’w hastudio a ffurfio rhagdybiaeth.

Assessment Strategy

-threshold -(D) Gwybodaeth a dealltwriaeth boddhaol o faterion moesegol sy’n gysylltiedig ag ymchwilio gyda phlant; y gallu i ddewis a dethol methodoleg a dylunio a chyflwyno cynnig ar gyfer prosiect ymchwil.

-good -(B) Gwybodaeth a dealltwriaeth da o faterion moesegol sy’n gysylltiedig ag ymchwilio gyda phlant; y gallu i ddewis a dethol methodoleg addas a dylunio a chyflwyno cynnig cadarn ar gyfer prosiect ymchwil.

-excellent (A) Gwybodaeth cynhwysfawr a dealltwriaeth dwfn o faterion moesegol sy’n gysylltiedig ag ymchwilio gyda phlant; y gallu i ddewis a dethol methodoleg addas o ystod o ffynonellau, a dylunio a chyflwyno cynnig cytnhwysfawr a chaboledig ar gyfer prosiect ymchwil.

Learning Outcomes

• Arddangos dealltwriaeth beirniadol o gynnwys adroddiad ymchwil da;

• Arddangos dealltwriaeth beirniadol o’r ystod o ystyriaethau moesegol wrth wneud ymchwil sy'n ymwneud â phlant neu bobl ifanc a gallu gwerthuso’r gwahanol ddulliau;

• Arddangos dealltwriaeth o arwyddocâd dulliau ymchwil ansoddol a meintiol;

• Cyflwyno areithiau parod a byrfyfyr yn hyderus ac yn gymwys

• Cynllunio cynnig ymchwil, gan gynnwys dethol dulliau ymchwil priodol, ar bwnc sy’n ymwneud â phlant a phobl ifanc.

• Gwerthuso damcaniaethau a dadleuon allweddol mewn methodoleg ymchwil a arddangos dealltwriaeth o sut maent yn berthnasol i ymchwil sy'n ymwneud â phlant neu bobl ifanc.

• Trafod yn feirniadol gwahanol ddulliau ymchwil, a gallu adfyfyrio’n feirniadol ar eu cyfyngiadau a’u manteision mewn perthynas ag ystod o gyd-destunau;