Canolfan Stephen Colclough ar gyfer Hanes a Diwylliant y Llyfr

Dr. Eben J. Muse

Uwch Ddarlithydd yn y Cyfryngau Digidol, Ysgol Cerddoriaeth a'r Cyfryngau, Cymrawd yr AAU
Rwy’n astudio’r arloesiadau aflonyddol yn y diwydiant cyhoeddi a’r fasnach lyfrau a ddaeth yn sgil potensial cynyddol y technolegau digidol. Mae gennyf ddiddordeb yn y ffyrdd mae'r technolegau hynny’n ailddiffinio un o'r offerynnau mwyaf sylfaenol sydd gennym i gasglu gwybodaeth, datblygu a rhannu: sef y llyfr. Rwy’n fab i lyfrwerthwr, a gwelais y newidiadau mawr ym myd manwerthu llyfrau’n cyniwair gyda thwf technolegau a diwylliannau digidol a rhwydweithiol. Rwy’n gweithio gyda manwerthwyr llyfrau a chyhoeddwyr, yn enwedig yng Nghymru a New England, i ddeall sut y gellir defnyddio’r technolegau hynny, nid yn unig i symleiddio arferion presennol ond hefyd i ddatblygu ffyrdd newydd o ychwanegu gwerth at y llyfr sylfaenol. Rwy'n cymhwyso fy ngwaith ar gymhlethdod, gofodoldeb, bydoedd rhithwir a gofod amser i ddeall y ffyrdd y mae gofod y llyfr a gwerthu llyfrau’n esblygu.

Dr Sue Niebrzydowski

Darllenydd yn Llenyddiaeth Saesneg yr Oesoedd Canol, Ysgol Ieithoedd, Llenyddiaethau ac Ieithyddiaeth, Cymrawd yr AAU
Bu gennyf broffil ymchwil rhyngddisgyblaethol erioed, a bûm yn canolbwyntio'n fwyaf arbennig ar ferched canoloesol fel darllenwyr llenyddiaeth. Rwy’n aelod o'r rhwydwaith rhyngwladol, Diwylliant Llenyddol Merched a'r Canon Llenyddol, a ariennir gan Leverhulme (http://www.surrey.ac.uk/medievalwomen/index.htm), ac ar hyn o bryd rwy’n archwilio’r llenyddiaeth yr oedd merched yr Oesoedd Canol yn ei chynhyrchu ac yn darllen am y Forwyn Fair, a’r mathau o lyfrau sy’n cynnwys tystiolaeth o’u hymroddiad i Fair.

Shan Robinson

Swyddog Cefnogaeth Academaidd, (CAH) a Chydlynydd Casgliadau Arbennig
Rwy’n gweithio yn Llyfrgell y Brifysgol ers 30 mlynedd. Mae gennyf rôl ddeuol yn y llyfrgell, fel Cydlynydd y Casgliadau Arbennig, a Swyddog Cefnogaeth Academaidd Coleg y Celfyddydau a'r Dyniaethau. Astudiais ar gyfer fy ngradd mewn Astudiaethau Cymdeithasol trwy'r Adran Dysgu Gydol Oes, ac yna mi wnes i radd Meistr mewn Astudiaethau Merched yn yr un adran yn 2013. Rwy’n gweithio’n agos gyda’r casgliadau yn y Llyfrgell Gymraeg, ac mae gennyf ddiddordeb arbennig yn hanes merched Cymru.  Hanes addysg merched yng Nghymru oedd pwnc fy nhraethawd hir MA. Rwyf yn un o gynrychiolwyr gogledd Cymru ar bwyllgor Archif Merched Cymru, grŵp sy’n ymrwymo i hyrwyddo’r astudiaeth, ac achub a chadw ffynonellau, hanes merched yng Nghymru. Mae'r archif hefyd yn cynnal projectau ymchwil sy'n hybu gwybodaeth y cyhoedd am fywydau merched yng Nghymru.

Bydd y bwrdd rheoli yn cyfarfod unwaith y semester a bydd cofnodion y cyfarfod yn cael eu dosbarthu i'r bwrdd ymgynghorol i roi sylwadau arnynt. Cynhelir cyfarfod cyffredinol blynyddol i roi adroddiad ar gynnydd blynyddol.

• Yr Athro Andrew Edwards, Coleg y Celfyddydau, Dyniaethau a Busnes

• Yr Athro Emerita Helen Wilcox, Ysgol Iaith, Diwylliant a’r Celfyddydau

• Elen Simpson, Gwasanaeth Llyfrgell ac Archifau

• Yr Athro Ruth McElroy, Pennaeth yr Ysgol Iaith, Diwylliant a’r Celfyddydau

• Dr. Maredudd ap Huw, Llyfrgell Genedlaethol Cymru

• Yr Athro Sandro Jung, Adran Astudiaethau Llenyddol, Prifysgol Ghent

• Yr Athro Samantha J. Rayner, Cyfarwyddwr y Centre for Publishing, Department of Information Studies, yng Ngholeg Prifysgol, Llundain.

• Yr Athro Adam Smyth, Cyfadran Saesneg, Prifysgol Rhydychen

• Dr Hazel Pierce, Achydd Annibynnol ac Ymchwilydd

• Mr Stephen Rees, Darlithydd mewn Cerddoleg, Prifysgol Bangor

• Yr Athro Carol Tully, Athro Almaeneg, Prifysgol Bangor

• Dr Shaun Evans, Sefydliad Ymchwil Ystadau Cymru, Prifysgol Bangor

• Yr Athro Samantha Rayner, Coleg y Brifysgol, Llundain

• Jin Qian, Prifysgol Three Gorges, Tsieina