Bu gan y Ganolfan Economeg Iechyd a Gwerthuso Meddyginiaethau (CHEME) enw da ers dros ugain mlynedd ym maes ymchwil a dysgu economeg iechyd a ffarmaceconomeg. Ein themâu ymchwil allweddol yw economeg iechyd cyhoeddus ac ataliol ar hyd cwrs bywyd; ac economeg fferyllol, polisi, presgripsiynu a defnyddio meddyginiaethau.
Yn y Ganolfan rydym yn cynnal ymchwil methodolegol a chymhwysol ar y cyd i lywio ymarfer a pholisi, trwy gefnogi penderfyniadau effeithiol a theg a dyrannu adnoddau. Dangosodd ganlyniadau Fframwaith Rhagoriaeth Ymchwil 2021 bod 95% o’n hallbynnau ymchwil yn rhagorol yn rhyngwladol neu gyda’r gorau yn y byd.
Grŵp Ymchwil Economeg, Polisi a Phresgripsiynu Fferyllol (PEPPER)
Mae’r Grŵp Ymchwil Economeg, Polisi a Phresgripsiynu Fferyllol (PEPPER) yn rhan o Ysgol Feddygol Gogledd Cymru, dan arweiniad yr Athro Dyfrig Hughes. Rydym yn canolbwyntio ar ymchwil fethodolegol mewn gwerthuso economaidd ac economeg iechyd ymddygiadol; ac ymchwil gymhwysol yng nghyd-destun meddyginiaethau, technolegau iechyd a heriau iechyd byd-eang.
Grŵp Ymchwil Economeg Iechyd Cyhoeddus ac Ataliol (PHERG)
Mae Grŵp Ymchwil Economeg Iechyd Cyhoeddus ac Ataliol (PHERG) rhan o’r Ysgol Gwyddorau Iechyd, ac o dan arweiniad yr Athro Rhiannon Tudor Edwards. O fewn cynlluniau astudiaeth newydd ac arbrofol, mae ymchwil y grŵp yn mabwysiadu model cwrs bywyd ac yn cymhwyso economeg iechyd i iechyd cyhoeddus ac ataliol, llesiant a lles, yn gynyddol yng nghyd-destun cynaliadwyedd a newid hinsawdd. Rydym yn mesur effeithiolrwydd cost, gwerth cymdeithasol a lles.
Newyddlen
Awydd gwybod y diweddaraf gan dîm y Ganolfan Economeg Iechyd?
Darllenwch am ein hymchwil a'r newyddion diweddaraf gan dîm y Ganolfan Economeg Iechyd?
ll572pz