Arweinyddiaeth mewn Cyd-destun GIG-4380 - Mynediad yn

Caiff y cwrs byr, lefel 7 rhan-amser hwn ei gyflwyno ar ein campws ym Mangor gyda rhywfaint o ddysgu ar-lein (dull dysgu cyfunol)

I bwy mae’r cwrs hwn yn addas?

Mae'r modiwl hwn wedi'i anelu at weithwyr gofal iechyd proffesiynol, gan gynnwys meddygon, fferyllwyr, nyrsys, ffisiotherapyddion, radiograffwyr, a gweithwyr iechyd proffesiynol cysylltiedig o broffesiynau eraill, sy'n gyfrifol am ofal cleifion, arweinyddiaeth, ansawdd a diogelwch. 

Pam astudio'r cwrs hwn?

Bydd y cwrs byr hwn yn rhoi cyfle i ddysgwyr werthuso'n feirniadol y sefydliad a chyd-destunau ehangach ar gyfer gwella ansawdd mewn cyd-destun iechyd a gofal cymdeithasol o wahanol safbwyntiau damcaniaethol a methodolegol. 

Mae cynnwys y cwrs byr hefyd yn rhoi cyfle i ddysgwyr nodi, cymhwyso a gwerthuso'n feirinadol strategaethau ac ymyriadau i gefnogi gwelliannau yn ansawdd iechyd a gofal cymdeithasol. 

Trwy ddysgu gweithredol, bydd dysgwyr yn cael eu hannog i adfyfyrio a dysgu o'u heriau arweinyddiaeth eu hunain a'r sgiliau hwyluso a ddefnyddir yn eu gwaith proffesiynol

Pa mor hir mae’n cymryd i gwblhau’r cwrs?

Cyflwynir y cwrs byr hwn fel rheol dros 11 wythnos yn ystod semester 1 o'r flwyddyn academaidd, ac mae’n cynnwys:   

• 9 x prynhawn o ddarlithoedd wyneb yn wyneb (ar ein campws ym Mangor, unwaith yr wythnos dros 9 wythnos)   
• 2 x sesiwn awr ar-lein gyda’r nos (dros bythefnos )    
• astudio hunan-gyfeiriedig  

Bydd asesiadau ar y cwrs byr hwn yn cynnwys:

• Cyfrannu 1,000 o eiriau i’r fforymau trafod (o fewn 11 wythnos i ddyddiad dechrau’r modiwl).  
• Traethawd (3,000 o eiriau). Wedi'i gyflwyno o fewn 19 wythnos i ddyddiad dechrau’r cwrs.  

Tiwtor

Kay Plumpton 

Mae gan Kay amrywiaeth eang o brofiad fel nyrs ar ôl gweithio i’r GIG yng Nghymru, Lloegr a’r Alban. Mae wedi gweithio fel rheolwr nyrsio ac arweinydd ac fel rheolwr ac arweinydd mewn addysg iechyd a gofal. 

Mae gan Kay brofiad o arwain ansawdd a gwella gwasanaethau mewn gofal iechyd ac addysg ac mae ganddi ddiddordeb brwd mewn gwella ansawdd y gwasanaethau a ddarperir i'r cyhoedd er mwyn sicrhau'r canlyniadau a’r cyfleoedd bywyd gorau posibl iddynt. 

Beth fyddwch chi’n ei astudio ar y cwrs yma?

Bydd y cwrs byr hwn yn rhoi cyfle i ddysgwyr werthuso'n feirniadol y sefydliad a chyd-destunau ehangach ar gyfer gwella ansawdd mewn cyd-destun iechyd a gofal cymdeithasol o wahanol safbwyntiau damcaniaethol a methodolegol. 

Mae cynnwys y cwrs byr hefyd yn rhoi cyfle i ddysgwyr nodi, cymhwyso a gwerthuso'n feirinadol strategaethau ac ymyriadau i gefnogi gwelliannau yn ansawdd iechyd a gofal cymdeithasol. 

Trwy ddysgu gweithredol, bydd dysgwyr yn cael eu hannog i adfyfyrio a dysgu o'u heriau arweinyddiaeth eu hunain a'r sgiliau hwyluso a ddefnyddir yn eu gwaith proffesiynol. 

Beth fydd y dysgwr yn ei gael allan o’r cwrs?

Erbyn diwedd y cwrs byr hwn, bydd myfyrwyr yn gallu: 

• Dadansoddi a thrafod yn feirniadol gyfraniad ystod eang o ddisgyblaethau at theori ac ymarfer arwain gwelliannau ansawdd er mwyn i'r dysgwr allu dewis y dulliau mwyaf priodol i gyflawni gwelliant o ran canlyniadau 
• Archwilio’n feirniadol swyddogaeth y dysgwr ei hun, swyddogaeth unigolion eraill, y sefydliad a’r cyd-destun ehangach wrth lywio gwella ansawdd er mwyn arwain yn effeithiol a chyflawni gwelliannau ansawdd wrth ddarparu gwasanaethau 
• Gwerthuso’r defnydd o ddamcaniaeth i ddangos y sgiliau ymarferol sydd eu hangen i arwain tîm amlddisgyblaethol i wella iechyd a gofal cymdeithasol er mwyn i’r dysgwr gael dealltwriaeth o’r risgiau a rheoli risgiau sydd eu hangen i gyflwyno gwelliannau ansawdd effeithiol, effeithlon a derbyniol  
• Archwilio ac adolygu’n feirniadol y broses rheoli newid sy’n gysylltiedig â chyflwyno gwelliannau er mwyn i’r dysgwr allu arwain newid yn y modd mwyaf priodol a gwireddu buddion gwelliant 
• Adolygu a gwerthuso’n feirniadol technegau ac offer a ddefnyddir yn y broses o arwain ansawdd a gwelliant mewn iechyd a gofal cymdeithasol

• Dylid cyfeirio ymholiadau ynghylch ariannu Bwrdd Iechyd Prifysgol Betsi Cadwaladr (BIPBC) a bcu.nurseeducation@wales.nhs.uk.
• Mae'n bosibl y bydd cyfleoedd ariannu ar gael i rai sy'n gweithio'n lleol (h.y. yn ardaloedd gogledd Cymru a Phowys), cysylltwch â'r cydlynydd modiwl perthnasol am fanylion.
• Dylid cyfeirio pob ymholiad arall sy'n ymwneud â cheisiadau ac ariannu at gydlynydd y modiwl.

Ewch i dudalen Ffioedd a Chyllid Ôl-raddedig er mwyn cael gwybodaeth bellach

Bydd gofyn i ymgeiswyr feddu ar radd BSc israddedig 2:2 neu uwch o Sefydliad Addysg Uwch cydnabyddedig.   

Mae profiad cysylltiedig ag iechyd neu ofal yn fuddiol ar gyfer y cwrs byr hwn.

Sut i wneud cais

Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.

Paratowch y wybodaeth ganlynol (mewn dogfen Word):

• Manylion cyflogaeth cyfredol;
• Blynyddoedd o brofiad, a hanes cyflogaeth (lle bo hynny'n berthnasol)
• Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.

Bydd hyn yn cyflymu'r broses o lenwi'r ffurflen gais.