Bydd y bardd a'r dramodydd arobryn Inua Ellams (Barber Shop Chronicles, The Half-God of Rainfall, un o awduron ail gyfres y 15fed Dr Who) yn dod â'i ddigwyddiad barddoniaeth anhrefnus, dan arweiniad y gynulleidfa, i Pontio fel rhan o ddigwyddiadau 'Balchder a Phŵer' Prifysgol Bangor i nodi Mis Hanes Pobl Dduon 2025. Eleni, bydd y brifysgol yn canolbwyntio ar bŵer geiriau, gan adeiladu ar ein gwaith Y Llechan a’r rhan y mae barddoniaeth yn ei chwarae ym Mangor.
Mae Search Party gan Inua yn brofiad rhyngweithiol unigryw. Dewiswch air, unrhyw air, a gwyliwch wrth i Inua gael ei ysbrydoli gan awgrymiadau’r gynulleidfa a deialog agored yn y perfformiad digymell hwn sy’n defnyddio dull galw ac ymateb modern, gan gydnabod tarddiad adrodd straeon, ond gydag agwedd ddyfodolaidd amlwg.
Mae'r perfformiad hwn ar agor i staff, myfyrwyr a'r cyhoedd ond rydym yn ei argymell yn arbennig i blant 14 oed a throsodd.
Dyma fideo o Inua yn siarad am y perfformiad:
