Colourful patchwork of faces

Cynghrair newydd ar gyfer ymchwil yn y celfyddydau a dyniaethau yng Nghymru

Mae Prifysgol Bangor yn rhan o bartneriaeth newydd rhwng y naw prifysgol yng Nghymru sydd yn ysgogi cydweithio ac yn hybu ymchwil ac arloesi ym maes y celfyddydau a'r dyniaethau yng Nghymru.

Mae Prifysgol Bangor yn rhan o bartneriaeth newydd rhwng y naw prifysgol yng Nghymru sydd yn ysgogi cydweithio ac yn hybu ymchwil ac arloesi ym maes y celfyddydau a'r dyniaethau yng Nghymru.

Caiff Cynghrair Celfyddydau a Dyniaethau Cymru (CCDC) ei chynnal gan Rwydwaith Arloesedd Cymru (RhAC), ac mae wedi’i sefydlu yn dilyn cyfarfod yn gynharach yn yr haf lle cydnabu arweinwyr ymchwil y potensial ar gyfer cydweithredu pellach yn y celfyddydau a’r dyniaethau ar draws prifysgolion Cymru.

Bydd CCDC yn darparu llwyfan ar gyfer cydweithio rhwng prifysgolion yng Nghymru er mwyn hwyluso rhannu arbenigedd, adnoddau a sgiliau yn fwy effeithiol, a fydd yn hybu uchelgeisiau ymchwil ac arloesedd yn y celfyddydau a’r dyniaethau yng Nghymru. Bydd CCDC yn meithrin perthnasoedd gyda rhanddeiliaid allanol allweddol a gyda grwpiau celfyddydau a dyniaethau cenedlaethol ledled y DU.

 

Mae’r cydweithrediad yma’n cynnig cyfle cyffrous i arddangos y cyfoeth o ymchwil ac arloesi yn y Celfyddydau a’r Dyniaethau ledled Cymru. Ym Mhrifysgol Bangor, rydym yn arbennig o gyffrous am y posibilrwydd o gydweithio mewn modd arloesol ar draws ystod eang o ddisgyblaethau – o athroniaeth a chrefydd i droseddeg, ac o archaeoleg a threftadaeth i iaith, i enwi dim ond rhai – ac i ddyfnhau ein dealltwriaeth o gymdeithasau a diwylliannau, a chael effaith wirioneddol ar fywydau pobl.

 

Yr Athro Enlli Thomas,  Pennaeth Coleg y Celfyddydau, Dyniaethau a Gwyddorau Cymdeithasol, Prifysgol Bangor
Person standing in front of a microphone
Professor Enlli Thomas
Credit:Bangor University

Mae aelodau CCDC yn cynnwys PC y Drindod Dewi Sant, Prifysgol Abertawe, Prifysgol Aberystwyth, Prifysgol Bangor, Prifysgol Caerdydd, Prifysgol De Cymru, Prifysgol Metropolitan Caerdydd, Prifysgol Wrecsam, Y Brifysgol Agored yng Nghymru.

Newyddion Perthnasol

It looks like you’re visiting from outside the UK, would you like to be redirected to the international page?

Yes, take me to the International page. No, I want to stay on the current page.