Llongyfarchiadau i fy nghydweithwyr ar y gydnabyddiaeth haeddiannol hon o'u cyfraniadau i'r byd academaidd a'r gymdeithas. Fel Cymrawd Cymdeithas Ddysgedig Cymru, mae'n anrhydedd i mi fod yn rhan o grŵp hynod nodedig sy'n cynrychioli pinacl llwyddiannau academaidd, diwylliannol a dinesig Cymru. Rwy'n edrych ymlaen at gyfrannu at genhadaeth y Gymdeithas o ysgogi ymchwil ac arbenigedd er mwyn gwella cymdeithas Cymru a thu hwnt.
Rwy'n falch iawn o gael fy ethol yn Gymrawd Cymdeithas Ddysgedig Cymru. Edrychaf ymlaen at gefnogi cyfraniad hanfodol y Gymdeithas i fywyd a dysg Cymru, yn enwedig yn y sectorau celfyddydol a chreadigol.
Mae cael fy ethol yn Gymrawd Cymdeithas Ddysgedig Cymru yn gymaint o anrhydedd, ac rwy'n gobeithio y bydd hyn yn annog genethod a merched, a grwpiau eraill sydd heb gynrychiolaeth ddigonol, ac sydd eisiau dilyn gwyddoniaeth, i wneud hynny. Rwy'n edrych ymlaen at weithio gyda chydweithwyr y Gymdeithas i amrywiaethu cymuned academaidd Cymru, a thrwy hynny, cyfoethogi ein trafodaethau a'n cyflawniadau.
Sefydlwyd y Gymdeithas yn 2010, ac mae’n tynnu ar gryfderau sylweddol o bron i 700 o Gymrodyr nodedig yng Nghymru, y Deyrnas Unedig a thu hwnt.
Drwy ddod â’r Cymrodyr mwyaf llwyddiannus a thalentog sy’n gysylltiedig â Chymru at ei gilydd, mae’r Gymdeithas Ddysgedig yn cyfrannu at ddatblygu a hyrwyddo rhagoriaeth ym mhob disgyblaeth ysgolheigaidd, gan ddarparu cyngor arbenigol ac annibynnol i’r Llywodraeth.