Overview

Semester Un: Bydd myfyrwyr yn datblygu eu sgiliau cyfathrebu ysgrifenedig trwy ysgrifennu traethodau (1000-1500 o eiriau) ar bwnc sy’n berthnasol i’w cwrs gradd. Bydd cyfleoedd ar gael i dderbyn adborth ffurfiannol - cyffredinol a phenodol - cyn cyflwyno traethawd crynodol terfynol.

Semester Dau: Bydd myfyrwyr yn datblygu eu sgiliau cyfathrebu llafar drwy roi cyflwyniad byr i amryw o gynulleidfaoedd, gan orffen gyda 'mini-gynhadledd' ar gyfer myfyrwyr o fewn rhaglenni gradd penodol.

Semester Un & Dau: Bydd myfyrwyr yn mynychu darlithoedd 'Gwyddoniaeth Boblogaidd' a roddwyd gan aelodau o'r staff academaidd. Mae'r rhain yn darparu enghreifftiau a chyfleoedd ar gyfer adfyfyrio ar y sgiliau sydd eu hangen i gyfathrebu gwyddoniaeth cymhleth, yn ogystal â rhoi cyfle fyfyrwyr i ddechrau nodi a datblygu eu diddordebau mewn agweddau penodol o'u pwnc. Bydd hyn hefyd yn caniatáu datblygu sgiliau cymryd nodiadau a nodi pwyntiau allweddol mewn darlithoedd.

Assessment Strategy

ardderchog -A- i A+: Bydd myfyriwr rhagorol yn dangos dealltwriaeth ehangach o oblygiadau'r cwestiwn y tu hwnt i'r amlwg, dealltwriaeth dda o ddatblygiadau diweddaraf y maes pwnc (gan gynnwys ei gyfyngiadau) a gallu beirniadol datblygedig. Bydd y cyfathrebu yn rhugl ac yn groyw, gyda'r gallu i ennyn diddordeb y gynulleidfa. Bydd cyfeiriadau/ffynonellau yn hynod briodol, yn wyddonol, wedi'u gwerthuso'n dda ac yn cael eu hymchwilio'n helaeth.

-good -B- i B+: Bydd myfyriwr da yn cynhyrchu dadl rymus wedi'i strwythuro'n dda gan ddangos dealltwriaeth dda o'r wybodaeth y gofynnir amdani a gwybodaeth am y pwnc dan sylw. Bydd y cyfathrebu'n gydlynol ac yn cyfateb i'r gynulleidfa arfaethedig. Bydd cyfeiriadau/ffynonellau yn briodol, yn wyddonol ac yn cael eu gwerthuso'n dda.

• digonol o C- i C+: Bydd myfyriwr sy'n cyflawni graddau lefel C yn dangos dealltwriaeth resymol o'r wybodaeth y gofynnwyd amdani a pheth gwybodaeth o'r pwnc er gyda rhai diffygion o ran manylder a chywirdeb syniadau. Gwneir ymdrech resymol i gyfleu syniadau, gyda pheth tystiolaeth o ystyriaeth o'r gynulleidfa arfaethedig. Bydd cyfeiriadau/ffynonellau yn briodol er y gallant fod yn gyfyngedig.

-trothwy -D- i D+: Bydd myfyriwr trothwy yn dangos gallu sylfaenol i ateb cwestiynau gyda gwybodaeth berthnasol, gyda rhywfaint o drefniadaeth o feddyliau a dealltwriaeth o'r pwnc dan sylw. Mae'n bosibl y bydd rhai camddealltwriaeth yn amlwg mewn cyfathrebu ond bydd yn dangos dealltwriaeth sylfaenol o'r egwyddorion. Defnyddir cyfeiriadau ond gallant fod yn gyfyngedig neu gallant ddibynnu ar ffynonellau llai priodol.

Learning Outcomes

• .Dangos ymwybyddiaeth o ddatblygiadau a materion cyfoes yn y Gwyddorau Biolegol

• Cael gwybodaeth am bwnc penodol o amrywiaeth o ffynonellau gan gynnwys y llenyddiaeth wyddonol gynradd

• Cyfleu gwybodaeth a syniadau gwyddonol mewn modd effeithiol a chryno ar lafar ac yn ysgrifenedig

• Datblygu sgiliau datblygiad personol yn ymwneud â rheoli amser, blaenoriaethu gwaith, trefnu a rheoli terfynau amser.

• Datblygu sgiliau dysgu gydol oes