Fluctuating weather and changing coastlines: perceptions of climate change on Qeqertarsuaq/ Disko Island.
- Lleoliad:
- Zoom ar-lein
- Amser:
- Dydd Mercher 3 Tachwedd 2021, 13:00–14:30
- Cyswllt:
- Dr Corinna Patterson - c.patterson@bangor.ac.uk
'Fluctuating weather and changing coastlines: perceptions of climate change on Qeqertarsuaq/ Disko Island.'
Pelle Tejsner - Athro Cynorthwyol ym Mhrifysgol AARHUS, Denmarc
Bydd Yr Athro Robin Grove White, cyn-Gadeirydd Greenpeace UK a sefydlodd y Ganolfan Astudio Newid Amgylcheddol (CSEC), Prifysgol Lancaster, yn cyflwyno ein prif siaradwr; Dr Pelle Tejsner, Athro Cynorthwyol ym Mhrifysgol AARHUS, Denmarc.
Mae cynhesu byd-eang yn cael effaith gynyddol ar ecosystemau’r Arctig ac ar fywoliaeth y bobl gynhenid. Ar yr un pryd mae’r ffaith bod y rhewlifoedd a’r rhew môr yn toddi yn agor y rhanbarth i ragor o longau, twristiaeth ac echdynnu adnoddau. Mae’r gogledd ambegynol fel “caneri’r golwyr” i wyddonwyr hinsawdd. Rhoddir llawer o sylw i’r rhanbarth yn y wasg y dyddiau hyn, trwy ei bortreadu ar yr un pryd fel 'goror adnoddau' neu 'warchodfa natur' ond beth yw barn cymunedau Inuit lleol am newidiadau o'r fath i'w gorwelion hwythau?
Mae'r cyflwyniad yn gwahodd y gynulleidfa i ystyried profiadau a lleisiau Qeqertarsuarmiut (trigolion Qeqertarsuaq / Ynys Disko) wrth iddynt adfyfyrio ynglŷn â newidiadau ecolegol amlwg y gorffennol, y presennol a'r dyfodol, trawsnewidiadau cymdeithasol cyflym a llygredd cynyddol, a sut mae'r ansicrwydd hwn yn effeithio ar gysylltiadau cymdeithasol-ecolegol yr Inuit a pharhad bywoliaeth sydd wedi ei seilio ar gynhaliaeth leol.
