Datganiad Polisi Cyfartaledd

Prifysgol Bangor yn anelu at ddarparu amgylchedd sy’n parchu a gwerthfawrogi cyfraniad cadarnhaol ei holl aelodau a thrwy hynny eu galluogi i gyflawni eu potensial llawn a chael budd a mwynhad wrth ymwneud â bywyd y Brifysgol.

I gyflawni’r amcan hwn, mae’r Brifysgol yn cydnabod bod gan ei holl aelodau a darpar aelodau yr hawiau sylfaenol canlynol:

  • Cael eu trin ag urddas a pharch
  • Cael eu trin yn deg o ran holl ddulliau gweithredu, asesiadau a dewisiadau
  • Derbyn anogaeth i gyrraedd eu potensial llawn.
 

Mae cyfrifoldebau’n gysylltiedig â’r hawliau hyn ac mae’r Brifysgol yn mynnu bod ei holl aelodau’n cydnabod yr hawliau hyn a gweithredu’n unol â hwy bob amser wrth ymdrin ag aelodau eraill o gymuned y Brifysgol.

Bydd y Brifysgol yn cydymffurfio â phob deddfwriaeth ac ymarfer da perthnasol ac ni fydd yn goddef i unrhyw unigolyn dderbyn triniaeth lai ffafriol ar sail daliadau crefyddol neu wleidyddol, gender, tueddiad rhywiol, amgylchiadau teuluol, hil neu darddiad ethnig, cenedl, oed, dosbarth cymdeithasol neu economaidd, neu anabledd, neu fod dan anfantais oherwydd unrhyw amod neu angen arall nad yw’n berthnasol i ymarfer da ac na ellir ei gyfiawnhau.

Disgwylir i holl fyfyrwyr a staff gadw at y polisi hwn ac os caiff ei dorri mewn unrhyw ffordd gellir delio â hynny o dan Drefniadau Disgyblu Staff neu Fyfyrwyr fel bo’n briodol.

Mae’r Brifysgol hefyd wedi ymrwymo i ehangu mynediad i Addysg Uwch i grwpiau a dangynrychiolir. Gyda’r ymrwymiad hwn cydnabyddir bod cyfle cyfartal yn berthnasol hefyd i faterion cwricwlwm, addysgu, dysgu ac ymchwil, yn ogystal â pholisïau a dulliau gweithredu yn ymwneud â chyflogaeth a derbyniadau.

Mae’r Brifysgol yn anelu at:

  • Sicrhau fod y dataniad polisi cyfle cyfartal, ynghyd â chodau ymarfer a pholisïau a dulliau gweithredu eraill perthnasol, yn cael eu dosbarthu’n eang drwy’r holl sefydliad. 
  • Sefydlu systemau cefnogi ar gyfer staff a myfyrwyr sy’n teimlo y gwahaniaethir yn eu herbyn.
  • Darparu hyfforddiant i sicrhau bod egwyddorion cyfle cyfartal yn hysbysu’r prosesau addysgu a dysgu ar gyfer staff a myfyrwyr.
  • Sicrhau fod pawb yn cael yr un cyfle i fynd i Addysg Uwch drwy fonitro ac arolygu’r meini prawf recriwtio, dewis ac asesu ar gyfer myfyrwyr.
  • Sicrhau fod pawb yn cael yr un cyfle cyflogaeth yn y Brifysgol drwy fonitro’r prosesau recriwtio, dewis a dyrchafu ar gyfer yr holl staff.
  • Sicrhau fod yr amgylchedd ffisegol a’r adeiladau yn adlewyrchu anghenion staff a myfyrwyr anabl.
  • Sicrhau fod masnachwyr, contractwyr, sefydliadau neu unigolion sy’n cysylltu â’r Brifysgol yn ymwybodol o’r polisi hwn.
  • Arolygu a monitro holl bolisïau a dulliau gweithredu sefydliadol yn rheolaidd i sicrhau eu bod yn cydymffurfio ag ymarfer cyfle cyfartal.

Tudalennau i lwytho i lawr

Mabwysiadwyd y polisïau a’r dulliau gweithredu a ganlyn i gefnogi ymrwymiad y Brifysgol i gyfle cyfartal: