Cydraddoldeb, Amrywiaeth a Chynhwysiant ym Mhrifysgol Bangor

Datblygiadau diweddar...

  • Mae ein Bwlch Cyflog rhwng y Rhywiau canolrifol yn parhau i leihau, o 7.2% yn 2020 i 5.7% yn 2021 (cyhoeddwyd ym mis Mawrth 2022).
  • Rydym wedi ymrwymo i wneud cais am wobr Arian Athena Swan yn ystod 2023 (mae gennym eisoes Efydd).
  • Yn ystod 2022 fe wnaethom ymuno â Siarter Cydraddoldeb Hiliol Advance HE.
  • Penodwyd yr Athro Morag McDonald i rôl newydd Amrywiaeth a Chynhwysiant APVC.
  • Penodwyd Dr Thandi Gilder i rôl newydd fel Arweinydd Datblygu Dysgu ac Addysgu (Amrywiaeth a Chynhwysiant) yn CELT (y Ganolfan Gwella Dysgu ac Addysgu). Bydd y rôl hon, a ariennir gan Lywodraeth Cymru, yn mynd i'r afael ag arfer cynhwysol mewn addysgu ac asesu ar draws y Brifysgol ac yn cefnogi ein Cynllun Gweithredu Cydraddoldeb Hiliol.

Hanes

Cafodd Prifysgol Bangor ei sefydlu o ganlyniad i ymgyrch yn ail hanner y bedwaredd ganrif ar bymtheg dros ddarparu gwell addysg uwch yng Nghymru. Agwedd bwysig ar yr ymgyrch codi arian i sefydlu coleg statws prifysgol ym Mangor, oedd y cyfraniadau gwirfoddol a wnaed gan bobl lleol, gan gynnwys ffermwyr a chwarelwyr, o'u tâl wythnosol dros nifer o flynyddoedd.

Agorodd y Brifysgol ei drysau ar 18 Hydref 1884 mewn hen dafarn hyfforddi ar lannau Culfor Menai gyda 58 o fyfyrwyr a 10 aelod o staff. Yng Ngogledd Cymru roedd brwdfrydedd mawr dros achos addysg menywod. O'r myfyrwyr cyntaf i gael eu cofrestru yn y Coleg, roedd traean yn fenywod.

Mae Strategaeth Gorfforaethol y Brifysgol ‘Strategaeth 2030 – Byd Cynaliadwy i Genedlaethau’r Dyfodol’ yn nodi:

Ein Cenhadaeth

Prifysgol Gogledd Cymru ac ar gyfer Gogledd Cymru, sy'n cael ei harwain gan ymchwil ac yn Meithrin effaith gadarnhaol ar gymdeithas yn rhanbarthol, yn genedlaethol ac yn rhyngwladol.

Ein Gweledigaeth

Prifysgol ac iddi gysylltiadau byd-eang, sy’n gwireddu cyfleoedd ar gyferllwyddiant trwy ymchwil ac addysgu trawsnewidiolac arloesola sbardunir gan effaith, gyda ffocws ar gynaladwy – diogelu’r amgylchedd, adfywio iechyd cymdeithas, a hyrwyddio ffyniant economaidd, cymdeithasol, dwyieitho, a diwylliannol.

Ein Gwerthoedd

  • Uchelgais
  • Cynwysoldeb
  • Uniondeb
  • Parch
  • Cynaliadwyedd
  • Trawsnewid

Gyda thema benodol o Amrywiaeth a Chynhwysiant.

 

Mae ein Cynllun Cydraddoldeb Strategol 2020 – 2024 yn ddatganiad o’n hymrwymiad parhaus i gydraddoldeb, amrywiaeth a chynhwysiant ac mae’n cefnogi ein cenhadaeth, ein gweledigaeth a’n gwerthoedd.

 

Gwyliwch y cyflwyniad byr hwn i gael gwybodaeth am Gydraddoldeb, Amrywiaeth a Chynhwysiant ym Mhrifysgol Bangor

Dyma ein Hysbysiad Preifatrwydd Cydraddoldeb