Myfyrwyr Ymchwil Presennol
Phd Cerddoriaeth
Elen Wyn Keen, PhD (5ed blwyddyn, rhan-amser)
Teitl: ‘J. Lloyd Williams a’i gyfraniad i fyd yr opereta a cherddoriaeth leisiol yng Nghymru’
Panel Arolygu: Mr Wyn Thomas (Prif Arolygwr), Mr Stephen Rees (Ail Arolygwr), Dr Gwawr Ifan (Cadeirydd)
Fe nes i raddio gyda B.Mus o Brifysgol Bangor yn 1997 gan ei ddilyn gydag M.Phil mewn Cerddoriaeth yn 2000. Trwy gyfrwng Ysgoloriaeth gan Goleg y Celfyddydau a’r Dyniaethau, Prifysgol Bangor ac Ysgoloriaeth Llewelyn Williams, Prifysgol Cymru, dychwelais i’r byd academaidd gan gychwyn ar gwrs ddoethurol yn Ysgol Cerddoriaeth Prifysgol Bangor yn Rhagfyr 2016. Bum hefyd yn gyfrifol am ddysgu a chydlynnu modiwlau ar gyfer myfyrwyr îs-raddedig mewn Hanes Cerddoriaeth yng Nghymru yn yr Ysgol Cerddoriaeth ers 2018.
Bwriad yr ymchwil hwn yw edrych ar gyfraniad yr Athro John Lloyd Williams (1854–1945) i’r traddodiad cerddorol gwerinol yng Nghymru rhwng diwedd y 19g. a hanner cyntaf yr 20g. gan ganolbwyntio’n bennaf ar ei operetau a’r trefniannau lleisiol cyhoeddedig ac anghyhoeddedig o alawon gwerin a luniodd yn ystod ei yrfa. Tanio ymwybyddiaeth o genedligrwydd Cymreig ymysg yr ifanc oedd ei fwriad wrth lunio’r ddrama gerdd Aelwyd Angharad, ond ystyrir y gwaith hwnnw fel un a fraenarodd y tir ar gyfer cynhyrchiadau theatrig yng Nghymru. Yn ystod ei gyfnod fel Cyfarwyddwr Cerdd Coleg Prifysgol Gogledd Cymru Bangor bu’n gyfrifol am sefydlu cymdeithas ymysg y myfyrwyr gyda’r bwriad o gasglu a pherfformio alawon gwerin Cymreig, a bu eu cyfraniad yn drobwynt yn hanes yr astudiaeth o gerddoriaeth werin yng Nghymru. Cyfansoddodd doreth o drefniannau o alawon gwerin Cymreig a bu’r cyfrolau o drefniannau ar gyfer ysgolion yn gyfraniad aruthurol yn yr ymgyrch i boblogeiddio’r caneuon a’u trosglwyddo i genhedlaeth newydd.
Cyflwyniadau mewn cynadleddau:
- ‘J. Lloyd Williams: Y Cymwynaswr Cerdd o Lanrwst.’ Darlith ym Mhabell Prifysgol Bangor, Eisteddfod Genedlaethol Sir Conwy, Llanrwst (Awst 2019)
- ‘Gwisg newydd i’r hen alawon: J. Lloyd Williams y trefnydd a’r cyfansoddwr.’ Sgwrs a chân gyda Sioned Webb a Siân Meinir ym Mhabell Encore, Eisteddfod Genedlaethol Sir Conwy, Llanrwst (Awst 2019)
- ‘Yr Ysgolhaig a’r Ysbrydolwr: Golwg ar Gyfraniad J. Lloyd Williams i draddodiadau cerddorol Cymru.’ Cymdeithas Graddedigion Prifysgol Bangor (Medi 2018)
- ‘Aelwyd Angharad: Yr Opereta Gymreig a Gododd yr Hen Wlad yn Ei Hôl.’ Papur yng nghynhadledd Cyfandir Cymru, Prifysgol Bangor (Mehefin 2018)
- ‘Codi’r Hen Wlad yn Ei Hôl.’ Darlith Cymdeithas Hanes Dyffryn Ogwen, Bethesda (Hydref 2017)
- ‘Codi’r Hen Wlad yn Ei Hôl.’ Cyflwyniad yng nghynhadledd flynyddol Cymdeithas Alawon Gwerin Cymru, Aberystwyth (Medi 2017)
- ‘J. Lloyd Williams: Y Cyfarwyddwr Cerdd.’ Darlith yng nghynhadledd flynyddol Cymdeithas Alawon Gwerin Cymru, Llanrwst (Medi 2003)
- ‘Camp Cerddor a Gallu Gwyddonydd: J. Lloyd Williams a Chylchgrawn Cymdeithas Alawon Gwerin Cymru.’ Cynhadledd Cymru a’r Cymry, Canolfan Uwch Astudiaethau Cymreig a Cheltaidd Aberystwyth, (Ebrill 2000)
- ‘Trichomanes speciosum, marine algae, and Welsh Folk Songs: The dichotomy in Dr. John Lloyd Williams’ career.’ Cynhadledd The English Folk Song Society, Prifysgol Sheffield (Gorffennaf 1998)
Cyhoeddiadau:
- ‘“Codi’r Hen Wlad yn ei Hôl”: Golwg ar waddol Aelwyd Angharad i’r diwylliant Cymreig,’ Canu Gwerin, 42 (2019)
- ‘“Codi’r Hen Wlad yn ei Hôl”: Golwg ar Aelwyd Angharad (J. Lloyd Williams) a’i chynnwys cerddorol,’ Canu Gwerin, 41 (2018)
- ‘J. Lloyd Williams’, yn Pwyll ap Siôn & Wyn Thomas (gol.), Cydymaith i Gerddoriaeth Cymru (Talybont, 2018)
- ‘J. Lloyd Williams: Y Cyfarwyddwr Cerdd,’ Canu Gwerin, 27 (2004)
- ‘Camp Cerddor a Gallu’r Gwyddonydd: J. Lloyd Williams a’i Gylchgrawn,’ Hanes Cerddoriaeth Cymru, 5 (2002)
Menna Thomas, MA trwy ymchwil (ail flwyddyn, rhan-amser)
Teitl: ‘Ffynonellau alawon anghyhoeddedig o Forgannwg yn Archif Dr Meredydd Evans a Phyllis Kinney, Llyfrgell Genedlaethol Aberystwyth.’
Panel Arolygu: Mr Stephen Rees (Prif Arolygwr), Athro Pwyll ap Siôn (Ail Arolygwr), Dr Iwan Llewelyn-Jones (Tiwtor Personol/Cadeirydd)
Bethan James, PhD (trydydd flwyddyn)
Teitl: ‘Ymchwiliad hunan-ethnograffig o ystyr ac arwyddocâd Dalcroze Eurhythmics ym mywyd a phrofiad myfyriwr ac athro’
Panel Arolygu: Dr Gwawr Ifan (Prif Arolygwr), Dr Eben Muse (Ail Arolygwr), Athro Pwyll ap Siôn (Cadeirydd)
Fe nes i raddio gyda BMus o Brifysgol Sheffield yn 1987 cyn mynd ymlaen i ddilyn gradd ôlradd mewn Perfformio fel feiolydd yng Ngoleg Cerdd y Gogledd, Manceinion (RNCM). Fe nes i gwblhau cymhwyster ‘Licence’ i ddysgu Dalcroze Eurhythmics o’r Institut Jaques-Dalcroze, Genefa (1997–9), ac ymhellach, y Diplôme Supérieur yn 2013.
Dull o addysgu a mewnoli ymwybyddiaeth gerddorol yw Dalcroze Eurhythmics.Mae’n apelio at ymateb greddfol, gweladwy y corff yn ei gyfanrwydd. Wedi ugain mlynedd a mwy o addysgu cerdd trwy ddefnyddio dull Dalcroze, penderfynais ymchwilio i’m mhrofiad a’m dealltwriaeth bersonol o astudio a dysgu’r maes trwy lunio astudiaeth hunan-ethnograffig.Gan fod Dalcroze yn gyfrwng pedagogaidd creadigol sydd yn hyrwyddo cysylltiadau ar draws ffiniau celfyddydol, rwyf yn arbrofi â gwahanol fathau o fynegiadau artistig. Defnyddir bricolage fel fframwaith strwythurol a gwelir cysylltiadau penodol â gwaith yr anthropolegwr Tim Ingold, megis y cysyniad o rwyllwaith (meshwork). Y nod yw cyfathrebu natur ymgorfforol a byrfyfyriol y dull, a chynnig profiad o siwrnai ddarganfyddol i’r darllenydd. Yn hyn o beth, rwyf yn archwilio i bosibiliadau datblygu gwefan ar ffurf doku-wiki a fydd yn galluogi i’r unigolyn droi o’r naill dudalen i’r llall gan lywio llwybr personol iddi/o ei hun.
Papurau a chyflwyniadau mewn cynadleddau:
- ‘The meaning of Dalcroze Eurhythmics in the life journey of a student and teacher: an autoethnography.’ Cynhadledd Coleg Cymraeg Cenedlaethol [ar-lein] (Gorffennaf 2020)
- ‘The meaning of Dalcroze Eurhythmics in the life journey of student and teacher: an artful autoethnography.’ Gweithdy a phapur yn y 5th British Autoethnography Conference, Bristol (Gorffennaf 2018)
- ‘An Improvisational Approach to Dalcroze Pedagogy Online: an Autoethnography.’ 3rd International Conference of Dalcroze Studies, Universite Laval, Quebec, Canada (Gorffennaf/Awst 2017)
- ‘When words aren’t enough.’ European Association for Music in Schools (EAS) annual conference, Vilnius, Lithwania (Mawrth 2016)
- ‘When words aren’t enough.’ 2nd International Conference of Dalcroze Studies, University of Music and Performing Arts Vienna, Awstria (Gorffennaf 2015)
- ‘Reflecting on Reflections.’ Congrès International Jaques-Dalcroze, Geneva, Y Swisdir (Gorffennaf 2015)
- ‘The Application of Dalcroze Eurhythmics to the teaching of children with special needs.’ International Conference on Music and Well-being. North-West University, Potchefstroom, De Affrica(Awst 2013)
- ‘Tracing Stones: the music of landscape.’ The First International Conference of Dalcroze Studies. Prifysgol Coventry (Gorffennaf 2013)
- ‘The Gift of Dalcroze to Special Needs.’ International Society for Music Education (ISME) World Conference, Thessaloniki, Groeg (Gorffennaf 2012)
Cyhoeddiadau:
- Habron-James, B. (2020) ‘FIER Paths to Rhythmics III: Rhythmics and Children.’ Geneva: FIER (in press)
- Habron-James, B. (2016) Book Review of Eurhythmics for Autism and Other Neurophysiologic Diagnoses: A Sensorimotor Music-Based Treatment Approach by Dorita S. Berger, in Approaches – An interdisciplinary journal of music therapy, special Issue 8(2), 216-218
- Habron-James, B. (2016) ‘La música en movimiento para niños con necesidadaes especiales,’ in Eufonia: Didactica de la Música, 67, 13–18
- Habron-James, B. (2015) ‘Sing up! Get a move on!’, Sing Up, 25, 44-45
Cadi Mair Williams, PhD (ail flwyddyn)
Teitl: ‘Diffinio hunaniaeth greadigol ac artistig Cymry Cymraeg ym myd Adloniant Cymru yn ystod yr hanner canrif ddiwethaf’
Panel Arolygu: Pwyll ap Siôn (Prif Arolygwr), Gwawr Ifan (Ail Arolygwr), Ffion Evans (Tiwtor Personol/Cadeirydd)
Fe nes i raddio gyda BA Cydanrhydedd mewn Hanes Cymru a Cherddoriaeth (dosbarth cyntaf) o Brifysgol Bangor yn 2019. Bum yn ffodus i ennill Ysgoloriaeth Ymddiriedolaeth James Pantyfedwen i barhau gydag ymchwil PhD mewn Cerddoriaeth yn 2019. Mae fy ngwaith ymchwil yn archwilio creadigrwydd o fewn Cymry Cymraeg. Y bwyslais yn bennaf yw ar greadigrwydd mewn cerddoriaeth ond hefyd rwy’n edrych ar gysylltiadau rhwng cerddoriaeth â drama, actio a chelfyddydau eraill. Yn ogystal, mae fy ymchwil yn dadansoddi effaith sefydliadau diwylliannol Cymraeg ar greadigrwydd, megis yr Eisteddfod Genedlaethol, Eisteddfod yr Urdd, S4C, cwmnïau theatr, y Capel, mudiadau ac yn y blaen. Prif sail yr ymchwil yw cynnal cyfweliadau gyda nifer o unigolion mwyaf blaenllaw ac amryddawn y byd adloniant Cymraeg (megis Bryn Fôn, Caryl Parry Jones, Gwyneth Glyn, a nifer o artistiaid eraill). Ynghyd â hyn, rwyf wedi llunio holiadur ar-lein er mwyn casglu data gan groesdoriad eang o Gymry. Dyma’r holiadur ac mae croeso i chwi ei lenwi!
Ymchwil wedi ei noddi gan Ymddiriedolaeth James Pantyfedwen
Gwenan Gibbard, PhD (ail flwyddyn, rhan-amser)
Teitl: ‘Archif Merdydd Evans a Phyllis Kinney: Astudiaeth o gasgliadau a chaneuon gwerin anghyfarwydd ac anghyhoeddiedig gogledd a chanolbarth Cymru yn y cyfnod 1850–1950’
Panel Arolygu: Athro Pwyll ap Sion & Mr Wyn Thomas (Prif Arolygwyr), Dr Iwan Llewelyn-Jones (Ail Arolygwr), Dr Gwawr Ifan (Cadeirydd)
PhD wedi ei gyllido gan y Coleg Cymraeg Cenedlaethol
Rhodri Williams, PhD (trydydd flwyddyn)
Teitl: ‘Cyfansoddi ar gyfer y Cyfryngau (ffolio o gyfansoddiadau)’
Panel Arolygu: Prof. Pwyll ap Siôn (Prif Arolygwr), Prof. Andrew Lewis (Ail Arolygwr), Mr Stephen Rees (Tiwtor Personol/Cadeirydd)
Ymchwil wedi ei noddi gan Ymddiriedolaeth James Pantyfedwen