Mae’r Archifau a’r Casgliadau Arbennig yn cynnal cyfres o ddigwyddiadau ar hyd y flwyddyn er mwyn codi ymwybyddiaeth y cyhoedd o’n casgliadau.
- Mae arddangosfeydd, darlithoedd cyhoeddus a dyddiau agored yn rhad ac am ddim ac yn agored i bawb.
- Rydym yn cynnal sesiynau cynefino i fyfyrwyr a staff ac yn cynnig y cyfle i gymdeithasau lleol ac ysgolion ddarganfod mwy am ein casgliadau.
Byddwn hefyd yn cymeryd rhan yn flynyddol yn y digwyddiadau cenedlaethol “Archwiliwch eich Archif”.
Bydd ein digwyddiadau oll yn cael eu hysbysebu ar y dudalen hon ac ar y cyfryngau cymdeithasol – Facebook ac X
Darlith Flynyddol y Archifau
30 Hydref 2024 Prif Ddarlithfa’r Prif Adeilad 5.30
Darlith Flynyddol y Archifau : Yr Athro Terence Dooley o Brifysgol Maynooth, Iwerddon
Mae teitl ei ddarlith eto i’w gadarnhau.
Arddangosfa'r Archifau a Chasgliadau Arbennig 2024
DATHLU'R 140
Agorodd Coleg Prifysgol Gogledd Cymru ym Mangor ar 18 Hydref, 1884. Gyda’r
digwyddiad hwn gwireddwyd gobeithion a dyheadau llawer ers dyddiau Owain Glyndŵr
am Brifysgol yng ngogledd Cymru. Gyda phum deg wyth o fyfyrwyr, dyma ddechrau'r
daith i un o sefydliadau pwysig yr ardal. Heddiw, mae ymhell dros 11,000 o fyfyrwyr yma
o bob cwr o’r byd yn elwa o’r traddodiad Cymreig cryf sy’n credu yng ngwerth addysg i
bawb.
Yn yr arddangosfa hon cawn gipolwg ar hanes cyfoethog y Brifysgol am y 140 mlynedd
ddiwethaf. O'r nifer fawr o ddeunyddiau sydd gan Archifau'r Brifysgol ei hun, cafwyd
detholiad o enghreifftiau cynrychioliadol, ac sy’n dwyn atgofion i’r cof, i ddarlunio bywyd
a gwaith myfyrwyr a staff ddoe a heddiw.