Graddau Ysgrifennu Creadigol Israddedig

Ym Mhrifysgol Bangor, mi fyddi’n dechrau gyda sylfaen gref mewn Ysgrifennu Creadigol, gan feithrin hyder a darganfod diddordebau newydd o'r diwrnod cyntaf. Wrth i ti symud ymlaen, mi fyddi’n dewis o blith ystod gyffrous o fodiwlau ac yn ymgymryd â phroject ysgrifennu annibynnol yn dy flwyddyn olaf.

Cei archwilio dulliau ffres ac arloesol o ysgrifennu wrth werthfawrogi pŵer llenyddiaeth glasurol a dylanwad ysgrifennu modern ar gymdeithas. O nofelau a straeon byrion i farddoniaeth a gwaith ffeithiol, cei arbrofi â gwahanol ffurfiau a mynd i'r afael â themâu mawr megis rhywedd a rhywioldeb, anghydraddoldeb economaidd, a'r amgylchedd.

Mae ein graddau Ysgrifennu Creadigol wedi'u cynllunio i dy helpu i feddwl yn greadigol, yn feirniadol ac yn agored. Mi fyddi’n ymuno â chymuned gefnogol a chyfeillgar lle cei gyfle i ddatblygu dy lais dros dair blynedd.

Mae seminarau a gweithdai ym Mhrifysgol Bangor yn ysgogol ac yn heriol, ond maent hefyd yn groesawgar ac yn gydweithredol. Bydd dy gyfoedion a’r tiwtoriaid yn dy ysbrydoli ac yn dy annog, a gyda'ch gilydd, byddwch yn rhannu syniadau, yn rhoi adborth, ac yn dysgu sut i feirniadu a chefnogi gwaith eich gilydd yn hyderus. Mae dy lais unigryw yn arbennig, a bydd yn cael ei feithrin gyda gofal ac ymrwymiad.

Nid ysgrifennu yn unig yw canolbwynt gradd Ysgrifennu Creadigol, mae'n ymwneud â dy baratoi at yrfa gyffrous. Mae llawer o'n modiwlau'n cynnwys asesiadau arloesol a chreadigol sydd wedi'u cynllunio i dy helpu i ddatblygu'r sgiliau y mae cyflogwyr yn eu gwerthfawrogi fwyaf.

Byddai graddio gyda gradd mewn Ysgrifennu Creadigol yn dy gyfarparu â galluoedd y mae galw uchel amdanynt: creadigrwydd, cyfathrebu a meddwl beirniadol. Mae'r sgiliau hyn yn agor drysau i ystod eang o yrfaoedd, o rolau traddodiadol mewn cyhoeddi a golygu, i gyfleoedd sy'n dod i'r amlwg mewn cynnwys digidol a diwydiannau creadigol.

Mi fyddi hefyd yn elwa ar weithdai a sesiynau gwadd rheolaidd gydag awduron ac arbenigwyr yn y diwydiant. Bydd y bobl hyn yn rhannu awgrymiadau ymarferol a mewnwelediadau o'r byd go iawn, gan ddangos i ti sut i droi dy dalent creadigol yn yrfa foddhaol. Mae gwesteion y gorffennol wedi cynnwys nofelwyr, beirdd, gweithwyr proffesiynol cyhoeddi, athrawon ac awduron sy'n gweithio i greu cynnwys i frandiau byd-eang.

Mae dy ddyfodol creadigol yn llawn posibiliadau, a bydd hynny oll yn dechrau yn ystod dy amser yma ym Mhrifysgol Bangor.

Wrth astudio Ysgrifennu Creadigol ym Mangor, mi fyddi’n ymuno â chymuned fywiog a chefnogol lle gall dy greadigrwydd ffynnu. Rydym drydydd yn y Deyrnas Unedig o ran Profiad Myfyrwyr o fewn Ysgrifennu Creadigol (The Times & Sunday Times Good University Guide, 2026), ac rydym yn cynnig amgylchedd lle byddi’n cael dy werthfawrogi a dy ysbrydoli. Mae lleoliad Bangor - rhwng y mynyddoedd a'r môr - yn unigryw ac yn ysbrydoledig, ac mae'r amgylchedd hwn wedi ysbrydoli cenedlaethau o awduron. 

Bydd digon o gyfleoedd i ti ymgolli mewn ysgrifennu a darllen, yn ogystal â mwynhau ymweliadau â'r theatr, teithiau maes, a sgyrsiau gan awduron sy'n ymweld. Cei fynychu seminarau ymchwil, archwilio casgliadau ac archifau arbennig Prifysgol Bangor, a chymryd rhan mewn cymdeithasau myfyrwyr a grwpiau darllen bywiog, neu hyd yn oed gyflwyno dy waith ysgrifennu dy hun mewn nosweithiau meic agored neu mewn cyhoeddiadau myfyrwyr.

Ym Mhrifysgol Bangor, mi fyddi’n cael dy addysgu gan awduron ac ymchwilwyr sydd gyda’r gorau yn y byd ac sy’n angerddol am eu pwnc, ac am dy helpu i lwyddo. Rydym yn falch o gael ein rhestru 1af yn y Deyrnas Unedig am ansawdd addysgu mewn Ysgrifennu Creadigol (Arolwg Cenedlaethol Myfyrwyr 2025), felly mi fedri fod yn hyderus dy fod yn dysgu gan y gorau. O'r diwrnod cyntaf, bydd y darlithwyr a’r tiwtoriaid yn cymryd yr amser i ddod i dy adnabod di a dy waith, gan gynnig arweiniad ac anogaeth broffesiynol drwy gydol dy radd.

Nid wyneb mewn darlith fawr yn unig fyddi di - rydym yn adnabod ein holl fyfyrwyr yn ôl eu henwau. Mi fyddi’n dysgu mewn grwpiau seminar bach, yn cymryd rhan mewn gweithdai rhyngweithiol, ac yn derbyn goruchwyliaeth un-i-un ar dy brojectau. Mae sesiynau galw heibio rheolaidd yn golygu bod cefnogaeth wrth law bob amser. Mae'r dull personol hwn yn sicrhau dy fod yn cael y sylw a'r adborth sydd ei angen arnat i dyfu fel awdur ac i gyflawni dy nodau.