Graddau Iaith Saesneg Israddedig

Mynd i’r afael â tharddiad, strwythur ac esblygiad iaith/ieithoedd. Mi fyddi’n archwilio sut mae ieithoedd yn datblygu, yn newid ac yn amrywio rhwng pobl, cymunedau a diwylliannau ledled y byd.

Drwy gydol dy radd, mi fyddi’n meithrin sgiliau dadansoddi, ymchwil a meddwl beirniadol cryf. Mi fyddi’n dysgu sut i drin data, rheoli projectau a gweithio'n annibynnol yn ogystal ag ar y cyd, a fydd yn rhoi mantais gystadleuol i ti yn y farchnad swyddi bresennol.

Mi fyddi’n cael dy addysgu gan ddarlithwyr sy'n arbenigwyr yn eu maes ac sydd â mynediad at bedwar labordy ymchwil o’r radd flaenaf sydd wedi’u cyfarparu â thechnoleg tracio’r llygaid, technoleg ERP, offer recordio sain proffesiynol, systemau cipio symudiad a chorpora ieithyddol, yn dibynnu ar dy ddiddordebau a dy brojectau.

Bydd dy broject yn y drydedd flwyddyn yn rhoi cyfle i ti archwilio pwnc rwyt yn angerddol amdano. Mae'n ffordd ddelfrydol o wella dy arbenigedd, arddangos dy gryfderau a rhoi hwb i dy gyflogadwyedd wrth i ti baratoi at fywyd ar ôl graddio.

Mae ein dosbarthiadau llai, staff cefnogol a chymuned groesawgar yn creu profiad dysgu personol sy'n rhoi llawer o foddhad. Fe wnaethom dderbyn sgôr Bodlonrwydd o 100% o ran Ansawdd Addysgu yn Saesneg Iaith (NSS 2025). Rydym hefyd 4ydd yn y Deyrnas Unedig am Asesu ac Adborth mewn Ieithyddiaeth (NSS 2025), sy’n tynnu sylw at y gefnogaeth eithriadol y mae ein myfyrwyr yn ei derbyn. Gan fod Prifysgol Bangor wedi'i lleoli yn rhanbarth mwyaf dwyieithog y Deyrnas Unedig, mi fyddi’n dysgu mewn cymuned lle mae ieithoedd yn ffynnu ochr yn ochr â’i gilydd, sy’n cynnig lle unigryw ac ysbrydoledig i astudio.