Cadwraeth

Ynglŷn â Cadwraeth

Mae cadwraeth yn canolbwyntio ar ddefnydd cynaliadwy o gefn gwlad, yn cynnwys cynefinoedd, bywyd gwyllt, tirweddau a'r ffactorau naturiol a dynol sy'n dylanwadu arnynt.

Mae cadwraeth ym Mangor yn ymdrin â holl ystod y ddisgyblaeth, o ecoleg rhywogaethau sydd dan fygythiad, i elfennau sefydliadol ac economaidd cadwraeth. Rydym yn gweithio ar draws y byd: o fforestydd Madagascar i safanau Affrica, o fynyddoedd Eryri i goetiroedd cynoesol Gwlad Pwyl. Rydym yn gweithio gydag amrywiaeth fawr o dacsonau, o ysglyfaethwyr mawr i rywogaethau palmwydd sy'n bwysig yn economaidd. Mae gennym ddiddordeb mewn atebion ar sail tystiolaeth i'r bygythiadau amrywiol y mae ecosystemau ledled y byd yn eu hwynebu.

Mae gwarchod bioamrywiaeth ac osgoi difodiant rhywogaethau o ganlyniad i ymyrraeth ddynol yn un o'r heriau mwyaf sy'n ein hwynebu. Mae gwyddonwyr cadwriaethol yn defnyddio eu sgiliau a'u gwybodaeth wyddonol i fynd i'r afael â'r materion hyn trwy archwilio dulliau newydd o warchod y byd naturiol.

Rydym yn rhoi dealltwriaeth eang a chytbwys i fyfyrwyr o’r wyddoniaeth sylfaenol sy’n sail i gadwraeth a defnyddio tir. Rydym yn ymdrin â materion sy’n ymwneud â defnydd cynaliadwy o gefn gwlad. Rydym hefyd yn edrych ar sut y gellir rheoli gweithgareddau economaidd, megis ffermio a choedwigaeth mewn modd sy’n dderbyniol o safbwynt yr amgylchedd, a’r modd y gellir cynnwys mwynhad pobl o gefn gwlad o fewn dull integredig o ddefnyddio tir.

Pam Astudio Cadwraeth?

Mae gennym gysylltiadau ymchwil cryf â llawer o sefydliadau cadwraeth yn lleol, yn genedlaethol ac yn rhyngwladol e.e. Cyfoeth Naturiol Cymru, Asiantaeth yr Amgylchedd, y Gymdeithas Frenhinol er Gwarchod Adar (RSPB), Coed Cymru, ffermwyr lleol a diwydiannau bwyd.

4ydd yn y Deyrnas Unedig am Amaethyddiaeth, Coedwigaeth a Bwyd yn nhablau cynghrair y Guardian 2020
Yn y 10 uchaf am Amaethyddiaeth a Choedwigaeth yn nhablau cynghrair y Complete University Guide 2020
90% am foddhad myfyrwyr yn Arolwg Cenedlaethol Myfyrwyr 2017
Gwobr Aur am Ansawdd Addysgu yn y Fframwaith Rhagoriaeth Addysgu (TEF 2017)
Ymchwil arloesol ac addysgu arobryn.

Caiff llawer o'n graddau eu hachredu gan Sefydliad Gwyddorau'r Amgylchedd.

Cyfleoedd Gyrfa o fewn Cadwraeth

Mae graddedigion cadwraeth yn awr yn gweithio gydag asiantaethau cadwraeth, cyrff anllywodraethol a sefydliadau'r llywodraeth a gyda sefydliadau academaidd yn yr UE a thramor.

Prif Adeilad y Celfyddydau, Prifysgol Bangor

students waiting to go in to a lecture in the Pontio building

Ein Hymchwil o fewn Cadwraeth

Ymchwil yw'r prif gyfraniad a wnawn at warchod bioamrywiaeth y byd. Mae'n darparu atebion i broblemau damcaniaethol a chymhwysol sylfaenol ym maes bioleg cadwraeth ac yn gosod cyfeiriad ar gyfer ein haddysgu.

Rydym yn cydweithio â phobl o bob cwr o'r byd, gan gynnwys arbenigwyr academaidd a rheolwyr cadwraeth, i sicrhau bod modd defnyddio ein hymchwil yn y byd go iawn, a sicrhau ein bod yn datblygu agweddau damcaniaethol ar fioleg cadwraeth.

Mae ein hymchwil wedi'i rannu'n themâu: tystiolaeth amgylcheddol a chadwraeth gymdeithasol, mae gennym ddiddordeb hefyd mewn dulliau i liniaru prosesau bygythiol ac mewn cadwraeth planhigion ac anifeiliaid. Mae themâu ein hymchwil yn tueddu i fod yn amlddisgyblaethol iawn - ac yn manteisio ar arbenigedd ein tîm amrywiol.