Gwirfoddolwr yn cymryd rhan mewn arbrawf ar weithgaredd yr ymennydd

Seicoleg

MAES PWNC ÔL-RADDEDIG TRWY YMCHWIL

Pam Astudio Seicoleg?

Nod ein hymchwil yn yr Ysgol Seicoleg yw hyrwyddo gwyddor sylfaenol a chymhwysol. Rydym eisiau deall y cysylltiadau sylfaenol rhwng yr ymennydd ac ymddygiad, a chyfrannu’n uniongyrchol at iechyd a lles y gymuned.

Ar lefel ymchwil ôl-radd gallwch astudio gradd Meistr trwy Ymchwil (Mhres) neu Ddoethur mewn Athroniaeth (PhD). Nod gradd PhD yw darparu sylfaen gref i chi mewn meysydd ymchwil arbenigol iawn. Trwy astudio yn Ysgol Seicoleg Bangor byddwch yn rhan o gymuned PhD o dros 50 o ymgeiswyr sy'n rhan hanfodol o weithgaredd ymchwil yr Ysgol ac sydd â mynediad at gyfleusterau ymchwil o'r radd flaenaf.

  • Yn yr 20 uchaf am ymchwil o ansawdd uchel - (Complete University Guide 2021)  
  • Yn y 6 uchaf am foddhad myfyrwyr (Arolwg Cenedlaethol Myfyrwyr 2020) 
  • Un o'r adrannau seicoleg mwyaf a mwyaf cosmopolitan yn y Deyrnas Unedig (Ystadegau HESA)
  • Goruchwyliaeth PhD gan arbenigwyr byd-enwog yn eu maes   
  • Roeddem yn un o ddim ond dwy adran seicoleg yn y DU a osodwyd yn yr 20 uchaf am ymchwil yn REF 2014 a hefyd yn y 10 uchaf am foddhad myfyrwyr yn yr un flwyddyn.
  • Mae Seicoleg Bangor yn 50+ oed (ganwyd ym '63), gan ei gosod ymysg yr hynaf yn y DU. 
  • Mae yno lawer o labordai ymchwil arbenigol, yn cynnwys sganiwr MRI 3T, labordai TMS, cyfleusterau EEG a labordy anatomeg ymennydd

Fel ymchwilydd ar ddechrau eich gyrfa gyda ni byddwch hefyd yn cael eich hyfforddi i addysgu fel rhan o'n cwricwlwm datblygiad proffesiynol helaeth a chwarae rhan allweddol yng nghenhadaeth addysgu'r Ysgol. Mae hyn yn rhoi'r sgiliau a'r profiadau angenrheidiol i chi ddilyn gyrfa yn y byd academaidd.

Er bod staff yn gallu goruchwylio myfyrwyr ymchwil mewn sawl maes sy'n ymwneud â Seicoleg, mae gennym arbenigedd gyda'r gorau yn y byd mewn:

  • Canfyddiad
  • Gweithredu
  • Iaith
  • Dwyieithrwydd
  • Datblygu
  • Gwybyddiaeth Gymdeithasol
  • Niwrowyddoniaeth
  • Seicoleg Glinigol ac Iechyd
  • Ymyriadau a Lles
  • Seicoleg Ymddygiad.

Cyfleoedd Gyrfa mewn Seicoleg

Gall graddau ymchwil ôl-radd mewn seicoleg eich arwain at yrfaoedd mewn ystod o wahanol leoliadau sy'n cynnwys sefydliadau elusennol, llywodraeth leol a chenedlaethol ac mewn diwydiant lle mae medrusrwydd ymchwil yn werthfawr. Mae'r hyfforddiant ymchwil a ddarperir gan y rhaglenni hyn yn eich galluogi i gynhyrchu gwybodaeth newydd trwy ymchwil wyddonol yn ogystal ag ennill profiad addysgu gwerthfawr.

Gall graddau ar lefel PhD hefyd eich arwain at yrfaoedd mewn prifysgolion lle mae swyddi academaidd fel rheol yn cyfuno ymchwil ac addysgu. Ym Mangor, rhoddir cyfle i fyfyrwyr ar lefel PhD ddatblygu ac ymarfer sgiliau addysgu a all arwain at Gymrodoriaeth Gyswllt â'r Academi Addysg Uwch.

Prif Adeilad y Celfyddydau, Prifysgol Bangor

Ein Hymchwil o fewn Seicoleg

Mae ein hymchwil yn yr Ysgol Seicoleg yn adlewyrchu dau ddull allweddol. Ein dull allweddol cyntaf yw datblygu ac astudio ymyriadau i hyrwyddo llesiant, o blentyndod cynnar i oedran hŷn. Roedd ymyriad wrth wraidd agenda’r ysgol pan gafodd ei sefydlu fwy na 50 mlynedd yn ôl, ac mae’n parhau i fod yn ganolog i’n hunaniaeth ymchwil heddiw. Ein hail ddull allweddol yw niwrowyddoniaeth wybyddol, lle rydym wedi buddsoddi'n helaeth mewn staff ac adnoddau ymchwil arbenigol, i ymchwilio i ganfyddiad a gweithredu; iaith a datblygiad; a gwybyddiaeth gymdeithasol.

Meysydd pwnc eraill sydd yn berthnasol

Efallai y bydd gennych ddiddordeb yn y meysydd pwnc yma hefyd.

Meysydd pwnc eraill sydd yn berthnasol

Efallai y bydd gennych ddiddordeb yn y meysydd pwnc yma hefyd.