P'un a helpodd Prifysgol Bangor chi i lunio eich taith eich hun neu p’un a ydych wedi gweld y gwahaniaeth y mae wedi ei wneud i eraill, mae gadael rhodd yn eich ewyllys yn cynnal yr etifeddiaeth honno - gan sicrhau bod y cyfleoedd, y darganfyddiadau a'r profiadau rydych chi'n eu gwerthfawrogi yma yn parhau i drawsnewid bywydau am genedlaethau i ddod.

Trwy waith Prifysgol Bangor gyda Kennedy Burchill, gallwch gael mynediad at Wasanaeth Ewyllys Rheoledig sy'n cynnig arweiniad a chefnogaeth glir, gan eich helpu i gymryd y cam hanfodol hwn yn hyderus.

Darllenwch y llyfryn cymynrodd ar-lein

Darllenwch rai o'r straeon a wnaed yn bosibl gan Gymynroddion...

• Gadawodd Mrs Juene Jones (1950, Lladin a Ffrangeg), £2,000 er cof am Juene a David Jones tuag at gronfa caledi ariannol myfyrwyr.
• Gadawodd Miss Nést Morris Jones (1926 Y Clasuron), dros £260,000 i gefnogi rhaglenni Cymraeg ac addysg cyfrwng Cymraeg, er cof am ei thad, Yr Athro Syr John Morris Jones, Athro cyntaf y Gymraeg ym Mhrifysgol Bangor.
• Gadawodd Mr Alan Marsh (1952, Swoleg ac Amaethyddiaeth), £1,000 i gefnogi Undeb Athletau Prifysgol Bangor.
• Gadawodd Mr Barry Paine (1961, Eigioneg), dros £52,000 i Ysgol Gwyddorau’r Eigion i gefnogi myfyrwyr ar y rhaglen lleoliadau haf.
• Gadawodd Mrs Rene Williams (1939, Lladin), £300,000 i “Gronfa Goffa Edwin Williams” er cof am ei gŵr, Mr Edwin Williams, i ddarparu ysgoloriaethau i fyfyrwyr Drama/Drama Gymraeg.
• Gadawodd yr Athro Tim Miles, cyn aelod o staff Prifysgol Bangor, dros £54,000 i gefnogi ymchwil i anhwylderau datblygiadol sy'n cyd-ddigwydd, yn cynnwys dyslecsia. Cyllidodd hyn PhD 2 flynedd mewn Seicoleg.
• Gadawodd Mrs Gwladys (Gail) Rees, cyn aelod o staff Coleg Normal Bangor, £10,000 er cof am ei gwr, Mr Edward Rees, cyn Brifathro’r Coleg Normal ac Is-lywydd y Brifysgol.
• Gadawodd Hannah Mary Michael, cyfaill i Brifysgol Bangor,  £140,000 i astudiaethau canser yn Sefydliad Cronfa North West Cancer Research Bangor.
• Gadawodd Syr Kyffin Williams RA, cyfaill i’r Brifysgol, rodd sylweddol yn cynnwys gweithiau celf pwysig, llyfrau a dodrefn.
• Gadawodd Mrs Rosamund P Bourke, cyfaill i Brifysgol Bangor, £10,000 tuag at weithgareddau ymchwil ac allgymorth parhaus y rhwydwaith/canolfan Astudiaethau Crefyddol 
• Gadawodd Ms Gwladys Richardson, cyfaill i Brifysgol Bangor, £38,000 i “Wobr Goffa Mr a Mrs David Edward” er cof am ei rhieni, i helpu unrhyw fyfyrwyr sy’n dymuno gwneud ymchwil ôl-radd.