Campws Wrecsam

Mae astudio ar Gampws Wrecsam fel bod yn rhan o deulu. Mae wedi'i neilltuo i bynciau Gwyddorau Iechyd ac rydym yn cynnal ein cwrs BSc Radiograffeg yma.

Mae gan ein campws Gwyddorau Iechyd Wrecsam lyfrgell benodol gyda staff pwnc-benodol cynorthwyol ar y safle. Mae ein myfyrwyr yn cael y cyfle i gysylltu â’r holl staff academaidd ar y campws llai hwn sydd â chymhareb myfyriwr i staff ardderchog.

Mae radiograffeg yn un o'r proffesiynau sy'n gysylltiedig â meddygaeth. Mae radiograffeg ddiagnostig yn gymorth amhrisiadwy wrth wneud diagnosis o glefyd ac mae labordy dynodedig hefyd yn gyfarpar i ymarfer gyda'r amrywiaeth o ddelweddu ac adrodd.

Labordy Sgiliau

Mae gennym hefyd labordy sgiliau llawn offer ac mae dysgu yn cynnwys:

  • Mae swît pelydr-x digidol yn caniatáu i amrywiaeth o sgiliau clinigol gael eu haddysgu i fyfyrwyr mewn amgylchedd efelychiadol sy'n helpu i'ch paratoi ar gyfer lleoliadau clinigol.
  • Mynediad i efelychiad bwrdd gwaith ar gyfer radiograffeg taflunio, CT, a ffiseg radiograffeg y byddwch yn gallu cael mynediad iddynt ar y campws a thrwy fynediad o bell i gyfrifiaduron y Brifysgol.
  • Offer rhith-realiti trochi – Bangor yw'r Brifysgol 1af yn y wlad i gael y feddalwedd hon ar gael i fyfyrwyr a fydd yn eich galluogi i archwilio rhith-gleifion yn ddiogel.

Lleoliadau

Mae lleoliadau ar gyfer myfyrwyr Radiograffeg yn digwydd yng Ngogledd Cymru ac yn yr Ymddiriedolaethau GIG cyfagos. Mae'r rhain yn agweddau hanfodol ar y profiad dysgu, gan adeiladu ar wybodaeth ddamcaniaethol a'i chymhwysiad mewn sefyllfaoedd bywyd go iawn. Mae'r profiad hwn yn arfogi myfyrwyr i ddechrau yn y proffesiwn gyda sgiliau Radiograffeg priodol, ac yn barod i gyfrannu eu harbenigedd mewn amrywiaeth o leoliadau clinigol.

Cyrsiau ar gael ar Gampws Wrecsam

  • Radiograffeg Ddiagnostig BSc (Anrh) (3 blynedd)

Derbynnir ceisiadau trwy gydol y flwyddyn. Mae lleoedd ar y cwrs BSc Radiograffeg yn llenwi'n gyflym ac fe'ch anogir i wneud cais cyn gynted â phosibl.

Wrecsam ac ardaloedd cyfagos

Gellwch gerdded i ganol tref Wrecsam o Gampws Wrecsam Bangor mewn deng munud, ac mae'n ddewis delfrydol i fyfyrwyr sy'n dymuno profi'r gorau o fywyd modern mewn tref groesawgar, gyda sawl parc, oriel ac amgueddfa. O fewn ugain munud o deithio gallwch golli'ch hun ym mryniau Cymru, cael eich swyno gan yr olion Rhufeinig yng Nghaer neu weld y gorffennol hanesyddol cyfoethog ym Mwrdeistref Sirol Wrecsam.

Gallwch ddarganfod mwy am Wrecsam, tref fwyaf Gogledd Ddwyrain Cymru ar y safleoedd defnyddiol hyn:

This is Wrexham
Croeso Cymru - Wrecsam
Croeso i Wrecsam

Llety Myfyrwyr yn Wrecsam

Mae llawer o fyfyrwyr sy'n mynychu campws Wrecsam yn byw o fewn pellter teithio, ond i'r rheini o ymhellach i ffwrdd, neu sy'n dymuno byw mewn neuaddau myfyrwyr, mae gan y brifysgol nifer o ystafelloedd yn Neuadd yr Wyddfa yn Wrecsam.  Gellwch gerdded i ganol y dref o’r llety mewn 2 funud, ac o brif adeiladau'r brifysgol mewn 10 munud.

Dilynwch y cysylltiadau isod am ragor o wybodaeth:

Myfyrwyr Radiograffeg (Dim ond o Gampws Wrecsam y mae'r cwrs yn cael ei redeg)

Myfyrwyr Nyrsio (Dim ond o Gampws Wrecsam y mae Nyrsio Plant yn cael ei redeg, gall llwybrau eraill gynnig hyblygrwydd o ran ble rydych chi'n astudio)

Cyrraedd Campws Wrecsam

Mae Wrecsam yng ngogledd ddwyrain Cymru, 70 milltir o Fangor, ac felly mae o fewn cyrraedd rhwydd i arfordir gogledd Cymru a golygfeydd godidog Eryri. Dim ond 13 milltir sydd rhwng Wrecsam a dinas Caer, gyda dinasoedd mawr Lerpwl a Manceinion o fewn cyrraedd rhwydd mewn car neu ar drên. Mae hyn yn ei roi o fewn pellter teithio hawdd i rannau helaeth o ogledd orllewin Lloegr a Chanolbarth Lloegr yn ogystal â gogledd ddwyrain Cymru. Mae campws Wrecsam wrth ochr Ysbyty Maelor ar Barc Technoleg Wrecsam.

Map Lleoliad

Cyfeiriad

Ysgol Gwyddorau Iechyd
Prifysgol Bangor
Canolfan Archimedes,
Parc Technoleg Wrecsam,
Ffordd Croesnewydd,
Wrecsam, LL13 7YP

Y cyrsiau sydd ar gael yng Nghanolfan Wrecsam

Teithio i Wrecsam

Gellir cyrraedd Wrecsam ar hyd yr A483 o’r A5 a’r M54 o’r De ac ar hyd yr M53 a’r M56 o’r Gogledd. Mae’r traffyrdd hyn wedyn yn arwain at yr M62, sef y brif ffordd rhwng y Dwyrain a’r Gorllewin a’r M6, y brif ffordd rhwng y Gogledd a’r De. Mae safle Wrecsam ar ymylon rhanbarth gweithgynhyrchu Gogledd Orllewinol y Deyrnas Unedig yn golygu bod amseroedd gyrru i ganolfannau masnachol mawr yn syndod o fyr. Chwarter awr yw’r daith mewn car o Wrecsam i Gaer.

Ar y tren

Mae dwy orsaf reilffordd yn Wrecsam gyda chysylltiadau uniongyrchol â’r rhwydwaith rheilffyrdd cenedlaethol. 3 awr ac 11 munud gymer y daith o Wrecsam i Lundain drwy Crewe, ac o Gaer gerllaw gellir cyrraedd Llundain mewn 2 awr a 40 munud.

Yr Ysgol

Ysgol Gwyddorau Iechyd
Prifysgol Bangor
Campws Wrecsam
Parc Technoleg Wrecsam,
Ffordd Croesnewydd,
Wrecsam, LL13 7YP

Ffôn: 01248 383134

E-bost: health@bangor.ac.uk