Adnoddau Dysgu Ar-lein
Croeso i’n tudalen adnoddau dysgu ar-lein! Rydym yn falch iawn o gynnig cyrsiau iaith Tsieinëeg ar Zoom yn ogystal â dosbarthiadau fideo am y diwylliant Tsieineaidd. I gael mwy o fanylion a chofrestru, dilynwch y cysylltiadau isod.
Cyrsiau iaith Tsieinëeg ar-lein
HSK 1 – Dechreuwyr
Mae Sefydliad Confucius Prifysgol Bangor yn cynnig cwrs Mandarin AR-LEIN AM DDIM i ddechreuwyr trwy Zoom. Bydd y cwrs hwn ar gael mewn 2 uned x 10 wythnos (un awr yr wythnos); rhan A a rhan B, i’r rhai hynny sy’n dymuno dilyn hanner y cwrs yn unig.
HSK 1 Rhan A
Sesiynau: Bob Mawrth 6.30–7.30pm
Dyddiad Dechrau: 5 Hydref
Dyddiad Gorffen: 7 Rhagfyr
Rhagofynion: Dim
Ffioedd: AM DDIM
HSK 1 Rhan B
Sesiynau: Bob Mawrth 6.30–7.30pm
Dyddiad Dechrau: 18 Ionawr
Dyddiad Gorffen: 22 Mawrth
Rhagofynion: HSK 1 Rhan A
Ffioedd: AM DDIM
Bydd cwrs adolygu dwys ym mis Mai-Mehefin yn dilyn y cwrs hwn, i baratoi myfyrwyr at sefyll yr arholiad HSK os ydynt yn dewis gwneud hynny.
Disgrifiad o’r cwrs: Mae hwn yn gwrs Mandarin sy’n addas i ddechreuwyr sy’n awyddus i ddatblygu sgiliau sgwrsio hanfodol bob dydd ac ymgyfarwyddo â llythrennau Tsieineaidd sylfaenol. Bydd ein Tiwtor yn canolbwyntio ar sgiliau siarad a gwrando a bydd yn helpu myfyrwyr i ddysgu sut i adnabod llythrennau Tsieineaidd sylfaenol. Mae’r cwrs yn cynnwys cyfarchion; rhifau; cyflwyniadau; cenhedloedd y byd; proffesiynau; amserlenni dyddiol ac amserlenni gwaith; hoffterau ac anhoffterau; archebu bwyd a diod syml; teulu; tywydd a thymhorau; siopa; dulliau o drafnidiaeth, ac ati.
Disgwyliwn i fyfyrwyr fod yn barod i sefyll Arholiad HSK 1 erbyn diwedd y cwrs hwn.
Rydym yn argymell bod myfyrwyr yn gwneud o leiaf 2 awr o astudio annibynnol bob wythnos i sicrhau eu bod yn gallu dilyn cyflymder y cwrs.
Deilliannau dysgu: Disgwylir i fyfyrwyr ymgyfarwyddo â 178 o lythrennau a sefydlu geirfa o 150 o eiriau Tsieineaidd a ddefnyddir mewn cyd-destunau bob dydd.
Deunyddiau dysgu: Mae’r holl ddeunyddiau addysgu yn cael eu datblygu gan ein hathrawon gan ddefnyddio llyfr HSK 1 a ffynonellau ychwanegol. Darperir yr holl ddeunyddiau dysgu yn ystod y cwrs.
Lleoliad ar-lein: Ar ôl i chi lenwi’r ffurflen gofrestru (isod) bydd tiwtor eich cwrs yn cysylltu â chi gyda chyswllt i gyfarfod Zoom eich gwers. Bydd rhaid i chi gofrestru gyda Zoom i gael cyfrif am ddim.
HSK 2 – Canolradd
Mae Sefydliad Confucius Prifysgol Bangor yn cynnig cwrs Mandarin i ôl-ddechreuwyr trwy Zoom. Bydd y cwrs hwn ar gael mewn 2 uned x 10 wythnos; rhan A a rhan B, i’r rhai hynny sy’n dymuno dilyn hanner y cwrs yn unig.
Rhagofynion: Cwrs HSK 1
Ffi: £60.00 pris llawn
HSK 2 Rhan A
Sesiynau: Bob Dydd Gwener 12–1pm
Dyddiad Dechrau: 8 Hydref
Dyddiad Gorffen: 10 Rhagfyr
Ffioedd: £30.00
HSK 2 Rhan B
Sesiynau: Bob Dydd Gwener 12–1pm
Dyddiad Dechrau: 21 Ionawr
Dyddiad Gorffen: 25 Mawrth
Ffioedd: £30.00
Mae’r wythnos gyntaf yn rhad ac am ddim, a gallwch dalu (https://shop.bangor.ac.uk/product-catalogue/sefydliad-confucius-confucius-institute/online-courses) i gofrestru i wneud gweddill y cwrs ar ôl y sesiwn gyntaf.
Bydd cwrs adolygu dwys ym mis Mai-Mehefin yn dilyn y cwrs hwn, i baratoi myfyrwyr at sefyll yr arholiad HSK os ydynt yn dewis gwneud hynny.
Disgrifiad o’r cwrs: Cwrs i ôl-ddechreuwyr yw hwn sy’n canolbwyntio ar ddatblygu sgiliau siarad a gwrando uwch. Bydd ein Tiwtor yn helpu myfyrwyr i ddysgu sut i ysgrifennu ac adnabod llythrennau Tsieineaidd sylfaenol. Mae’r cwrs yn ymdrin â phynciau fel: gofyn am gymorth; siarad am y tywydd a’r hinsawdd; salwch a gweld meddyg; arian a phrisiau; gweithgareddau dyddiol; lliwiau, chwaraeon ac ymarfer corff; siopa, ac ati.
Disgwyliwn i fyfyrwyr fod yn barod i sefyll Arholiad HSK 2 erbyn diwedd y cwrs hwn.
Rydym yn argymell bod myfyrwyr yn gwneud o leiaf 3 awr o astudio annibynnol bob wythnos i sicrhau eu bod yn gallu dilyn cyflymder y cwrs.
Deilliannau dysgu: Disgwylir i fyfyrwyr ymgyfarwyddo â 349 o lythrennau a sefydlu geirfa o 300 o eiriau Tsieineaidd a ddefnyddir mewn cyd-destunau bob dydd.
Deunyddiau dysgu: Mae’r holl ddeunyddiau addysgu yn cael eu datblygu gan ein hathrawon gan ddefnyddio llyfr HSK 2 a ffynonellau ychwanegol. Darperir yr holl ddeunyddiau dysgu yn ystod y cwrs.
Lleoliad ar-lein: Ar ôl i chi lenwi’r ffurflen gofrestru (isod) bydd tiwtor eich cwrs yn cysylltu â chi gyda chyswllt cyfarfod Zoom eich gwers. Bydd rhaid i chi gofrestru gyda Zoom i gael cyfrif am ddim.
HSK 3 – Uwch
Mae Sefydliad Confucius Prifysgol Bangor yn cynnig cwrs Mandarin canolradd (HSK2) trwy Zoom. Bydd y cwrs hwn ar gael mewn 2 uned x 10 wythnos; rhan A a rhan B, i’r rhai hynny sy’n dymuno dilyn hanner y cwrs yn unig.
Rhagofynion: Cwrs HSK 1 ac HSK 2
Ffi: £80.00 pris llawn
HSK 3 Rhan A
Sesiynau: Bob Dydd Iau 6.30–8pm
Dyddiad Dechrau: 7 Hydref
Dyddiad Gorffen: 9 Rhagfyr
Ffioedd: £40.00
HSK 3 Rhan B
Sesiynau: Bob Dydd Iau 6.30–8pm
Dyddiad Dechrau: 20 Ionawr
Dyddiad Gorffen: 24 Mawrth
Ffioedd: £40.00
Mae’r wythnos gyntaf yn rhad ac am ddim, a gallwch dalu (https://shop.bangor.ac.uk/product-catalogue/sefydliad-confucius-confucius-institute/online-courses) i gofrestru i wneud gweddill y cwrs ar ôl y sesiwn gyntaf.
Bydd cwrs adolygu dwys ym mis Mai-Mehefin yn dilyn y cwrs hwn, i baratoi myfyrwyr at sefyll yr arholiad HSK os ydynt yn dewis gwneud hynny.
Disgrifiad o’r cwrs: Cwrs canolradd yw hwn sy’n canolbwyntio ar ddatblygu sgiliau siarad, darllen, gwrando ac ysgrifennu i safon uwch. Mae’r cwrs yn ymdrin â phynciau gyda strwythurau brawddegu uwch, megis: yr holl strwythurau negyddol; mynegi bodolaeth; y weithred cyd-fynd; mynegi diddordeb, ac ati. Mae pedwar maes diwylliannol yn cael eu cyflwyno yn y gwerslyfr ac mae dywediad cyffredin yn cael ei gyflwyno ym mhob modiwl i’ch helpu i ddeall ymadroddion Tsieineaidd.
Disgwyliwn i fyfyrwyr fod yn barod i sefyll Arholiad HSK 3 erbyn diwedd y cwrs hwn.
Rydym yn argymell bod myfyrwyr yn gwneud o leiaf 4 awr o astudio annibynnol bob wythnos i sicrhau eu bod yn gallu dilyn cyflymder y cwrs.
Deilliannau dysgu: Disgwylir i fyfyrwyr ymgyfarwyddo â 623 o lythrennau a sefydlu geirfa o 600 o eiriau Tsieineaidd a ddefnyddir mewn cyd-destunau bob dydd. Cynnal sgyrsiau mwy cymhleth mewn Mandarin.
Deunyddiau dysgu: Mae’r holl ddeunyddiau addysgu yn cael eu datblygu gan ein hathrawon gan ddefnyddio llyfr HSK 3 a ffynonellau ychwanegol. Darperir yr holl ddeunyddiau dysgu yn ystod y cwrs.
Lleoliad ar-lein: Ar ôl i chi lenwi’r ffurflen gofrestru (isod) bydd tiwtor eich cwrs yn cysylltu â chi gyda chyswllt cyfarfod Zoom eich gwers. Bydd rhaid i chi gofrestru gyda Zoom i gael cyfrif am ddim.
Cornel Tsieineaidd
Ymunwch â ni i ymarfer eich sgiliau Tsieineaidd ar-lein trwy Teams mewn lleoliad anffurfiol!
Dechreuwyr/Isel Canolradd
Ionawr 25-Mawrth 29 2022
Dydd Mawrth 6.30yp-7.30yp
Canolradd/Uwch
Ionawr 27-Mawrth 31 2022
Dydd Iau 6.30yp-7.30yp
Anfonir dolenni cyfarfodydd tîm at fynychwyr cofrestredig
Cofrestru yma.
AM DDIM
| 1 | 25/01/2022 | The New Year Is Coming 新年就要到了 |
| 2 | 01/02/2022 | My Best Friend 我最好的朋友 |
| 3 | 08/02/2022 | Birthday Gifts 生日礼物 |
| 4 | 15/02/2022 | A Day In China&Wales 中国人的一天和威尔士人的一天 |
| 5 | 22/02/2022 | A Bite of China 舌尖上的中国 |
| 6 | 01/03/2022 | Topic On One-day Trip 一日游计划 |
| 7 | 08/03/2022 | Let's Date 我们约会吧 |
| 8 | 15/03/2022 | My Favorite Things 我的最爱 |
| 9 | 22/03/2022 | Hachi 忠犬八公 |
| 10 | 29/03/2022 | Square Dancing 广场舞 |
Arholiadau HSK 1 Paratoi ac Adolygu
Bydd y cwrs adolygu hwn yn dysgu popeth sydd angen i chi ei wybod am sefyll y Prawf Hyfedredd Tsieineaidd (Hanyu Shuiping Kaoshi), Arholiad HSK 1 Rhifyn Cartref Ar-lein. Mae'r cwrs hwn hefyd yn gweithredu fel dilyniant gwych i'n cwrs HSK 1 blwyddyn o hyd i Ddechreuwyr.
Arholiadau HSK 1 Cwrs Paratoi/Adolygu
Sesiynau: Bob Mawrth 7.15-8.15pm
Dyddiad Dechrau: 26 Ebrill
Dyddiad Gorffen: 21 Mehefin
Ffioedd: AM DDIM
Dyddiadau Arholiadau HSK Dyddiadau Arholiadau HSK
23 Ebrill, 2022 (Y dyddiad cau ar gyfer cofrestru yw Ebrill 9)
25 Mehefin, 2022 (Y dyddiad cau ar gyfer cofrestru yw Mehefin 11)
Ffioedd i fyfyrwyr: £19.50
Ffioedd i unigolion: £26
Lleoliad ar-lein: Ar ôl i chi lenwi’r ffurflen gofrestru (isod) bydd tiwtor eich cwrs yn cysylltu â chi gyda chyswllt i gyfarfod Zoom eich gwers. Bydd rhaid i chi gofrestru gyda Zoom i gael cyfrif am ddim.
Manylion pellach am Arholiadau HSK: https://www.bangor.ac.uk/confucius-institute/hsk.php.cy
Cyrsiau ar-lein am ddim
Diwylliant Tsieiniaidd
Caligraffeg Tsieineaidd
Fideos Caligraffeg Tsieineaidd
Mae Sefydliad Confucius Prifysgol Bangor yn cynnig rhai fideos ynglŷn â Caligraffeg Tsieineaidd ar YouTube. Dyma gyfle gwych i ddysgu ac ymarfer crefft Tsieineaidd hynafol.
Mwynhewch ein gwersi fideo yma.