Pam Astudio Cymraeg
Adran y Gymraeg yw un o'r rhai hynaf ym Mhrifysgol Bangor, ac ers ei sefydlu yn 1889 bu ei chyfraniad i fywyd llenyddol a diwylliannol Cymru yn gwbl allweddol.
Mae ein graddau anrhydedd yn cynnig llu o brofiadau gwerthfawr os ydych yn dymuno astudio cyrsiau sy’n ymwneud â’r Gymraeg fel pwnc, neu â meysydd theatr, newyddiaduareth neu’r cyfryngau. Gellir cyfuno gwahanol agweddau ar y meysydd hyn os ydych am wneud cyrsiau i ddilyn trywydd academaidd neu gyfuniad o’r academaidd a’r galwedigaethol.
Cewch eich dysgu gan staff sy’n ymchwilio yn gyson, ac yn cyhoeddi llyfrau ac erthyglau. Ymhlith ein staff presennol mae’r Prifeirdd Jason Walford Davies a Gerwyn Wiliams, ac mae Angharad Price a Jerry Hunter ill dau wedi ennill y Fedal Ryddiaith yn ogystal â gwobr Llyfr y Flwyddyn. Yn arwain yr Ysgol, mae Peredur Lynch, y bardd caeth a'r beirniad Eisteddfodol adnabyddus.
Uchaf yn y DU am Foddhad Myfyrwyr (Astudiaethau Celtaidd NSS 2021)
Yn ei faes pwnc, mae Astudiaethau Celtaidd yn y 10 Uchaf yn y DU am Ddwysedd Ymchwil ac Ansawdd Ymchwil (The Complete University Guide 2022)
Yn ei faes pwnc, mae Astudiaethau Celtaidd yn 1af yn y DU ar gyfer Rhagolygon Graddedig – canlyniadau(The Complete University Guide 2022)
Mae Eich Gyrfa'n Dechrau Yma
00:00 [cerddoriaeth]
00:06 Mae'r ffair cyflogadwyedd heddiw mha yn gyfle i fyfyrwyr cael cwrdd gyda llu o wahanol gyflogwyr
00:11 a chael sgwrsio hefo nhw a chael cyfle i rwydweithio i
00:14 gael ffendio allan am y gwahanol gyfleodd
00:16 sydd ar gael ganddyn nhw i wneud profiad gwaith ond hefyd ar gyfer swyddi ar ôl iddyn nhw raddio.
00:21 Mae'n bwysig bod myfyrwyr yn cael cyfleodd fel hyn i siarad hefo cyflogwyr oherwydd
00:25 mae o'n galluogi nhw i ddeall yn well be yn union mae cyflogwyr yn chwilio am mewn graddedigion
00:30 pam maen nhw'n recriwtio ac ymchwilio gwahanol opsiynau hefyd mae lot o
00:35 fyfyrwyr ni ddim wedi penderfynyn be maen nhw isio ei wneud eto felly mae digwyddiad fel hyn yn gyfle iddyn
00:39 nhw gael trio allan lot o opsiynau.
00:42 [cerddoriaeth]
00:44 Mae ffair fel hyn yn holl bwysig i fyfyrwyr oherwydd maen nhw'n cael cyfle i siarad
00:49 gyda chyflogwyr er enghraifft blwyddyn un efallai bod nhw ddim yn barod i ddod o hyd i
00:53 swydd eto ond maen nhw'n cael teimlad o be maen nhw angen neud ar gyfer paratoi,
00:57 pa sgiliau i ddatblygu a hefyd maen nhw'n cael cyfle i rwydweithio gyda chyflogwyr
01:03 lleol sy'n hybu ei hyder nhw.
01:06 [cerddoriaeth]
01:08 Mi rydym ni yn cynnig sesiynau sut i gael y mwyaf allan o ffair gyrfaoedd
01:11 cyn iddyn nhw ddod felly pam maen nhw'n cyrraedd ac yn gweld y cyflogwyr maen
01:17 nhw'n gwybod sut i fynd atyn nhw a sut i siarad, sut i ymddwyn a sut i gael
01:21 y mwyaf allan o’r sesiwn. Mae gennym ni bobol yma i helpu unigolion
01:25 sydd eisiau dechrau busnes ei hunain hefyd.
01:30 [cerddoriaeth]
01:33 Fi fy hun dwi wedi graddio o Brifysgol Bangor yn y 90au oedd hi'n braf cael gofyn i ddod yn ôl yma i
01:40 weld ac i siarad gyda phobol heddiw sydd eisiau mynd yr un ford a nes i ddewis i fynd.
01:46 Dewch yma gofynnwch gwestiynau. Dewch yma, does ddim un cwestiwn yn wrong
01:51 mae llawer un wedi gofyn i mi heddiw be ydych yn chwilio am, just dewch yma a gofyn cwestiynau.
01:56 [cerddoriaeth]
01:59 Ia i drio hybu myfyrwyr i ymgeisio am ein swyddi ni ac i aros yn lleol yn ein cymunedau ni i weithio yn y
2:06 Gymraeg. Rydym yn cynnig wythnos o brofiad gwaith ar hyn o bryd ac rydym yn cynnig swydd rhan amser
02:13 ar gyfer para legal gydag opsiwn i efallai cael training contract yn y dyfodol.
02:18 Mi rydym ni ddwy yn cyn myfyrwyr felly roeddem yn keen i gael Gwen ddod hefo fi i representio'r
02:24 firm a thrio cael mwy o stiwdants sy'n siarad Cymraeg ac eisio aros yn yr ardal i mewn i
02:32 applyio i weithio i Gamlins yn y dyfodol.
02:33 Ar ôl y ffair mae gennym ni cyfleoedd yn mynd ymlaen trwy'r flwyddyn i helpu hybu
02:39 cyflogadwyedd myfyrwyr.
02:42 [cerddoriaeth]
00:00 [cerddoriaeth]
00:06 Mae hi wedi bod yn fuddiol ofnadwy cael cyfarfod llwyth o bobol,
00:09 dwi wedi cael llwyth o gynigion i wneud internships dros yr haf ac i wirfoddoli a lot o citizens advice
00:18 a phallu yn mynd ymlaen a llwyth o pethau fatha heddiw sy'n helpu ni.
00:22 Ac mae o yn rhoi syniad i mi be ddwi isio wneud blwyddyn nesaf ac yn y blaen felly.
00:25 Oes, mae yna gymysgedd gwych yn enwedig mae yna lwyth o bobol sydd yn gwneud y gyfraith felly
00:30 mae o'n rhoi opsiynnau i mi. Jyst gwnnech y mwyaf ohoni a dod i bob un, rydych yn siŵr
00:36 o ddysgu rhywbeth newydd yn bob un.
00:38 [cerddoriaeth]
00:41 Ydw, dwi'n meddwl mae o'n agor drysa i bobol, dwi'n meddwl bod yna amrywiaeth
00:46 o gyflogwyr yma ac mae yna agencies yma hefyd sydd gyda connections ar hyd Gwynedd.
00:53 mynd i'r ffair jyst edrychwch ar bwy sy'n mynd, edrych ar y rhestr o enwau efallai
00:58 a meddwl am pwy fydd nhw eisiau mynd tuag at y fwyaf, be sy'n diddori nhw fwyaf, paratoi CV
01:04 a mynd ac ychydig bach hefo nhw.
01:06 [cerddoriaeth]
01:09 Ym Mangor mae o'n ddiwrnod lle gallwn ni cymdeithasu gyda phobol yn y byd busnes
01:16 o wahanol feysydd mewn busnes felly o'r gyfraith i wasanaeth sifil i iechyd felly dwi'n meddwl bod
01:27 hynny'n hwb da i astudio yma felly. Drwy ddod yma i siarad gyda nhw dwi'n gwybod lot mwy rŵan na
01:35 be o ni cwpwl o oriau yn nol. Mae hi'n bwysig bod chi'n dod cyfarfod gyda phobol, cael gwybod be
01:39 sy'n mynd ymlaen ac mae'n ateb llwyth o gwestiynau. Ac mae yna bobol os tydi nhw ddim yma
01:45 ar y pryd mae yna wahanol fatha o gysylltu â nhw hyd yn oed trwy'r brifysgol hyd yn oed.
01:51 [cerddoriaeth]
01:53 Mae o'n wych, mae o'n brofiad da ac mae'n lleol hefyd, cael cwrdd â ffrindiau a phobol newydd
02:00 drwy'r byd sydd yn deimlad cartrefol iawn.
02:04 [cerddoriaeth]
CEFNOGAETH I FYFYRWYR
Lleoliad Bangor
Ein Hymchwil o fewn Cymraeg
Mae gan Adran y Gymraeg arbenigeddau ymchwil yn holl brif feysydd llenyddiaeth Gymraeg. Ymhlith aelodau’r staff mae hefyd rai o lenorion a beirdd amlycaf y Gymru gyfoes megis Dr Angharad Price, Dr Jason Walford Davies, Yr Athro Jerry Hunter a’r Athro Gerwyn Wiliams. Rydym yn cydweithio’n agos ag Ysgolion academaidd eraill yn y Brifysgol, e.e. gyda Hanes a Hanes Cymru ym maes Astudiaethau Celtaidd a chyda Ieithoedd Modern ym meysydd astudiaethau cyfieithu a llenyddiaeth gymharol.
Prif nod ein hymchwil yw gosod llenyddiaeth Gymraeg mewn cyd-destunau deallusol newydd. Ym Mangor, yr amcan o hyd yw astudio llenyddiaeth Gymraeg nid fel gweddillion rhyw orffennol ‘Celtaidd’ ond fel amlygiad o lenyddiaeth hyfyw sy’n perthyn i’r byd modern.
Proffil fideo myfyrwyr - Branwen Roberts
Mae Branwen Roberts sy'n astudio Cymraeg ym Mangor, yn wreiddiol o Bontypridd. Mae hi'n byw yn Neuadd John Morris-Jones. Yma mae hi'n sôn am ei bywyd fel myfyrwraig ym Mangor.
PROFFIL CYN-FYFYRIWR Liam Evans
Mi oedd y dair blynedd wnes i dreulio ym Mhrifysgol Bangor o blith y gorau erioed. Yma ges i gyfle i ddysgu yr hyn oedd gen i wir ddiddordeb ynddo ac ehangu fy sgiliau. Mi oedd y brifysgol yn cynnig bob math o fodiwlau difyr a ges i gyfle i astudio meysydd hollol newydd. Roedd y gefnogaeth gan staff yn wych ac roeddwn yn teimlo eu bod wir yn rhoi y myfyrwyr wrth galon bob dim oedd yn digwydd.
PROFFIL CYN-FYFYRIWR Arddun Rhiannon
Gradd mewn BA Cymraeg
Astudiodd Arddun radd yn y Gymraeg yma ym Mhrifysgol Bangor. Mae hi bellach yn gweithio fel Swyddog Cyfathrebu i Mudiad Meithrin ac yn trafod y profiadau gwych a gafodd wrth astudio ym Mangor.
Efallai y bydd gennych ddiddordeb yn y meysydd pwnc yma hefyd.
Efallai y bydd gennych ddiddordeb yn y meysydd pwnc yma hefyd.
