Llwyddiant Clirio

Mae llawer o fyfyrwyr yn sicrhau lle i astudio ym Mhrifysgol Bangor trwy'r system Glirio bob blwyddyn. 

Un o'r myfyrwyr hynny yw Erin Hughes, a ddaeth i astudio cwrs gradd Astudiaethau Plentyndod ac Ieuenctid. Roedd Erin wedi cychwyn swydd newydd ar ôl newid ei meddwl am fynd i'r Brifysgol, ond mi benderfynodd rhoi cynnig arall iddi drwy gysylltu gyda Phrifysgol Bangor.  

 

Wrth weld fy ffrindiau yn mynd am eu hail blwyddyn, ac eraill yn cael eu derbyn i fynd i'r Brifysgol, penderfynais i roi cynnig arall iddi. Mi ydw i yn falch iawn fy mod wedi gwneud hynny. Mi ydw i wedi llwyddo yn y flwyddyn gyntaf, yn llawer gwell na beth oeddwn yn ei ddisgwyl.