Dewisa’r Cwrs sy’n Addas i Ti
Gyda dewis eang o raddau ar draws y celfyddydau, y dyniaethau, y gwyddorau a mwy, gelli ddilyn dy ddiddordebau a dod o hyd i gwrs sy’n cyd-fynd â dy uchelgeisiau a dy gynlluniau ar gyfer y dyfodol.
5 Rheswm dros astudio ym Mangor
Ychydig iawn o brifysgolion sy'n gallu cystadlu â lleoliad Bangor. Wedi'i hamgylchynu gan fynyddoedd Eryri ac arfordir Gogledd Cymru, mae'n cynnig un o'r profiadau myfyrwyr mwyaf unigryw yn y DU. Yma, mae golygfeydd godigog yn rhan o fywyd bob dydd. Gellir dreulio boreau mewn darlithoedd a nosweithiau ar lwybrau mynyddig, yn ymlacio ar draethau agos neu'n darganfod y trefi, pentrefi a golygfeydd sy'n gwneud Gogledd Cymru mor arbennig.
Ym Mangor, byddi di'n cael dy addysgu gan academyddion sy'n ehangu ffiniau gwybodaeth ac yn gwneud gwahaniaeth gwirioneddol yn eu meysydd. Gyda chyfleusterau unigryw fel ein Gardd Fotaneg, Amgueddfa Hanes Naturiol a chanolfannau ymchwil arbenigol, ynghyd â mynediad at long ymchwil y Brifysgol, cei gyfleoedd i archwilio dy bwnc ymhell tu hwnt i'r ystafell ddarlithio.
Bydd y dull ymarferol yma o ddysgu yn dy helpu i ddatblygu gwybodaeth, hyder a phrofiad gwerthfawr o'r byd go iawn o'r diwrnod cyntaf un.
Mae Bangor yn adnabyddus am ei awyrgylch cyfeillgar a chroesawgar. Mae'n leoliad ble mae myfyrwyr yn ymgartrefu'n gyflym, yn meithrin cyfeillgarwch parhaol ac yn teimlo eu bod yn rhan o gymuned gefnogol drwy gydol eu hamser yn y Brifysgol.
Mae bywyd myfyrwyr ym Mangor yn ymestyn ymhell tu hwnt i'r ystafell ddarlithio. Gyda dros 60 o glybiau chwaraeon, amrywiaeth eang o gymdeithasau a chyfleoedd i wirfoddoli, arwain a chynrychioli eich gyd-fyfyrwyr. Mae digon o gyfleoedd i ddatblygu dy diddordebau a chwrdd â phobl newydd. Os wyt yn parhau â diddordeb sydd gennat yn barod neu'n rhoi cynnig ar rywbeth newydd am y tro cyntaf, bydd cymuned yma sy'n barod i dy groesawu.
Mae gradd ym Mangor wedi'i ddylunio i dy helpu i wneud y mwyaf o bob cyfle. Os wyt am ennill profiad proffesiynol, ehangu dy orwelion drwy astudio dramor neu datblygu'r sgiliau y mae cyflogwyr yn chwilio amdanynt, mae digon o gyfleoedd i feithrin dy hyder ac ychwanegu at brofiadau yn ystod dy gyfnod yn y Brifysgol.
Byddi di'n elwa o:
- Cyngor a chefnogaeth gyrfaoedd drwy gydol dy radd
- Cyfleoedd am leoliadau gwaith, interniaethau a phrofiad ymarferol
- Cyfleoedd i astudio dramor a chymryd rhan mewn rhaglenni cyfnewid rhyngwladol
- Cystadlaethau menter a chefnogaeth i'r rhai sydd â diddordeb mewn dechrau eu busnes eu Hunain
Mae Bangor yn cynnig profiad myfyrwyr mwy fforddiadwy na lawer o ddinasoedd prifysgol mwy, gyda ystod o gymorth a chefnogaeth ar gael i helpu i wneud y mwyaf o dy arian. O fwrsariaethau ac ysgoloriaethau i gyngor ariannol a mentrau sy'n helpu i leihau costau, mae cymorth wrth law pan fydd ei angen.
Byddi di hefyd yn sicr o gael ystafell yn ein llety sydd wedi ennill gwobrau. Wedi'u leoli o fewn pellter cerdded i adeiladau dysgu, mannau cymdeithasol a chyfleusterau'r campws, mae pentrefi myfyrwyr Santes Fair a Ffriddoedd yn ei gwneud hi'n hawdd ymgartrefu a theimlo'n rhan o fywyd prifysgol.
Ymuna â ni ar Ddiwrnod Agored
Dyma beth i'w ddisgwyl yn un o'n Diwrnodau Agored:
- Cwrdd â'r academyddion sy'n llunio dyfodol dy bwnc
- Gweld dysgu ymarferol, byd go iawn ar waith
- Mwynhau ein tirwedd eiconig
- Taith o amgylch ein llety
Sgwrsio â staff a myfyrwyr a chael teimlad go iawn o fywyd ym Mangor
Sut i Wneud Cais
Mae gwneud cais i Fangor yn syml. Cyflwyna dy gais drwy UCAS gan ddefnyddio cod y sefydliad B06.
Cwblha dy gais cyn gynted ag y gelli. Rydym yn dechrau adolygu ceisiadau a gwneud cynigion ar unwaith, felly mae’n well gwneud cais yn gynnar.
Ar gyfer mynediad 2027:
- Y dyddiad cau UCAS ar gyfer meddygaeth: 15 Hydref 2026
- Y dyddiad cau UCAS cychwynnol ar gyfer holl gyrsiau eraill: 13 Ionawr 2027
Rydym yn dal i groesawu ceisiadau ar ôl y dyddiadau hyn. Yn ystod 14 Ionawr i 30 Mehefin, bydd UCAS yn parhau i anfon ceisiadau i brifysgolion lle mae lleoedd ar gael.
Dy ddatganiad personol yw dy gyfle i ddweud wrthym pam rwyt mor frwdfrydig am dy bwnc. Byddi di’n cael hyd at 4,000 o lythrenau i egluro dy ddiddordeb, dy brofiad a’r hyn sy’n dy ysgogi. Gan fod yr un datganiad yn mynd at bob un o’r pum dewis cwrs, mae’n bwysig sicrhau fod y cyrsiau’n debyg ag i beidio nodi prifysgolion penodol.
Rydym wedi ymrwymo i ehangu mynediad a chroesawu myfyrwyr o gefndiroedd amrywiol. Defnyddiwn nifer o dangosyddion i adnabod ymgeiswyr a allai wynebu rhwystrau i Addysg Uwch, ac rydym yn cynnig cymorth ychwanegol lle bo’n briodol.
Gwneir holl geisiadau israddedig drwy UCAS. Gelli ddewis hyd at bum cwrs, ac UCAS fydd yn anfon dy gais i bob prifysgol a ddewisir.
Cod UCAS Prifysgol Bangor yw B06.
Trawsgrifiad fideo: Dy Ddyfodol Ar Waith
Testun: DYMA
Disgrifiad Gweledol: Clip fideo drôn ysgubol wedi'i saethu dros Afon Menai, gyda Phorthaethwy i'r dde a Bangor i'r chwith. Mae Pont Menai yn sefyll yn y canol o dan awyr glir.
Testun: BRIFYSGOL
Disgrifiad Gweledol: Mae myfyriwr yn darllen ar fainc o flaen adeilad Hen Goleg Prifysgol Bangor ar ddiwrnod heulog, braf.
Testun: BANGOR
Disgrifiad Gweledol: Prif Adeilad y Celfyddydau Prifysgol Bangor, wedi'i fframio gan goed yng nghanol y ddinas ar ddiwrnod braf.
Testun: Lle mae uchelgais a pherthyn yn cyfarfod
Disgrifiad Gweledol: Myfyriwr yn sefyll y tu allan i adeilad Cerddoriaeth y brifysgol, yn edrych yn uniongyrchol i'r camera ac yn siarad â'r gwyliwr.
Testun: Mae Bangor wedi ei amgylchynu gan harddwch syfrdanol
Disgrifiad Gweledol: Triawd o fideos drôn o Eryri wedi’u cyflwyno mewn arddull taflunydd ffilm retro, yn dangos Llyn Padarn yn Llanberis, Yr Wyddfa, a chopa’r Wyddfa.
Testun: Ni allwch helpu ond cael eich ysbrydoli
Disgrifiad Gweledol: Myfyriwr yn cerdded heibio'r murlun lliwgar y tu allan i Pontio, gan edrych yn syth i'r camera a siarad â'r gwyliwr.
Testun: O leoedd tawel
Disgrifiad Gweledol: Dilyniant o bum llun:
– Chwe myfyriwr yn ymarfer ioga yng Ngardd Fotaneg Treborth.
– Myfyriwr yn astudio coeden yng Ngardd Fotaneg Treborth.
– Pedwar myfyriwr yn cymdeithasu ac ymlacio wrth Bont Menai.
– Myfyriwr yn padlfyrddio ar Lyn Padarn.
– Grŵp o bedwar myfyriwr yn tynnu hunlun ar draeth Aberffraw.
Testun: I leoedd anturus
Disgrifiad Gweledol: Fideo o’r Gymdeithas Beicio Mynydd yn beicio ar drac Braichmelyn, gyda dau ohonynt yn reidio dros ramp.
Testun: Dwi'm jest yn astudio mewn lle hardd, dwi'n dysgu ganddo
Disgrifiad Gweledol: Mae myfyriwr yn cerdded drwy Lyfrgell Shankland, yn dal llyfr melyn ac yn edmygu'r ystafell. Mae'n oedi wrth ffenestr, gan edrych ar olygfa ddinas Bangor, a gyflwynir mewn arddull taflunydd ffilm retro
Testun: Mae dysgu yma yn fwy na mynd i ddarlithoedd, yn fwy na darllen llyfrau
Disgrifiad Gweledol: Mae'r un myfyriwr yn eistedd yn Llyfrgell Shankland, yn edrych yn uniongyrchol i'r camera ac yn siarad â'r gwyliwr. Mae'n gorffen trwy orchuddio lens y camera yn chwareus â'i llyfr.
Testun: Mae'n ymarferol, mae'n fyw;
Disgrifiad Gweledol: Mae myfyrwraig yn codi het galed i ffwrdd o'r camera ac yn ei rhoi ar ei phen. Mae hi'n cerdded ar hyd y bont i fynd ar long ymchwil y brifysgol, y Prince Madog, ac yn edrych yn syth i'r camera.
Testun: Mae’n seiliedig ar y syniadau diweddaraf
Disgrifiad Gweledol: Dilyniant o dri fideo:
– Clip fideo drôn o'r Prince Madog yn teithio tuag at Bont Menai ar Afon Menai.
– Trafodaeth rhwng tri myfyriwr a dau aelod o staff academaidd ar y llong.
– Clip o academydd yn cymryd rhan mewn trafodaeth fywiog gyda myfyriwr.
Testun: Mae'n cael ei arwain gan bobl efo breuddwydion mawr;
Disgrifiad Gweledol: Mae pedwar myfyriwr ac aelod o staff academaidd yn hyfforddi yn yr ystafell sgiliau clinigol yn Fron Heulog. Mae myfyriwr arall yn tynnu gwaed o fannequin yn adeilad Brigantia.
Testun: Academyddion sy'n trawsnewid diwydiannau gyda'u darganfyddiadau
Disgrifiad Gweledol:
Dilyniant o ddeg llun:
– Athro a dau fyfyriwr yn samplu morfeydd heli yng Nghanolfan Henfaes, gydag Ynys Seiriol yn y cefndir.
– Llun agos o’r un athro yn samplu.
– Dau fyfyriwr yn dadansoddi canfyddiadau mewn labordy.
– Llun agos o fyfyriwr yn defnyddio bwrdd anatomeg.
– Llun uwchben o’r un myfyrwyr yn defnyddio’r bwrdd.
– Myfyrwyr nyrsio yn defnyddio rhithrealiti yn ystod hyfforddiant.
– Myfyriwr yn archwilio sbesimen.
– Myfyriwr yn y labordy ERP yn gwisgo cap monitro.
– Athro a myfyriwr yn dal model o’r ymennydd dynol mewn labordy.
Testun: Yn mynd i’r afael â heriau
Disgrifiad Gweledol: Mae myfyriwr cyfraith mewn wig a gŵn bargyfreithiwr yn cymryd rhan mewn sesiwn yn Ffug Lys y brifysgol.
Testun: Yn newid y byd
Disgrifiad Gweledol: ‘Time-lapse’ o aelod o staff academaidd a dau fyfyriwr yn defnyddio'r sganiwr delweddu yn Uned Delweddu Bangor.
Testun: Mewn dosbarthiadau sy'n ddigon bach i deimlo bod fy llais yn cael ei glywed
Disgrifiad Gweledol: Myfyriwr yn cymryd rhan mewn seminar busnes yn y Co-Lab yn Pontio, yn edrych yn uniongyrchol i'r camera ac yn siarad â'r gwyliwr. Yna mae pedair delwedd llonydd yn dangos myfyrwyr a staff academaidd mewn trafodaeth fywiog.
Testun: Mewn sgyrsiau sy'n sbarduno syniadau
Disgrifiad Gweledol: Dau fideo o academydd yn rhyngweithio â myfyrwyr yn Derfynell Bloomberg y brifysgol.
Testun: A chreu cysylltiadau sy'n agor drysau.
Disgrifiad Gweledol: Dilyniant o dri chlip:
– Clip fideo drôn yn agosáu at M-SParc yng Ngaerwen.
– Fideo o un person yn siarad yn ardal gyffredin M-SParc.
– Fideo o'r person arall yn gwrando ac yn ymateb.
Testun: Dyma lle mae fy niddordebau’n cael eu meithrin;
Disgrifiad Gweledol: Tîm pêl-fasged y brifysgol yn chwarae gêm yng Nghanolfan Brailsford, gan orffen gyda ‘slam dunk’.
Testun: Lle rydwi'n troedio llwybr fy hun a dilyn fy mreuddwydion
Disgrifiad Gweledol: Mae myfyriwr yn cerdded i fyny Chwarel Dinorwig yn Llanberis, gan oedi i siarad yn uniongyrchol â'r camera. Yna ddilyniant o dri llun:
– Dau fyfyriwr yn cerdded tuag at Gastell Dolbadarn.
– Yr un myfyrwyr yn archwilio Chwarel Dinorwig gyda'r Wyddfa yn y cefndir.
– Llun agos o'r myfyrwyr yn gwenu ar ei gilydd wrth ymyl Llyn Padarn.
Testun: Yma rwy’n gwneud ffrindiau – y math sy’n para oes
Disgrifiad Gweledol: Grŵp o fyfyrwyr yn rhannu pitsa ac yn cymdeithasu mewn ‘pizzeria’ ym Mangor Uchaf, ac yna dau fyfyriwr yn gwenu ac yn cofleidio y tu allan i Pontio.
Testun: Rydw i’n cael fy nghefnogi, fy annog a’m codi, bob cam o’r ffordd;
Disgrifiad Gweledol: Dilyniant o bedwar clip fideo:
– Mae aelod o staff academaidd yn sgwrsio'n gynnes gyda myfyrwyr yng Nghaffi Cegin Pontio.
– Clip fideo agos o fyfyriwr yn gwenu yn yr un drafodaeth.
– Dau fyfyriwr yn chwerthin gyda'i gilydd ar draeth Aberffraw.
– Myfyrwyr yn cerdded heibio’r murlun lliwgar y tu allan i Pontio, yn gwenu ac yn cael hwyl.
Testun: Mewn cymuned lle rydw i’n perthyn go iawn. Prifysgol Bangor – dyma dy ddyfodol ar waith.
Disgrifiad Gweledol: Montage o'r holl fyfyrwyr sy’n ymddangos yn y fideo yn gwenu ac yn edrych i'r camera.
Testun: Prifysgol Bangor. Dy ddyfodol ar waith.
Disgrifiad Gweledol: Animeiddiad i ddangos bod y fideo wedi dod i ben
