Gwelir yr arloesedd fel catalydd ar gyfer ymchwil, arloesi technoleg a phrofi ac arddangos i gyflymu masnacheiddio’r sectorau tonnau, llanw a gwynt ar y môr trwy leihau cost ynni, gwella effeithlonrwydd a dibynadwyedd, a chefnogi twf cadwyn gyflenwi Cymru.
Mae gan Brifysgol Bangor gryfderau arbennig mewn ymchwil ym maes eigioneg ffisegol yn yr Ysgol Gwyddorau Eigion. Mae ymchwilwyr yn yr Ysgol wedi datblygu galluoedd modelu rhifiadol uwch i nodweddu adnoddau ynni tonnau a llanw, yn ogystal ag effeithiau echdynnu ynni o'r môr. Mae'r Ysgol hefyd wedi gwneud llawer o waith arolygu ar safleoedd ynni morol posibl o amgylch arfordir Cymru.
Bydd Prifysgol Bangor yn ymwneud â dau broject MEECE i ddechrau, yn cefnogi Technoleg Petroliwm Cymhwysol (APT) i ddatblygu adnodd mapio cyfyngiadau hawdd ei ddefnyddio, yn y cwmwl i symleiddio’r gwaith o ddatblygu a chynllunio ffermydd gwynt ar y môr, a Sea Watch Foundation (SWF) i ddatblygu ymhellach ap ffôn symudol i’r cyhoedd ddysgu am forfilod a chofnodi os gwelir morfilod. Mae'r canfyddiadau hyn yn wybodaeth werthfawr wrth gynorthwyo datblygwyr projectau yn ystod y broses gydsynio ar gyfer projectau ynni adnewyddadwy ar y môr.
Bangor University will initially be involved in two MEECE projects, supporting Applied Petroleum Technology (APT) in the development of a user-friendly, cloud-based constraints mapping tool to streamline the development and planning of offshore wind farms, and Sea Watch Foundation (SWF) in the further development of a mobile app for the public to learn about and register sightings of cetaceans. These sightings are valuable information in assisting project developers during the consenting process of offshore renewable energy projects.
Wrth arwain y cydweithrediad o Brifysgol Bangor, dywedodd yr Athro Simon Neill:
Gall ein modelau cefnforol diweddaraf, a ddilysir gan ddata a gasglwyd ar y môr, roi gwybod i ddiwydiant am y lleoliadau gorau ar gyfer lleoli dyfeisiau ynni adnewyddadwy’r môr, a gallant ragweld ystod gyfan o newidynnau o dyrfedd i ryngweithio tonnau a llanw. Rydym yn falch iawn o fod yn rhan o’r project hwn, a fydd yn datblygu adnodd ynni morol Cymru ymhellach ar ein llwybr tuag at sero net.
Llywio arloesedd
Mae Prifysgol Bangor yn ymuno â phrifysgolion Abertawe, Caerdydd a Metropolitan Caerdydd i gyfrannu at MEECE, sydd wedi'i leoli yn Noc Penfro, yn dilyn gweithredu Bargen Ddinesig Bae Abertawe.
Dywedodd Dr Stephen Wyatt, Cyfarwyddwr Ymchwil ac Arloesi ORE Catapult:
“Bydd cael ein partneriaid prifysgol yn rhan o’r project yn gwella’n fawr yr hyn a gynigir gan MEECE i’r sectorau ynni gwynt, tonnau a llanw ar y môr yng Nghymru. Byddwn yn gallu manteisio ar eu cyfleusterau a’u harbenigedd unigryw sy’n arwain y byd i gyd-fynd â’n harloesedd technolegol ein hunain a llywio’r arloesedd hwnnw, gan gefnogi busnesau presennol a chwmnïau newydd sydd am sefydlu yn y rhanbarth i fanteisio ar y cyfleoedd economaidd enfawr sydd ar gael.”
