Gwneud Cais

Gwneud cais i Brifysgol

Sut i wneud cais trwy UCAS

I wneud cais am le mewn prifysgol mae'n rhaid i chi wneud cais trwy UCAS a fydd wedyn yn cael ei drosglwyddo i'r prifysgolion a restrwyd.

Gallwch wneud cais am hyd at bum cwrs ond cofiwch y bydd yr un ffurflen gais a'r un datganiad personol yn mynd i'r 5 dewis.

UCAS yw’r Gwasanaeth Derbyniadau i Brifysgolion a Cholegau. Mae pob cais i’r brifysgol yn cael ei brosesu drwy UCAS ac yna’n cael ei drosglwyddo i’r prifysgolion a restrwyd.

Côd Prifysgol Bangor yn UCAS yw B06

Ymgeisio drwy UCAS

Pryd i wneud cais ar gyfer mynediad yn 2024? 

Rydym yn eich cynghori i wneud cais cyn gynted ag y gellwch gan y byddwn yn dechrau ystyried ceisiadau a gwneud cynigion yn syth.

Ar gyfer mynediad yn 2024, dyddiad cau cychwynnol UCAS yw 31 Ionawr 2024, ond rydym yn croesawu ceisiadau ar ôl y dyddiad hwn. Bydd ceisiadau a dderbynnir rhwng 31 Ionawr a 30 Mehefin yn parhau i gael eu hanfon at brifysgolion gan UCAS i gael eu hystyried lle bod lleoedd dal ar gael.

Y dyddiad cau ar gyfer Prifysgolion Rhydychen a Chaergrawnt a chyrsiau meddygaeth, deintyddiaeth a milfeddygaeth ydy 16 Hydref 2023.   

UCAS Extra 2023 a Clirio 2023

Rhwng 23 Chwefror a 4 Gorffennaf, gallwch ddefnyddio UCAS Extra os rydych wedi rhoi pum dewis ar eich ffurflen gais ond heb gael eich derbyn neu os ydych wedi gwrthod pob cynnig. Os nad oes gennych unrhyw gynigion ar 5 Gorffennaf, byddwch yn gallu gwneud cais trwy Clirio. 

Datganiad Personol

Mae’r Datganiad Personol ar y ffurflen UCAS rhan bwysig iawn o'r ffurflen gais. Dyma’ch cyfle chi i berswadio’r brifysgol y dyla nhw eich derbyn chi ar y cwrs. Dim ond 47 llinell (500-550 o eiriau) sydd gennych i egluro pam yr ydych am astudio'r cwrs, a nodi'r sgiliau neu brofiad sydd gennych sy'n hanfodol ar gyfer astudio yn y brifysgol.

I ysgrifennu datganiad personol llwyddiannus mae'n rhaid i chi fod â dealltwriaeth dda am y cwrs a'i gynnwys. Cofiwch mai dim ond un datganiad personol rydych yn ei ysgrifennu ar gyfer eich pum dewis. Gwnewch yn siwr bod y cyrsiau yn debyg, os nad yr un fath, a gwnewch yn siŵr nad ydych yn sôn am gwrs neu brifysgol penodol.

Darllenwch ein cyngor ar ysgrifennu datganiad personol llwyddianus neu gwyliwch ein fideos.