Ynglŷn â’r Gwasanaeth Gyrfaoedd a Chyflogadwyedd

Rydym yn dîm o weithwyr proffesiynol ymroddedig sydd wedi ymrwymo i’ch helpu chi i gyflawni eich potensial o ran gyrfa yn ystod eich cwrs ac ar ôl graddio.

Dysgwch fwy am ein timau isod, a sgroliwch i lawr i weld manylion am ein staff a sut i gysylltu.

Tîm Cyswllt Cyflogwyr a CyswlltGyrfa

Mae ein Tîm Cyswllt Cyflogwyr a CyswlltGyrfa yn gweithio gyda chyflogwyr a sefydliadau eraill i gynorthwyo gyda’r gwaith o ddatblygu, gwirio a hyrwyddo swyddi i raddedigion, interniaethau, lleoliadau gwaith a chyfleoedd eraill am brofiad gwaith. Maent yn gweithio gyda chyflogwyr o bob maint, yn gwmnïau rhyngwladol mawr ac yn fusnesau ar raddfa fach, ac yn dod o hyd i gyfleoedd i fyfyrwyr yn rhyngwladol, yn genedlaethol ac yn lleol. Mae’r tîm hefyd yn cydlynu Rhaglen Interniaeth Israddedig y brifysgol.

Tîm Cyngor a Chanllawiau/a Chyswllt Ysgolion Academaidd

Mae ein Tîm Cyngor a Chanllawiau/a Chyswllt Ysgolion Academaidd yn cynnig arweiniad un i un i fyfyrwyr ar bob agwedd ar chwilio am yrfa a rheoli gyrfa, yn cynnwys ystyried yr opsiynau sydd ar gael gyda’ch gradd, trafod profiad gwaith ac astudiaethau ôl-radd, perffeithio eich CV a pharatoi at gyfweliadau. Maent yn cydlynu rhaglen weithdy/gweminar reolaidd, a ddarperir gan staff, cyflogwyr, ymarferwyr a chyn-fyfyrwyr, ac yn gweithio gydag ysgolion academaidd i ddarparu sesiynau cyflogaeth a chefnogi mentrau a gweithgareddau ysgolion.

Cefnogaeth Profiad Gwaith

A oes gennych ychydig neu ddim profiad o waith? A ydych yn teimlo eich bod yn wynebu rhwystrau a allai eich dal yn ôl? Os felly, gall y Tîm Cefnogi Profiad Gwaith roi cymorth ychwanegol i’ch helpu i gael mynediad at gyfleoedd a all wella’ch siawns o gael cyflogaeth ar ôl graddio.

Gall rhwystrau ddeillio o nifer o wahanol ffactorau megis: caledi ariannol, anabledd, gwahaniaeth dysgu, iechyd meddwl a dyletswyddau gofalu. Blaenoriaethir cymorth i’r rhai sydd ag ychydig neu ddim profiad blaenorol o waith.

Gall cynghorwyr gynnig cefnogaeth unigol i’ch helpu i wella’ch cyflogadwyedd a chyflawni’ch nodau. Os hoffech gofrestru eich diddordeb, llenwch y Ffurflen Mynegi Diddordeb neu gallwch anfon e-bost atom yn cefnogaethprofiadgwaith@bangor.ac.uk

Tîm B-Fentrus

Mae ein Tîm B-Fentrus yn cynnig amrywiaeth o wasanaethau i fyfyrwyr Prifysgol Bangor a graddedigion yng Nghymru i’w helpu i ddatblygu eu sgiliau menter neu eu cefnogi i ddechrau busnes newydd. Maent yn trefnu ac yn hyrwyddo gweminarau a gweithdai rheolaidd ar bynciau fel ‘Sut i Werthu’ a ‘Sut i fod yn Ymgynghorydd’, ac yn trefnu ac yn cefnogi digwyddiadau, cystadlaethau a chyfleoedd rhwydweithio. Mae mentora busnes un i un ar gael hefyd.

Rhaglen Cefnogaeth i Raddedigion

Mae ein Rhaglen Cefnogaeth i Raddedigion ar gael i gyn-fyfyrwyr a raddiodd rhwng 2020, 2021 a 2022 ac yn cynnwys cefnogaeth amrywiol i raddedigion sydd angen cefnogaeth i gael troedle ym myd gwaith.

Mae’r rhaglen yn cynnig ystod o ddigwyddiadau, cefnogaeth 1:1, hyfforddiant a phrofiad gwaith i helpu graddedigion i gynyddu eu siawns o gael cyflogaeth ar lefel graddedig.

Ein Staff

Cyswllt Cyflogwyr / CyswlltGyrfa

Cyngor ac Arweiniad / Cyswllt Ysgolion Academaidd

B-Fentrus

Rhaglen Cefnogaeth i Raddedigion

Tîm Cymorth Profiad Gwaith

Rydym yn perthyn i’r Gymdeithas Gwasanaethau Cynghorau ynghylch Gyrfaoedd i Raddedigion (AGCAS)

Manylion Cyswllt

Ffôn: +00 (44) 01248 382071

E-bost: gyrfaoedd@bangor.ac.uk

Facebook: PBcyflogadwyedd / PBcyflogadwyedd

Twitter: PBcyflogadwyedd / BUemployability

Instagram: pbcyflogadwyedd

LinkedIn: Cyflogadwyedd Prifysgol Bangor / Bangor University Employability

Wedi’i ddiweddaru Awst 2023