Ein Partneriaeth

Yma yn Ysgol Busnes Bangor rydym yn gweithio gyda phartneriaeth leol a phartneriaethau byd-eang. Ein hamcan yw ehangu'r profiad dysgu mae myfyrwyr yn ei chael yma yn yr ysgol a sicrhau bod busnesau yn cael mynediad tua at ymchwil o safon ac arbenigedd ein hacademyddion. Rydym yn gweithio'n agos iawn gyda sefydliadau ar draws y sector cyhoeddus, y sector preifat a sectorau trydydd parti.

Rydym yn defnyddio'r arbenigedd sydd gennym yma ym Mhrifysgol Bangor i ddatrys heriau diwydiant, darganfod cyfleoedd newydd a darparu mewnwelediadau arbenigol. Gennym arbenigedd yn ystod eang o feysydd gan gynnwys dadansoddeg data, bancio, rheolaeth, cyllid a chyfrifeg, twristiaeth gynaliadwy ac adfywiol a llawer mwy. Mae ein tîm o ymchwilwyr yn awyddus i ymgysylltu a gweithio gyda diwydiant i ddatblygu partneriaethau hirdymor ac ysgogi newid cadarnhaol.

Os ydych yn fusnes bach ar gychwyn eich siwrne neu yn gwmni byd-eang hoffwn drafod gyda chi sut allwn gyd-weithio i ddatrys problemau sy'n wynebu eich busnes chi ar sector. Rydym hefyd yn edrych am leoliadau gwaith ar gyfer ein myfyrwyr, os gennych chi brosiect bach a hoffech gael myfyrwyr talentog gyda sgiliau sy'n barod i'r gweithle, cysylltwch â ni.

Cip olwg ar ein partneriaethau

Rydym yn hynod o falch i allu gweithio gyda phartneriaethau yma yn Ysgol Busnes Bangor. Mae gweithio gyda phartneriaethau yn galluogi ni wella safon ein hymchwil ac yn gwella'r profiad i fyfyrwyr drwy ddarlithoedd gwadd, tripiau i ymweld a busnesai a chyfleodd am brofiad gwaith. Dyma gip olwg sydyn ar sut rydym yn gweithio gyda rhai o'n partneriaethau yma yn yr ysgol.

Cip olwg ar ein partneriaethau

Aerielworx

Cwblhaodd Ben Allen, myfyrwyr yn yr ysgol, interniaeth yn llwyddiannus gydag Aerielworx - cwmni gweithredwr dronau sy'n arbenigo mewn ffilmio o'r awyr ar gyfer cynyrchiadau teledu a ffilm. Yn ystod ei interniaeth cynorthwyodd Ben y tîm ar gynhyrchu cynnwys cyfryngau cymdeithasol, ymgymryd â gwaith ymchwil marchnata, cynllunio cynllun marchnata a nodi marchnadoedd newydd ar gyfer y busnes.

Brynteg Glamping

Fel rhan o raglen mentora fenywaidd Athena Swan, cafodd un o’n myfyrwyr benywaidd ei lleoli gyda Sally Bowyer, entrepreneur lleol sydd wedi adeiladu busnes Glampio llwyddiannus ar Ynys Môn. Treuliodd y myfyriwr amser yn y busnes yn dysgu sut i sefydlu a rhedeg busnes a chafodd ei fentora ar sgiliau amrywiol megis rhwydweithio ac adeiladu brand.

Ecoamgueddfa

Bu Sara Parry a Sonya Hanna, dau ddarlithiwr yn yr ysgol, mewn partneriaeth ag Ecoamgueddfa. Yn gweithio gyda Chyngor Gwynedd a Pharc Cenedlaethol Eryri roedd y prosiect wedi ei ariannu i archwilio sut y gall y cenedlaethau iau elwa o statws Treftadaeth y Byd UNESCO sydd wedi ei ennill yn ddiweddar gan Dirwedd Llechi Cymru. Yn benodol, roedd Cyngor Gwynedd a Pharc Cenedlaethol Eryri eisiau mewnwelediad i effeithiau cyfryngau cymdeithasol a chynnwys digidol ar agweddau ymwelwyr i gael dealltwriaeth o sut mae'r safle llechi yn cael eu hadlewyrchu ar-lein.