Pam astudio gydag Ysgol Addysg Gogledd Cymru?
Ennill Statws Athro Cymwysedig a Meithrin Hyder yn yr Ystafell Ddosbarth
Mae ein rhaglenni TAR yn cyfuno astudiaethau academaidd â lleoliadau ymarfer, gan arwain at Statws Athro Cymwysedig (SAC) a gydnabyddir ledled Cymru a Lloegr ac y gellir, yn aml, ei drosglwyddo'n rhyngwladol*
Dewisiadau Astudio Hyblyg
Dewiswch lwybr astudio sy'n cyd-fynd â'ch bywyd, gydag opsiynau llawn amser a rhan amser ar gael ar rai rhaglenni ôl-radd.
Addysgu dan arweiniad ymchwil
Dysgwch oddi wrth academyddion ac ymarferwyr profiadol y mae eu hymchwil a'u harbenigedd proffesiynol yn helpu i lunio dyfodol addysg.
Dysgu sy'n Canolbwyntio ar Yrfa
Bydd ein rhaglenni’n eich helpu i ddatblygu arbenigedd mewn addysgu, ymddygiad, cynhwysiant, arweinyddiaeth a mentora, gan eich ysbrydoli i ysgogi newid cadarnhaol ymhlith plant a phobl ifanc.
*Dylai unigolion sy'n dymuno addysgu y tu allan i Gymru a Lloegr wirio gyda Chorff Proffesiynol Athrawon y wlad dan sylw bod Statws Athro Cymwysedig yn cael ei gydnabod yno ac yn drosglwyddadwy. .
Dewch i gwrdd â ni yn ein digwyddiad ôl-radd
Ystyried astudiaethau ôl-radd? Ymunwch â ni ddydd Sadwrn, 4 Gorffennaf i weld y dewisiadau sydd ar gael i chi, cwrdd â'n hacademyddion a chael cyngor unigol
Pam dewis astudiaethau ôl-radd ym Mhrifysgol Bangor?
Prifysgol gefnogol, dan arweiniad ymchwil sydd â rhagolygon byd-eang
Ym Mhrifysgol Bangor, mae astudiaethau ôl-raddedig yn gyfle i ddyfnhau eich arbenigedd, meithrin rhagor o hyder a gwneud gwahaniaeth ystyrlon. Byddwch yn dysgu mewn amgylchedd dan arweiniad ymchwil sy'n cyfuno rhagoriaeth academaidd â chymuned ddysgu gefnogol, a hynny dan arweiniad darlithwyr sydd eisiau eich gweld yn ffynnu.
Ym Mangor ceir cymuned brifysgol glos, cysylltiadau cryf ag ysgolion a phartneriaid yn y sector addysg, a lleoliad sy'n ysbrydoli.
Archwiliwch ein cyrsiau ôl-radd
Pa gwrs sy'n iawn i mi?
Addysgu
Mae gyrfa mewn addysgu yn heriol, yn werth chweil ac yn cael llawer o effaith. Bydd ein rhaglenni TAR yn eich paratoi i ysbrydoli cenedlaethau'r dyfodol tra bod gyrfa mewn addysgu yn cynnig cyfleoedd cryf i ddatblygu gyrfa.
Dewiswch o blith y canlynol:
- Addysg Gynradd
- Addysg Uwchradd ar draws ystod o feysydd pwnc
- Anghenion Dysgu Ychwanegol (ADY)
Addysg
Mae gradd meistr mewn addysg yn agor drysau y tu hwnt i'r ystafell ddosbarth. Archwiliwch y materion allweddol sy'n llunio bywydau plant a phobl ifanc wrth ddatblygu sgiliau mewn arweinyddiaeth, ymchwil ac ymarfer proffesiynol.
Dewiswch o blith y canlynol:
- Addysg
- Plentyndod ac Ieuenctid
- Dadansoddi Ymddygiad Cymhwysol a Chefnogaeth Ymddygiadol Gadarnhaol
Ydych chi’n barod i gymryd y cam nesaf?
Dewch i weld y dewisiadau ôl-radd sydd ar gael i chi neu ymunwch â ni ar ddydd Sadwrn, 4 Gorffennaf i siarad â'n harbenigwyr.