Bydwreigiaeth

Ynglŷn â Bydwreigiaeth

Mae bydwragedd yn ymdrechu i sicrhau'r iechyd gorau i famau a babanod newydd-anedig, genedigaeth ffisiolegol a'r profiad geni cyffredinol gorau i fenywod, eu partneriaid a'u teuluoedd. Mae bydwragedd yn gweithio mewn amgylcheddau ymarfer gofal iechyd ac ym maes addysg, ymchwil a rheolaeth iechyd, i gefnogi rhoi gofal o ansawdd i ferched a'u partneriaid cyn, yn ystod ac ar ôl genedigaeth eu baban. Mae tystiolaeth ymchwil genedlaethol a rhyngwladol yn sail i ymarfer bydwreigiaeth gyfoes yn y DU.

Mae bydwragedd yn gweithio'n annibynnol mewn amgylcheddau gofal dan arweiniad bydwragedd gan gynnwys y gymuned, genedigaethau gartref, canolfannau genedigaeth ac ochr yn ochr ag unedau dan arweiniad bydwragedd (wedi'u lleoli wrth ymyl unedau mamolaeth mwy mewn ysbytai). Mae bydwragedd hefyd yn cydlynu gofal i ferched a'u babanod newydd-anedig sydd angen cyngor a gofal ychwanegol gan y tîm amlddisgyblaethol. Mae gwaith tîm yn agwedd hanfodol ar ofal iechyd modern. Mae bydwragedd yn gweithio'n agos gyda gweithwyr proffesiynol eraill gan gynnwys bydwragedd ymgynghorol ac arbenigol eraill, obstetregwyr, meddygon teulu, nyrsys, gweithwyr iechyd meddwl, ffisiotherapyddion, dietegwyr, neonatolegwyr, ymwelwyr iechyd ac ymgynghorwyr llaetha, a llawer mwy.

Mae myfyrwyr bydwreigiaeth ym Mhrifysgol Bangor yn profi rhagoriaeth mewn addysg bydwreigiaeth yn ystod profiad myfyrwyr rhagorol a lleoliadau ledled y rhanbarth gyda phartneriaid ymarfer.

Myfyrwyr bydwreigiaeth yn hyfforddi ar ddymi

Pam Astudio Bydwreigiaeth?

Mae ein gwaith partneriaeth agos gyda phartneriaid ymarfer yn sicrhau bod ein rhaglen Baglor Bydwreigiaeth ym Mhrifysgol Bangor yn eich paratoi i fod yn fydwraig sy'n gallu darparu gofal bydwreigiaeth rhagorol. Cewch eich dysgu mewn sefydliad addysg uwch sydd wedi ennill gwobr aur Fframwaith Rhagoriaeth Addysgu (TEF), mewn ardal o harddwch naturiol eithriadol, gan addysgwyr bydwreigiaeth arbenigol a chan ymarferwyr profiadol yn ein sefydliadau partner dysgu ymarfer.

Darganfod mwy

Fideo - Astudio Bydwreigiaeth

Dyma Ameer Rana sef cyflwynydd teledu S4C yn cyflwyno'r cyrsiau Bydwreigiaeth sydd ar gael yn yr Ysgol Gwyddorau Iechyd ym Mhrifysgol Bangor.

Fideo: Cyrsiau Bydwreigiaeth

Fideo: Beca Dafydd

Proffil Myfyriwr Beca Dafydd

Bydwreigiaeth

"Dwi'n teimlo mod i'n mynd allan i'r gymuned yn hyderus gan ein bod yn derbyn gwybodaeth o safon uchel iawn yn ystod yr wythnosau theori."

Cyfleoedd Gyrfa o fewn Bydwreigiaeth

Mae bydwragedd yn aml yn disgrifio eu gwaith fel swydd 'freintiedig'. Mae eu swyddogaeth yn paratoi merched i esgor bywyd newydd yn eu gwneud yn bresenoldeb hanfodol yn ystod pob cam o'r beichiogrwydd, yr esgor a'r cyfnod ôl-enedigol cynnar. Ar ôl cofrestru, gall bydwragedd ddefnyddio eu cymhwyster i weithio mewn lleoliadau gofal iechyd eraill fel unedau gofal babanod arbennig. Mae rhai bydwragedd yn datblygu i fod yn arbenigwyr mewn meysydd fel diabetes neu iechyd y cyhoedd ac iechyd meddwl amenedigol. Mae cyfleoedd hefyd i weithio ym maes ymchwil ac addysg.

Darganfod mwy

Ein Hymchwil o fewn Bydwreigiaeth

Mae ein tîm yn goruchwylio graddau ôl-radd gan gynnwys myfyrwyr meistr, ac mae dau o'n tîm yn goruchwylio myfyrwyr PhD. Mae ein meysydd ymchwil yn canolbwyntio ar gynnig genedigaethau gartref, cyfraniad tadau yn ystod esgor, y gofal gorau posibl i oroeswyr trais rhywiol, profiadau merched o gymell esgor, yr hyn sy'n gweithio i gefnogi myfyrwyr bydwreigiaeth yn yr amgylchedd dysgu, defnyddio dull a gynhyrchir ar y cyd i wella profiadau rhoi genedigaeth, sgrinio serfigol, datblygu pecyn arolygu ffetws ar gyfer bydwragedd yn Lesotho ac effaith defnyddio'r Gymraeg ar brofiadau o roi genedigaeth.

Mae ein grwpiau ymchwil i gyd yn rhan o Sefydliad Ymchwil Iechyd a Meddygol Bangor (BIHMR). Rydym yn adeiladu ar lwyddiant BIHMR yn REF 2014 i gynnal a chynyddu rhagoriaeth mewn ymchwil iechyd, meddygol a gofal cymdeithasol. Rydym yn cynnal ymchwil o'r safon uchaf sy'n cyfrannu at welliannau mewn iechyd a gofal iechyd lleol, yn ogystal â chael effaith ledled Cymru, y Deyrnas Unedig ac yn rhyngwladol.