Graddau Ôl-radd Hyfforddedig mewn Hanes a Threftadaeth

Mae ein Graddau Ôl-radd Hyfforddedig yn rhoi'r cyfle i ti astudio ystod eang o bynciau o'r cyfnod canoloesol i'r cyfnod cyfoes, wedi'u llunio gan arbenigedd ymchwil ein staff addysgu. O fewn Hanes a Threftadaeth, cei gyfle i archwilio materion a dadleuon allweddol, agweddau beirniadol ar dreftadaeth fyd-eang, a hanes, archaeoleg a threftadaeth ddiwylliannol gyfoethog Cymru.

Mae ein graddau MA yn dy helpu i ddatblygu sgiliau dadansoddi, dehongli ac ymchwil uwch sy'n cael eu gwerthfawrogi ar draws lleoliadau academaidd a phroffesiynol. Drwy hyfforddiant mewn technegau ymchwil, dadansoddi damcaniaethol a hanesyddiaethol, a defnyddio tystiolaeth, byddi yn meithrin y sgiliau i gynllunio a chwblhau darn gwreiddiol o ymchwil annibynnol gyda goruchwyliaeth gefnogol. Mae ein modiwl Sgiliau Ymchwil, a rennir ar draws y ddwy radd ôl-radd Hanes a Threftadaeth, yn darparu sgiliau trosglwyddadwy i’r gweithle.

Mae Prifysgol Bangor, sydd wedi'i lleoli yng ngogledd Cymru, yn cynnig lleoliad nodedig i astudio Hanes a Threftadaeth ar lefel ôl-radd. Mae dau safle Treftadaeth y Byd UNESCO o fewn siwrnai fer: Tirweddau Llechi Gogledd Orllewin Cymru a Chestyll a Muriau Tref y Brenin Edward I. Mae ymweliadau â safleoedd a chyfleoedd i wneud gwaith maes wedi'u cynnwys yn ein rhaglenni MA.

Mae astudio ym Mhrifysgol Bangor yn golygu y byddi wedi dy amgylchynu gan hanes a threftadaeth. Mae Prif Adeilad y Celfyddydau’n adeilad rhestredig Gradd I hardd. Wedi'i amgylchynu gan dirweddau hanesyddol a safleoedd treftadaeth, mae Bangor yn darparu amgylchedd unigryw ar gyfer eich astudiaethau ôl-radd.

Byddi yn astudio mewn amgylchedd ôl-radd cefnogol ym Mhrifysgol Bangor. O ddechrau dy radd, byddi yn cael tiwtor personol i dy dywys a cefnogi drwy gydol dy astudiaethau. Byddi yn cael dy addysgu gan arbenigwyr academaidd a fydd yn dy helpu i feithrin hyder, annibyniaeth a'r uwch-sgiliau sydd eu hangen i lwyddo ar lefel ôl-radd a thu hwnt.