Fy ngwlad:
Fy ngwlad:

Chwilio

Cau

Rhaglenni Iaith a Llythrennedd 

Pecyn Gwaith 2 

Mae Pecyn Gwaith 2 yn cynnig rhaglenni iaith a llythrennedd seiliedig ar dystiolaeth sy’n addas i’w defnyddio mewn dosbarth cyfan ac mewn ymyriadau grŵp bach. Bydd y rhain yn cael eu gwerthuso’n llawn drwy hap-dreialon dan reolaeth i’w defnyddio ar raddfa fawr ledled Cymru ac maent ar gael yn Gymraeg a Saesneg.  

O dan arweiniad Prifysgol Bangor mewn cydweithrediad ag Oxford Education & Assessment, a Phrifysgol Efrog, bydd y gwaith treialu hwn yn profi effeithiolrwydd rhaglenni grŵp bach a dosbarth cyfan, gan ddarparu tystiolaeth gadarn a mesuradwy o’u heffaith ar iaith lafar, cywirdeb a rhuglder darllen, a dealltwriaeth wrth ddarllen.  

Y nod yn y pen draw yw sefydlu cyfres o ymyriadau rhaglenni iaith a llythrennedd ar gael yn Gymraeg a Saesneg i bob ysgol yng Nghymru, er mwyn sicrhau mynediad teg i adnoddau o ansawdd uchel, seiliedig ar dystiolaeth i bob dysgwr.  

Projectau o fewn Pecyn Gwaith 2 

  • Rhaglen dosbarth cyfan OxEd: Rhaglen lafaredd Dosbarth Derbyn-Blwyddyn 1 i wella geirfa, gwrando a deall, a sgiliau naratif. Mae fersiwn Gymraeg a addaswyd ar gyfer priodweddau unigryw’r iaith Gymraeg wrthi’n cael ei datblygu.
  • Y Rhaglen Iaith a Llythrennedd (RILL) ymyrraeth grwpiau bach: Ar gyfer Blynyddoedd 3-4, mae RILL yn darparu dull strwythuredig o feithrin llythrennedd yn cynnwys iaith lafar, darllen, ac ymyriad darllen sy’n defnyddio egwyddorion Ffoneg Synthetig di-eiria (SSP).
  • Rhaglen dosbarth cyfan RILL: Ar gyfer Blynyddoedd 3-4, lluniwyd RILL dosbarth cyfan i wella dadgodio, rhuglder, darllen a deall, a hyder i bob darllenydd mewn amgylchedd ystafell ddosbarth.  
  • Darllen i Ddysgu: Rhaglen lefel uwchradd (Blwyddyn 7) i gefnogi darllenwyr sy’n cael trafferth, drwy dargedu dadgodio, geirfa, rhuglder, a gwaith darllen a deall.

Mae ein rhaglenni iaith a llythrennedd ar gael o fis Medi 2026. Rydym yn cynnal treialon ar bob un ohonynt ar yr un pryd i fesur effeithiolrwydd. Bydd y data a gesglir yn cyfrannu at ein sylfaen dystiolaeth ac yn arwain gwelliannau i'r rhaglenni cyn iddynt fod ar gael yn genedlaethol yn 2027.

Os oes gennych ddiddordeb mewn cael mynediad i unrhyw un o'n hadnoddau a chymryd rhan yn y cyfnod prawf ym mis Medi 2026, cysylltwch â calonysgol@bangor.ac.uk