Overview

Bydd y modiwl hwn yn cynnig cyflwyniad i brif themâu a chysyniadau hanesyddol a llenyddol y cyfnod o ddiwedd yr Oesau Canol i ddechrau cyfnod Moderniaeth. Bydd yn ymwneud â’r prif feysydd a ganlyn, gan astudio detholiad o awduron a gweithiau allweddol yn eu cyd-destunau:

1.Y Diwygiad Protestannaidd; o fyd y llawysgrif i fyd y llyfr print 2.Y Dadeni a Dyneiddiaeth; dirywiad y traddodiad barddol 3.Y Diwygiad Methodistaidd 4.Diwylliant poblogaidd a thorfol y Gymraeg 5.Yr Ymoleuo a thwf Rhyddfrydiaeth 6.Rhamantiaeth

Assessment Strategy

-threshold -(D-): TrothwyBydd myfyrwyr trothwyol (graddau D isel) yn arddangos rhychwant o wybodaeth briodol – neu ddyfnder priodol – mewn o leiaf rannau o’r maes perthnasol, a byddant yn llwyddo’n rhannol o leiaf i greu dadlau sy’n mynd i’r afael â’r pynciau a drafodir. Bydd iaith eu mynegiant efallai’n ansicr ar adegau.

-good -(B): Da Bydd myfyrwyr da (graddau B) yn arddangos galluoedd sicr yn yr holl agweddau a nodwyd yn y paragraff uchod, gan gynnwys safon eu hiaith ysgrifenedig a llafar.

-excellent -(A): Rhagorol Bydd myfyrwyr ardderchog (graddau A) yn arddangos y galluoedd sicr hyn ar draws y meini prawf, yn ogystal â dyfnder arbennig yn eu gwybodaeth a/neu gywreinrwydd eu dadansoddi. Dangosant hefyd wreiddioldeb yn eu gwaith darllen a dehongli. Byddant yn mynegi eu hunain mewn iaith cywir a datblygedig.

Learning Outcomes

• Yn medru deall a defnyddio geirfa berthnasol a gyflwynir yn ystod y modiwl.

• Yn medru traethu yn glir ac yn ddealladwy ar lafar am y llenyddiaeth dan sylw.

• Yn medru traethu yn glir ac yn ddealladwy yn ysgrifenedig am y llenyddiaeth dan sylw.