Rhedir gan School of History, Law and Social Sciences

20.000 Credydau neu 10.000 Credyd ECTS

Semester2

Trefnydd: Dr Cynog Prys

Canolbwynt y modiwl hwn yw dadansoddiad rhai o weithiau theoretaidd cymdeithasol y cyfnod modern, gan ganolbwyntio ar waith Antonio Gramsci, Yr Ysgol Frankfurt, a Pierre Bourdieu. Bydd y modiwl hwn yn astudio datblygiad y traddodiad Marcsaidd gan edrych ar rai o’u prif gysyniadau a’u damcaniaethau pwysicaf y theoretwyr hyn. Ystyrir sut mae theorïau hyn yn berthnasol yn ein cymdeithas gyfoes, gan dalu sylw arbennig i’r drafodaeth ynghylch pŵer, tra-arglwyddiaeth a chyfalaf o fewn cymdeithas gyfoes. Datblygir y sgiliau astudio angenrheidiol i allu crynhoi dadleuon a gwybodaeth ynghylch syniadau'r theoretwyr, a chynnig beirniadaeth o’u gwaith.

Diben y modiwl hwn yw astudio’r consensws a’r gwrthdaro o fewn cymdeithas, gan gwestiynnu’r modd y mae grymoedd cymdeithasol yn dylanwadu ar yr unigolyn. Bydd y modiwl yn codi cwestiynau ynglŷn â sut mae normau a gwerthoedd cymdeithasol yn cael ei gyfreithloni, gan gwestiynu buddiannau pwy sy’n cael ei gynrychioli gan y gwerthoedd hyn. Byddwn felly yn trafod y berthynas rhwng yr unigolyn a chymdeithas, gan gloriannu’r dadleuon rhwng galluedd yr unigolyn a dylanwad strwythurau cymdeithas ar yr unigolyn. Bydd y modiwl yn gorffen drwy ystyried enghreifftiau o synthesis theoretaidd rhwng y ddau safbwynt.

Bydd y modiwl hwn yn cyflwyno’r myfyrwyr i rai o theoretwyr cymdeithasegol y cyfnod modern, gan adeiladau ar ei dealltwriaeth o theory gymdeithasegol glasurol. Cychwynnir drwy astudio’r modd y datblygodd y traddodiad Marcsaidd gan dalu sylw penodol at gyfraniad Antonio Gramsci. Wrth drafod gwaith Gramsci byddwn yn canolbwyntio ar ei gysyniad o hegemoni, rheolaeth gymdeithasol a chydsyniad.

Yna byddwn yn astudio damcaniaeth gwrthdaro, a chyfraniad meddylwyr yr Ysgol Frankfurt (e.e. Marcuse, Adorno, Hokenhimer, a Habermas). Fel Gramsci, roedd y theoretwyr hyn yn ysgrifennu yn y traddodiad Marcsaidd gyda diddordeb mewn pŵer a rheolaeth gymdeithasol. Astudiwn y modd yr oedd y theoretwyr amrywiol o fewn yr YF yn dehongli’r modd yr oedd y system yn tra-arglwyddi dros unigolion, yn gorchymyn, manipiwleiddio, dallu a thwyllo unigolion i gynnal ac atgynhyrchu strwythur cymdeithas.

Bydd y modiwl yn cloi drwy ystyried cyfraniad Pierre Bourdieu a’i ymgais i gynhyrchu synthesis o alluedd yr unigolyn a dylanwad strwythur cymdeithas. Trafodir cysyniadau Bourdieu o habitus, cyfalaf, a meysydd, gan drafod y modd cudd y mae Bourdieu yn gweld pŵer yn dylanwadu ar ein bywydau beunyddiol. Byddwn hefyd yn ystyried defnydd ffeministiaid o gysyniadau Bourdieu o ran theory ymgorfforiad.

trothwy

Trothwy: Er mwyn llwyddo yn y modiwl hwn, bydd disgwyl i'r myfyrwyr gyflawni'r deilliannau ar y lefel sylfaenol. H.y. bydd gofyn iddynt ddangos ymwybyddiaeth o brif weithiau theoretaidd Gramsci, Yr Ysgol Frankfurt a Bourdieu, a'r prif gysyniadau perthnasol, bod yn ymwybodol o'r dylanwadau a fu ar eu syniadau, a'r modd y gellir cymhwyso eu waith at y sefyllfa gyfoes.

dda

Da: Bydd myfyrwyr da yn gallu dangos dealltwriaeth a barn aeddfed, yn gallu gweld y cyswllt rhwng theorïau ac ymarfer cymdeithasol, ac yn gallu cyfeirio at weithiau ac enghreifftiau perthnasol yng ngweithiau Gramsci, Yr Ysgol Frankfurt a Bourdieu.

rhagorol

Rhagorol: Bydd myfyrwyr rhagorol yn gallu defnyddio'r wybodaeth yn ddadansoddol a beirniadol, ac yn gallu cymhwyso'r theorïau at sefyllfaoedd cymdeithasol penodol.

1. Adeiladu ar ei dealltwriaeth o theori gymdeithasegol glasurol (SCS 2007).
2. Dadansoddi'n feirniadol gysyniadau a theorïau cymdeithasegol gyfoes e.e. Gramsci, Yr Ysgol Frankfurt a Bourdieu.
3. Gwerthuso'r dylanwadau ar gysyniadau’r theorwetwyr cymdeithasegol dan sylw.
4. Cyflwyno syniadau’r theoretwyr hyn mewn modd clir a rhesymegol.
5. Dangos cynnydd mewn dealltwriaeth o dystiolaeth a dadleuon cymhleth trwy astudiaeth annibynnol

Math	Enw	Disgrifiad	Pwysau
	Aseiniad		50.00
	Arholiad		50.00

		Oriau
	Darlithoedd. Byddwn yn cyfarfod am 2 awr bob wythnos ar gyfer darlith a seminar. Bydd gwaith darllen yn cael ei osod ar gyfer pob seminar ac mae disgwyl i bawb ddarllen y deunydd a pharatoi yn drylwyr ar gyfer trafod y gwaith.	200
	Seminarau.

Gorfodol mewn cyrsiau:

• X316: BA Astudiaethau Plentyndod ac Ieuenctid a Chymdeithaseg year 3 (BA/APIC)
• LM3Y: BA Cymdeithaseg&CriminologyCrimJ year 3 (BA/CCCJ)
• X315: BA Childhood and Youth Studies and Sociology year 3 (BA/CYSS)
• LL13: BA Sociology/Economics year 3 (BA/ECS)
• LL2B: BA Sociology & Economics (4 yr with Incorporated Foundation) year 3 (BA/ECS1)
• LQ3J: BA English Lang. & Sociology year 3 (BA/ELSOC)
• LP33: BA Media Studies and Sociology year 3 (BA/MSSOC)
• 3L3Q: BA Sociology and English Literature year 3 (BA/SEL)
• LV31: BA Sociology/History year 3 (BA/SH)
• LQ31: BA Sociology/Linguistics year 3 (BA/SL)
• L3LK: BA Cymd gyda Phol Cymd year 3 (BA/SSPW)
• LVH2: BA Welsh History/Sociology year 3 (BA/WHS)
• LQ35: BA Cymraeg and Sociology year 3 (BA/WS)

Opsiynol mewn cyrsiau:

• X318: BA Astudiaeth Plentyndod ac Ieuenctid a Pholisi Cymdeithasol year 3 (BA/APIPC)
• X317: BA Childhood and Youth Studies and Social Policy year 3 (BA/CYSP)
• LVJ1: BA Cymdeithaseg/Hanes year 3 (BA/HSW)
• V140: BA Modern & Contemporary History year 3 (BA/MCH)
• L401: Polisi Cymdeithasol year 3 (BA/PC)
• LM4X: BA Polisi Cymdeithasol & Criminology and Criminal Justice year 3 (BA/PCCCJ)
• L202: BA Politics and Economics year 3 (BA/POLEC)
• LL14: BA Social Policy/Economics year 3 (BA/SPEC)
• LL1B: BA Social Policy & Economics (4yr with Incorp Foundation) year 3 (BA/SPEC1)
• LL15: BA Social Policy and Economics with International Experience year 4 (BA/SPECIE)
• LV41: BA Social Policy/History year 3 (BA/SPH)
• CL84: BA Social Policy/Psychology year 3 (BA/SPP)
• CL85: BA Social Policy & Psychology with International Experience year 3 (BA/SPPIE)
• LVK1: BA Polisi Cymdeithasol/Hanes year 3 (BA/SPWH)
• LQK5: BA Polisi Cymdeithasol a Chymraeg year 3 (BA/SPWW)
• LVL1: BA Pol Cymd/Han Cymru year 3 (BA/SPWWH)
• LQH5: BA Cymdeithaseg a Chymraeg year 3 (BA/SWW)
• LVH1: BA Cymdeithaseg/Hanes Cymru year 3 (BA/SWWH)