Amdanom ni

Mae Sefydliad Confucius ym Mhrifysgol Bangor, a sefydlwyd ym mis Medi 2012, yn un o dros 500 o sefydliadau tebyg ledled y byd. Ar hyn o bryd mae 30 Sefydliad Confucius yng ngwledydd Prydain, yn cynnwys tri ohonynt mewn prifysgolion yng Nghymru (Bangor, Caerdydd a Phrifysgol Cymru y Drindod Dewi Sant).

Mae Sefydliadau Confucius yn:

• gyfrwng strategol bwysig i hybu dealltwriaeth rhwng pobl o wahanol wledydd a Tsieina
• gweithredu fel catalydd  i hybu cydweithio
• gweithredu fel sianel i gynlluniau seiliedig ar gyfnewid diwylliannol

Y Dwy Ddraig

Ym Mangor mae'r fenter hon yn gyfle pwysig i bobl, cymunedau, busnesau a sefydliadau Gogledd Cymru ddod i ddeall China fodern a chlasurol.  Ar y llaw arall mae'r Sefydliad yn ein galluogi ni yma yng Ngogledd Cymru i hyrwyddo ein diwylliant, iaith a threftadaeth gyfoethog yn eu hamryfal ffurfiau ymysg pobl Tsieina; mae diwylliannol, addysgol a deallusol cyfnewid sy'n cael ei ymgorffori fel un o gyfarfodydd y Ddwy Ddraig.

Mae dwyieithrwydd unigryw Prifysgol Bangor, a’i phroffil rhyngwladol cadarn, yn ei gwneud yn lle delfrydol i gefnogi gwaith Sefydliad Confucius. Mae mewn sefyllfa amlwg i hybu amrywiaeth cenedlaethol a hybu cyfnewid diwylliannol rhwng cenhedloedd.

Ysgol y Gyfraith, Prifysgol Bangor

Mae'r cyfleoedd yn wych a dim ond newydd ddechrau mae'r daith.  Yn y gwe-dudalennau hyn fe welwch yr ystod eang o weithgareddau yr ydym yn eu darparu yn ein blwyddyn gyntaf o weithredu. Rydym yn gobeithio y byddwch yn teimlo awydd i:

• gymryd rhan yn ein digwyddiadau
• ddod i'n cyrsiau iaith a diwylliannol
• ymwneud â'n hymchwil academaidd a'n rhaglenni addysg, sy'n cael eu cynnal mewn llawer disgyblaeth ym Mhrifysgol Bangor (e.e. Y Gyfraith, Busnes, Cerddoriaeth, Ieithoedd Modern, Ieithyddiaeth  ac Addysg).