5 rheswm dros astudio Dylunio Cynnrych ym Mhrifysgol Bangor
Byddwch yn ymarfer yr hyn rydych wedi ei ddysgu mewn darlithoedd ac yn ennill profiad ymarferol o ddod â chynnyrch arloesol i’r farchnad, rheoli projectau masnachol mewn modd proffesiynol a helpu cwmnïau i fod yn fwy effeithlon, cystadleuol a pherthnasol yn y byd heddiw.
Cewch eich dysgu mewn grwpiau bychain gan ddarlithwyr sydd am eich gweld yn ffynnu. Bydd ein gweithdy prototeipio aml-ddeunydd, swît CAD a chyfarpar o’r radd flaenaf yn eich galluogi chi i wireddu eich syniadau. Nid oes cost ychwanegol am ddeunyddiau na defnyddio’r gweithdy a gofodau stiwdio.
Daw ein myfyrwyr a staff o wahanol gefndiroedd, ond mae pob un yn rhannu’r un nod, yn weledyddion ac yn ymroddedig i wella ein byd trwy ddylunio ac arloesi.
Bydd Dylunio Cynnyrch yn agor byd o yrfaoedd diddorol a chreadigol. Mae hyn yn cynnwys dewis eang o yrfaoedd I bobl greadigol sydd isio datrys problemau, arloesi a newid y byd.
Mae popeth yn ein hamgylchedd adeiledig wedi cael ei greu gan bobl i bobl. Bydd ein cwrs Dylunio Cynnyrch BSc (Anrh) yn eich galluogi i wireddu eich syniadau i wneud y byd yn lle gwell.
Myfyriwr Dylunio Cynnyrch yn gweithio gyda meddalwedd CAD Solidworks
Ein cyrsiau Dylunio Cynnyrch
Dyma drosolwg o'r cyrsiau Dylunio Cynnyrch israddedig sydd ar gael i chi eu cymharu a dewis y cwrs sy'n iawn i chi.
Dyma drosolwg o'r cyrsiau Dylunio Cynnyrch israddedig sydd ar gael i chi eu cymharu a dewis y cwrs sy'n iawn i chi.
Pam astudio Dylunio Cynnyrch ym Mhrifysgol Bangor?
[00:04] Y ffordd rydan ni yn gweithredu ydi ein bod yn rhoi myfyrwyr yng nghanol y broses.
[00:09] Rydan ni wedi gwrando ar ddiwydiant i weld am beth mae nhw'n chwilio amdano
[00:12] gan fyfyrwyr ac rydyn wedi dylunio ein cwrs i ateb y gofynion yna
[00:16] Be yda ni yn gynnig yma, ar y cwrs yma, sy'n wahanol i'r rhan fwyaf o lefydd eraill
[00:20] ydi ein bod yn teilwra'r cwrs yma i siwtio'r unigolyn fel bod yr unigolyn hwnnw yn cael gyrfa
[00:26] o fewn y byd dylunio. Gan bod ni yn gweithio yn agos gyda diwydiant a 'da ni yn gwrando ar beth mae diwydiant
[00:35] ei gwneud hi'n hawdd iddyn nhw gael eu cyflogi. Maen't yn cael eu cyflogi mewn ystod eang
[00:41] ei gwneud hi'n hawdd iddyn nhw gael eu cyflogi. Maen't yn cael eu cyflogi mewn ystod eang
[00:46] o ddiwydiant rhwng o gwmniau sydd yn gweithgynhyrchu peirianneg o'r technoleg flaenaf CNC
[00:53] i ddylunwyr sydd yn gweithio o fewn cwmniau ar gynnyrch penodol i gwmniau agency designers
[01:00] lle mae nhw yn gweithio ar amryw o brojectau. Yn aml mae 'na fyfyrwyr yn mynd ac yn arbenigo mewn dylunio graffeg
[01:05] dylunio gyfer y we, felly mae'r cwrs yn arwain y myfyrwyr ar drywydd eang dros ben.
[01:15] Dwi yn meddwl fod hynna yn rhwybeth pwysig achos mae'r cydweithio rhwng y myfyrwyr
[01:18] rhwng y staff a'r myfyrwyr hefyd y cydweithio efo'r
[01:22] cwmnioedd diwydiannol yn rhywbeth sy'n arbennig yn fan hyn.
Cymerwch olwg ar ein cyfleusterau Dylunio Cynnyrch
Gradd Dylunio Cynnyrch fydd yn eich paratoi am yrfa lewyrchus
Fel myfyriwr graddedig y cwrs Dylunio Cynnyrch BSc (Anrh) byddwch yn hynod o gyflogadwy. Byddwch yn gallu defnyddio eich sgiliau dylunio i wneud y byd yn lle gwell drwy ddatrys problemau i gwsmeriaid, cleientiaid a chwmnïau ledled y byd.
Byddwch yn gweithio ar brojectau byw gyda chwmnïau ac yn ennill profiad diwydiannol, yn dysgu sut i reoli projectau masnachol mewn ffordd broffesiynol, yn galluogi cwmnïau i fod yn fwy effeithlon, cystadleuol a pherthnasol yn y byd heddiw.
Yn aml, bydd ein myfyrwyr sydd yn graddio yn mynd yn syth i mewn i swydd, gyda llawer yn cael cynnig gwaith gyda’r cwmni sydd wedi rhoi lleoliad gwaith iddynt yn ystod blynyddoedd 2 a 3 o’r cwrs.
Byddwch yn mynychu tri lleoliad yn ystod y radd yn hytrach nag un lleoliad sy'n para blwyddyn ar ddiwedd y cwrs. Ein gradd yw'r unig un radd Dylunio Cynnyrch BSc (Anrh) yn y DU i gynnig hyn.
Bydd y profiad mewn gweithle yn digwydd dros 24 wythnos dros 3 mlynedd - bloc o 8 wythnos pob blwyddyn o'r cwrs.
Byddwch yn elwa o'r canlynol:
- Cefnogaeth gan fentoriaid profiadol
- Ymweliadau gan diwtoriaid cyswllt o’r coleg
- Cynhyrchu portffolio ardderchog
- Profiad o gydweithredu
- Cymryd rhan mewn projectau go iawn
- Datblygiad Personol a Phroffesiynol
- Profiadau a ysgogir gan yrfaoeddr
Byddwch yn astudio methodolegau dylunio sy'n canolbwyntio ar bobl a meddylfryd dylunio. Bydd amrywiaeth o friffiau'n eich herio ac yn eich datblygu'n greadigol ac yn broffesiynol. Bydd projectau gyda phartneriaid diwydiannol yn darparu sylfaen a chyd-destun i ddeall sut mae diwydiant yn gweithio. Eich her fydd bod yn greadigol a sicrhau eich bod yn arloesi yn y briff a roddir i chi.
Mae'r rheiny'n cynnwys:
- Egwyddorion Meddylfryd Dylunio
- Creadigrwydd
- Cyfathrebu a Modelu Dylunio
- Cynllunio drwy Gymorth Cyfrifiadur (CAD)
- Gweithgynhyrchu drwy Gymorth Cyfrifiadur (CAM)
- Sgiliau Gweithgynhyrchu
- Prototeipio
- Datblygu Cynaliadwy a'r Economi Cylchol
- Sgiliau Cyflwyno
Mae'r darlithoedd yma wedi'u cynllunio i'ch addysgu am y materion sy'n effeithio ar ddylunwyr cynnyrch ym myd diwydiant:
- Arloesi Dylunio ar gyfer Diwydiant
- Arweinyddiaeth Strategol
- Rheoli Projectau
- Sefydliadau a Rheolaeth
- Marchnata
- Sgiliau Cyflwyno
- Dylunwyr mewn asiantaethau
- Dylunwyr cynnyrch mewn cwmnïau ymgynghorol
- Arbenigwr technegol mewn peirianneg a chynllunio drwy gymorth cyfrifiadur
- Peirianwyr cynhyrchu
- Rheolwyr cynhyrchu
- Dylunwyr technegol
- Dylunio mewnol
- Dylunio dodrefn
- Peirianwyr dylunio
- Dylunwyr graffeg
- Dylunwyr digidol
- Dylunwyr gemwaith
- Rheolwyr marchnata
- Rheolwyr datblygu busnes
- Arweinwyr datrysiadau arloesol
- Rheolwyr strategaethau
- Perchnogion busnes hunangyflogedig
- Ymgynghorwyr annibynnol
- Athrawon uwchradd
Proffiliau graddedigion Dylunio Cynnyrch
Dylunydd Cynnyrch, Rhino Products Ltd. Lowri Edwards
"Rhino Products Ltd. yw'r prif wneuthurwr ategolion faniau yn Ewrop. Maent yn dylunio a gweithgynhyrchu raciau to, bariau, systemau cludo ysgolion, gris cefn, gris ochr, tiwbiau pibellau ac ysgolion drysau. Byddaf yn defnyddio Solidworks i ddylunio a phrofi ein cynnyrch newydd. Byddaf yn defnyddio FEA (Dadansoddiad Elfen Gyfyngedig) i brofi cynhyrchion cyn comisiynu mowldiau ar gyfer gweithgynhyrchu. Yn gweithio gyda pedwar peiriannydd arall, byddaf yn defnyddio’r cynnyrch i’w profi a chwilio am ffyrdd i'w gwella ar gyfer y modelau nesaf."
Peiriannydd Dylunio Cynnyrch, Carl Kammerling International (CK) Mathew Jones
"Ers dros 100 mlynedd, mae C.K wedi bod ar flaen y gad ran gweithgynhyrchu offer llaw. Rwy'n defnyddio Solidworks i ddylunio ein cynhyrchion, ond rwyf hefyd yn defnyddio Cura 3D i argraffu prototeipiau sylfaenol. Rydym yn siarad yn aml â defnyddwyr ein cynnyrch fel trydanwyr i ddysgu sut y gallwn wella ein cynnyrch. Yn ein swyddfa mae yna 2 beiriannydd dylunio a rydym yn gweithio'n agos gyda'n gilydd i ddatblygu cynnyrch ac yn rheoli tua 20 project ar y tro."
Dylunydd Arweiniol, Welcome Furniture Tim Hunt
"Mae Welcome Furniture wedi bod yn gweithgynhyrchu yn y DU ers dros 15 mlynedd. Rydym yn darparu dodrefn i gyflenwyr fel Argos, Matalan, Very a Wayfair. Rwy'n paratoi dyluniadau i'w cynhyrchu gan ddefnyddio peiriannau CNC. Byddaf yn defnyddio VR i werthuso dyluniadau newydd ac i arddangos cynnyrch i gwsmeriaid. Rwyf yn ymchwilio i dueddiadau dylunio mewnol cyfredol ac yn defnyddio cyfuniad o feddalwedd Adobe, Solidworks, Keyshot ac iMOS. Mae 250 o bobl yn ein gweithle, ac rwy'n gyfrifol am reoli tîm o 3 dyluniwr."
Cyfarwyddwr Cwmni, Gerallt Evans Metalcraft Victoria Rushton
"Tîm aml sgil o grefftwyr sy'n frwd dros greu eitemau hardd gan ddefnyddio ystod eang o fetelau a gorffeniadau, a fydd yn sefyll prawf amser yw Gerallt Evans Metalcraft. Rwyf yn defnyddio Autodesk Fusion 360 ac Inventer i ddylunio, datblygu a phrofi ein cynhyrchion. Mae gennym dorrwr plasma CNC SwiftCut Pro a brêc gwasgu CNC SAFAN. Mae pob prosiect angen ei broses ddylunio ei hun. Mae bob amser yn her sicrhau bod peirianneg y cynnyrch yn gytbwys gyda'i ymddangosiad gweledol. Ers dod yn gyfarwyddwr, rwyf wedi cynyddu proffidioldeb, rolau staffio a chyfrifoldebau a systemau rheoli prosiectau strwythuredig."
Peiriannydd Strwythurau a Hydroleg, JCB Charlie Small
"Mae fy swydd bresennol yn ymwneud â dylunio a phrofi systemau hydrolig, yn ogystal â chydrannau strwythurol a bracedwaith, ar gyfer amrywiaeth o gloddwyr a pheiriannau eraill. Mae hefyd yn cynnwys llai o dasgau dylunio-benodol yn ogystal, megis asesiadau risg, dadansoddi methiannau ac ymarferion datrys problemau. Rwy’n aml yn cyflwyno cysyniadau ac atebion i dîm bach o 10-15 o bobl, ac weithiau’n trafod y gwaith rwy’n ei wneud i’r tîm ehangach o tua 60 neu 70 o bobl. Helpodd Bangor yn fawr i amlygu fy moeseg waith a fy angerdd am ddylunio da a hefyd y syniad o welliant personol parhaus - ceisio bod y fersiwn orau ohonoch chi'ch hun bob dydd."
Dilynwch ni ar Instagram
Ydych chi yn barod?
Yr hyn rwy'n ei garu am y cwrs Dylunio Cynnyrch ym Mhrifysgol Bangor yw bod gennym ddarlithwyr gwybodus iawn gyda phrofiad yn y diwydiant.
Unrhyw gwestiynau? Sgwrsiwch gyda myfyrwyr a staff
A oes gennych unrhyw gwestiynnau am fywyd myfyriwr ym Mangor? Mae ein llysgenhadon yn barod i’ch helpu gael yr ateb.
Gall ein myfyrwyr ddweud mwy wrthoch am y profiad o astudio yma, am y Clybiau a Chymdeithasau gwych sydd yma, a sut bu iddynt hwy wneud ffrindiau ac ymgartrefu yn y Brifysgol.
Os oes gennych unrhyw gwestiynau am y cwrs, mae ein darlithwyr wrth law i helpu. Dyma rai cwestiynau a ofynnir yn aml. Oes gennych chi unrhyw gwestiwn arall i'n darlithwyr?
- Pa rinweddau sydd gan fyfyrwyr llwyddiannus Dylunio Cynnyrch ym Mangor?
- Beth allai wneud i baratoi at astudio Dylunio Cynnyrch ym Mangor?
- Sut ydw i yn gwybod mai Dylunio Cynnyrch ym Mangor yw’r dewis iawn i mi?
Ein Hymchwil o fewn Dylunio Cynnyrch
Wrth astudio Dylunio Cynnyrch byddwch yn dysgu am y canfyddiadau ymchwil diweddaraf yn eich maes ac yn cael cyfle i weithio gydag arbenigwyr ymchwil o fri cenedlaethol a rhyngwladol wrth gynllunio a gweithredu eich ymchwil eich hun. Fe'ch addysgir gan unigolion sy'n cael eu cydnabod yn rhyngwladol am eu harbenigedd ac sy'n cael eu gwahodd yn rheolaidd i siarad mewn amryw o ddigwyddiadau amlwg ledled y byd.
Mae ein hymchwil ym maes Dylunio Cynnyrch wedi'i gwreiddio'n gyson yn ein briffiau byw ac mae'r canlyniadau'n dod yn rhan annatod o brosesau datblygu cynnyrch ac arloesi newydd o fewn cwmnïau. Mae'r profiadau cymhwysol a byd go iawn hyn wedi arwain at i nifer o'n myfyrwyr gael eu henwi ar batentau gyda'n cwmnïau partner.
Lleoliad Bangor
Efallai y bydd gennych ddiddordeb yn y meysydd pwnc yma hefyd.
Efallai y bydd gennych ddiddordeb yn y meysydd pwnc yma hefyd.
