Graddau Plismona Israddedig

Mae’r radd BSc Plismona wedi ei thrwyddedu gan y Coleg Plismona ac yn bodloni holl ofynion craidd y Fframwaith Cymwysterau Addysg Plismona (PEQF). Mae hyn yn golygu bod yr hyn y byddi di’n ei ddysgu yn dilyn y safonau cenedlaethol ar gyfer addysg yr heddlu yng Nghymru a Lloegr.

Wedi'i gyflwyno mewn partneriaeth â Grŵp Llandrillo Menai, yn ystod dy radd byddi di’n astudio cwricwlwm a gynlluniwyd i dy helpu i wneud cais i heddluoedd ledled y Deyrnas Unedig. Ar ôl graddio galli di wneud cais i ymuno â'r heddlu am gyfnod prawf o ddwy flynedd.

Cofia: Nid yw cwblhau'r radd hon yn gwarantu recriwtio i wasanaeth yr heddlu, bydd dal angen i ti lwyddo ym mhroses ymgeisio ofynnol yr heddlu. Cynghorir rhai a hoffai gael gyrfa yn yr heddlu i wirio’r meini prawf cymhwysedd a bennir gan wasanaethau heddlu unigol.

Ym Mhrifysgol Bangor byddi di’n cael dy addysgu gan staff profiadol gan gynnwys cyn-swyddogion heddlu a throseddegwyr. Maen nhw'n dod â mewnwelediad gweithredol ac ymchwil cyfoes yn uniongyrchol i dy ddysgu, gan dy helpu i ddeall sut mae plismona'n gweithio ar hyn o bryd.

Gydag arbenigedd yn y canlynol:

• Ymchwiliadau'r heddlu
• Plismona ffyrdd
• Ymgysylltu cymunedol
• Erledigaeth
• Troseddau twyll
• Effaith trosedd ar gymdeithas
• Ymatebion polisi

Byddi di’n astudio gradd sydd wedi'i theilwra i anghenion plismona modern. Caiff y cwricwlwm ei adolygu bob blwyddyn gyda’r Coleg Plismona i sicrhau bod dy ddysgu’n parhau i fod yn berthnasol.

Mae troseddu’n newid – a phlismona hefyd. Bydd ein gradd mewn Plismona yn rhoi’r sgiliau meddwl beirniadol a’r sgiliau gwneud penderfyniadau sydd arnynt eu hangen i ymdopi â heriau plismona heddiw.

Byddi di’n archwilio’r canlynol:

• Ymchwiliadau cymhleth
• Tueddiadau troseddu sy'n esblygu
• Galwadau cymunedol cynyddol

Gyda ffocws cryf ar weithdrefn ac ymarfer yr heddlu, bydd ein hamgylchedd cefnogol yn dy helpu i feithrin hyder o'r diwrnod cyntaf.

Mae gennym gysylltiadau cryf â Heddlu Gogledd Cymru ac asiantaethau troseddu cenedlaethol. Byddi di’n clywed yn uniongyrchol gan gyn-swyddogion a swyddogion presennol, arbenigwyr troseddeg a'r rhai sy'n gweithio yn y system gyfiawnder.

Er enghraifft, mae cyn-fyfyrwyr wedi ymweld â chanolfan reoli Heddlu Gogledd Cymru, treialon Llys y Goron, cyfarfod â'r Uned Ymateb Arfog a chlywed gan siaradwyr gwadd ar draws y maes plismona a throseddeg. Mae'r profiadau hyn yn dy helpu i adeiladu dy rwydwaith proffesiynol a deall beth mae gyrfa plismona yn ei olygu mewn gwirionedd.

Mae cyfleoedd hefyd i ddod yn Gwnstabl Arbennig wrth i chdi astudio. Galli di wasanaethu'n weithredol gyda Heddlu Gogledd Cymru gan roi cipolwg go iawn i chdi ar yrfa plismona.

Mae llawer o'n graddedigion yn mynd ymlaen i wneud cais am swyddi yn y maes plismona, ond mae'r sgiliau y byddi di’n eu datblygu yn agor amrywiaeth eang o opsiynau gyrfa.

Bydd dy allu i feddwl yn ddadansoddol, cyfathrebu ac arwain yn dy baratoi ar gyfer swyddi yn y meysydd canlynol:

• Cyfiawnder troseddol
• Y gwasanaeth sifil
• Sector cyhoeddus
• Diogelwch y gymuned
• Cynllunio ac ymateb i argyfwng

Pa bynnag lwybr gyrfa rwyt ti’n dewis ei ddilyn, byddi di’n sefyll allan fel gweithiwr proffesiynol hyderus a galluog.