Pam Dewis Prifysgol Bangor Drwy Clirio?
Mae gan Fangor gymuned groesawgar, lefelau uchel o foddhad myfyrwyr, a gwasanaethau cymorth cryf. Bydd myfyrywr yn elwa ar:
- Amgylchedd cyfeillgar a chefnogol mewn dinas groesawgar
- Addysgu o ansawdd uchel a chyrsiau ar draws amrywiaeth o feysydd pwnc
- Sicrwydd o lety i ymgeiswyr Clirio sy’n gwneud cais o fewn y terfynau amser penodedig
- Cyfle i fyw ac astudio drwy'r Gymraeg
- Cymorth myfyrwyr pwrpasol, gan gynnwys llesiant, gwasanaethau anabledd, a chanllawiau gyrfa
- Lleoliad unigryw rhwng y mynyddoedd a’r môr, sy’n cynnig lle ysbrydoledig i astudio
Sut I Helpu Cyn Diwrnod Y Canlyniadau?
Gall bod yn barod wneud gwahaniaeth mawr. Anogwch ymchwil gynnar:
- Archwilio pynciau y byddent yn eu mwynhau
- Edrych ar ein tudalennau cyrsiau israddedig
- Ystyried yr opsiynau llety a bywyd myfyrwyr
- Creu rhestr fer
- Sicrhau bod ganddynt eu ID UCAS, graddau a chymwysterau wrth law
Sut I Helpu Ar Ddiwrnod Y Canlyniadau?
Gallwch eu cefnogi drwy:
- Gwirio eu statws UCAS Hwb
- Ffonio'r Linell Gymorth Cirio i drafod eu opsiynau
- Helpu i baratoi beth i’w ddweud a gwybod pa gyrsiau y mae ganddynt ddiddordeb ynddynt
- Edrych ar y cyrsiau Clirio sydd ar gael
Beth Sy'n Digwydd Ar Ddiwrnod Y Canlyniadau?
Efallai fod rhai myfyrwyr ddim wedi cael y graddau neu’r sgôr pwyntiau sydd eu hangen, ond efallai y bydd y brifysgol sydd gennynt fel dewis cadarn neu fel dewis wrth gefn yn penderfynu eu derbyn ar y cwrs. Cysylltwch â nhw gyntaf a pheidiwch â chymryd yn ganiataol fod rhaid defnyddio’r drefn Glirio. Os ydynt yn penderfynu peidio â’u derbyn, neu os nad oes gan fyfyrwyr gynigion gan unrhyw brifysgol, yna maent yn gymwys i wneud cais am le drwy’r system Glirio.
Bydd myfyrwyr yn gwybod eu bod yn y drefn Clirio os ydw eu cais UCAS yn dweud ‘You are in Clearing’ neu ‘Clearing has started’. Os ydynt yn y drefn Clirio, rhaid cysylltu â phrifysgolion yn uniongyrchol i holi am y lleoedd sydd ar gael ar eu cyrsiau ac i weld a ydynt yn bodloni eu gofynion.
Cysylltu  Bangor Yn Ystod Clirio
- Cyn y diwrnod canlyniadau Lefel A ac yn ystod cyfnod canlyniadau Lefel A, cysylltwch â’r Llinell Gymorth Clirio ar 0800 085 1818.
- Yn ystod cyfnod canlyniadau Lefel A, gallwch hefyd drafod eich opsiynau dros Sgwrs Fyw.
- Llenwch y ffurflen ar-lein i gofrestru eich diddordeb mewn Clirio neu i wneud cais drwy Clirio os oes gennych eich canlyniadau.
Beth sy’n Digwydd yn ystod Galwad neu Sgwrs Fyw?
Pan fydd myfyrwyr yn ffonio ein Llinell Gymorth Clirio neu’n ymuno â Sgwrs Fyw Clirio, byddant yn:
- Siarad ag aelod cyfeillgar o'r tîm Clirio
- Trafod eu canlyniadau a'r cyrsiau
- Os yn llwyddiannus, yn derbyn cynnig llafar, ac yna cadarnhad o'r cynnig drwy e-bost
Beth Sy'n Digwydd Nesaf?
Anogwch nhw i:
- Gymryd eiliad i feddwl am eu opsiynau a beth sydd yn bwysig iddyn nhw cyn derbyn unrhyw gynnig
- Ymweld â ni os yn bosibl – mae gennym Ddiwrnod Ymweld Clirio a Diwrnod Agored Clirio
Unwaith mae myfyrwyr wedi derbyn cynnig lle drwy’r drefn Clirio dros e-bost ac wedi penderfynu dewis Prifysgol Bangor:
- Mae angen iddynt ychwanegu Prifysgol Bangor fel eu dewis Clirio ar UCAS
- Bydd Bangor wedyn yn cadarnhau eu lle
- Byddant yn derbyn e-bost gyda gwybodaeth ar sut i wneud cais am lety
- Bydd gwahoddiad i ymweld â ni ar Ddiwrnod Ymweld Clirio neu Ddiwrnod Agored Clirio.
Cirio - Cwestiynau Cyffredin i Athrawon a Chynghorwyr
Ydyn. Mae'n bosib rhyddhau eu hunain i'r drefn Glirio i chwilio am opsiynau eraill.
Ydyn. Mae llawer o fyfyrwyr yn newid pwnc neu gwrs drwy'r drefn Glirio.
Mae'n bosibl y bydd rhywfaint o hyblygrwydd, yn dibynnu ar y cwrs.
Nodyn Terfynol
Nid yw Clirio yn ddewis wrth gefn. Gyda'r gefnogaeth gywir, gall myfyrwyr wneud penderfyniadau hyderus a llwyddo ym Mhrifysgol Bangor.