Overview

Mae'r cyfnod rhwng 1900 a 1939 yn aml yn cael ei ddiffinio gan y negyddol yn nhermau dirwasgiad economaidd, argyfwng a dirywiad. Tra bod yr elfennau hyn yn greiddiol i unrhyw astudiaeth o hanner cyntaf yr 20fed ganrif ym Mhrydain, bydd y modiwl hwn yn ceisio herio’r dehongliad traddodiadol hwn trwy ddefnyddio ffasiynau hanesyddiaethol mwy diweddar i archwilio moderneiddio, diwylliant poblogaidd a sgandal, o’r Cyfnod Edwardaidd hyd at ddechrau'r Ail Ryfel Byd. Mae’n mynd y tu hwnt i fyd gwleidyddiaeth, gan roi dealltwriaeth i fyfyrwyr o newid cymdeithasol a’i effaith ar hunaniaeth, diwylliant a bywydau bob dydd. Roedd Jazz nid yn unig yn genre cerddorol, ond yn gysyniad oedd yn ymgorffori dadleuon am rywioldeb a moesoldeb, ac yn ffactor yn ymddangosiad ffenomenau cymdeithasol fel y ‘flappers’. Rhoddir pwyslais arbennig ar astudiaethau achos rhanbarthol, yn enwedig yng Nghymru, yn ogystal â rhai cymharol gydag America yn ystod Oes y Jazz, er mwyn gosod y profiad Prydeinig yn ei gyd-destun. Bydd myfyrwyr yn cael eu harwain i archwilio ffynonellau gwreiddiol, gan gynnwys cofiannau, erthyglau, llenyddiaeth, cerddoriaeth boblogaidd, celf a ffilm, a disgwylir i fyfyrwyr wneud defnydd helaeth o'r rhain.

Mae’r pynciau a drafodir ar y modiwl yn cynnwys: - Rhyfel, Ymerodraeth a Moderneiddio - Monarchiaeth, brenhiniaeth a hunaniaeth genedlaethol - Moderneiddio technolegol - Y Great Gatsby? America Oes y Jazz - Prydain a Thlodi - Gamblo, whippets a bwyd: bywydau dosbarth gweithiol - Cenedlaetholdeb a hunaniaeth Gymreig - Oswald Mosley ac Undeb Ffasgwyr Prydain (BUF). - Rolau rhywedd a ffasiwn - Y Bright Young People a Sgandal. - Jazz ac Americaneiddio. - Chwaraeon a chymdeithas.

Learning Outcomes

• Bod yn hynod o gyfarwydd gydag ystod eang o ffynonellau gwreiddiol, gan ddeall eu harwyddocâd hanesyddiaethol. Dylai myfyrwyr fedru cynhyrchu dadansoddiad clos o'r ffynonellau hyn.

• Dangos dealltwriaeth fanwl o Brydain 1900-1939.

• Datblygu persbectifau cymharol ar y dadleuon hanesyddol yn ymwneud â datblygiadau ym Mhrydain yn ystod y cyfnod hwn.

• Deall a gwerthuso'r modd mae'r cyfnod wedi'i bortreadu mewn ffynonellau eilaidd.

• Mynd i’r afael â chymhlethdod ail-greu’r gorffennol, yn arbennig wrth astudio hanesion cenedlaethol a rhanbarthol.

• To develop and sustain historical arguments and academic debate on particular aspects of the period.

• Ymwneud yn fanwl â chysyniadau a digwyddiadau penodol o'r cyfnod.